San Lucas 9:1 - Li Santil hu

¹ Li Jesús quixchꞌutubeb lix tzolom cablaju ut quixqꞌueheb xcuanquil chirisinquileb li ma̱us aj musikꞌej ut quixqꞌueheb ajcuiꞌ xcuanquil chixqꞌuirtesinquileb li yaj.

Q'eqchi Bible

¹ Naq kixch'utub'eb' li Kab'laju, li Jesus kixk'eheb' xkawilal ut xwankileb' sa' xb'een chixjunileb' li maa'us aj musiq'ej, jo'wi' re k'irtasink yajel.

San Lucas 9:1 ပူးပေါင်းရင်းမြစ်များ

San Juan 14:12

Relic chi ya̱l ninye e̱re, li ani napa̱ban cue la̱in, aꞌan tixba̱nu li cꞌanjel ninba̱nu la̱in. Ut kꞌaxal cuiꞌchic nabal li tixba̱nu chiru li xinba̱nu la̱in xban nak la̱in xic cue riqꞌuin li Yucuaꞌbej.

San Lucas 10:19

La̱in xinqꞌue e̱cuanquil. Usta te̱yekꞌ li cꞌantiꞌ ut laj xo̱cꞌ, ma̱cꞌaꞌ te̱cꞌul. Xinqꞌue e̱cuanquil saꞌ xbe̱n laj tza ut ma̱cꞌaꞌ ta̱ru̱k tixba̱nu e̱re.

Hechos 4:30

Ut riqꞌuin taxak xnimal la̱ cuanquil, ta̱qꞌuirtesiheb li yaj ut chaba̱nu li sachba chꞌo̱lej ut milagro saꞌ xcꞌabaꞌ li Jesús la̱ Santil Alal, chanqueb saꞌ lix tijeb.

San Mateo 16:19

Ut la̱in tinqꞌue a̱cuanquil saꞌ xbe̱neb li ani teꞌpa̱ba̱nk cue. Ut chixjunil li cꞌaꞌru ta̱cꞌu̱b ru saꞌ xya̱lal saꞌ ruchichꞌochꞌ, li Dios tixcꞌu̱b ajcuiꞌ ru saꞌ choxa. Li cꞌaꞌru ta̱ye us arin saꞌ ruchichꞌochꞌ, li Dios tixye ajcuiꞌ nak us. Ut li cꞌaꞌru ta̱ye incꞌaꞌ us, li Dios tixye ajcuiꞌ nak incꞌaꞌ us.—

Hechos 1:8

La̱ex te̱cꞌul le̱ cuanquil nak ta̱cha̱lk li Santil Musikꞌej e̱riqꞌuin. La̱ex chic texchꞌoloba̱nk resilal chicuix la̱in arin Jerusalén, aran Judea ut Samaria. Joꞌ ajcuiꞌ yalak bar jun sut saꞌ ruchichꞌochꞌ te̱chꞌolob lix ya̱lal, chan.

Hechos 9:34

Ut laj Pedro quixye re: —At Eneas, li Ka̱cuaꞌ Jesucristo tatxqꞌuirtesi anakcuan. Xaklin ut xoc la̱ cuarib, chan. Ut saꞌ junpa̱t quixakli li cui̱nk.

Hechos 3:16

Li cui̱nk aꞌin xqꞌuira saꞌ xcꞌabaꞌ li Jesús. Riqꞌuin xpa̱banquil li Jesús xqꞌuira chi junaj cua li cui̱nk aꞌin li nequenau ru ut yo̱quex chirilbal.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

San Mateo 8:9

La̱in ninnau nak naru ta̱ba̱nu aꞌan xban nak la̱in cuan ani nataklan cue ut cuanqueb lin soldado rubel lin cuanquil. Ut ninye re li jun, “ayu” ut naxic. Ut ninye re li jun chic, “quim”, ut nachal. Ut ninye re lin mo̱s, “ba̱nu aꞌin”, ut naxba̱nu, chan li capitán.

San Lucas 10:1

Ut chirix chic a cꞌaꞌak re ru aꞌin, li Ka̱cuaꞌ quixsiqꞌueb ru laje̱b xca̱cꞌa̱leb (70) chic chi cui̱nk ut quixtaklaheb chi caꞌcabil saꞌ eb li junju̱nk chi tenamit ut saꞌ eb li naꞌajej li bar talajeꞌnumekꞌ cuiꞌ.