San Lucas 8:8 - Li Santil hu

⁸ Ut cuan cuiꞌchic li iyaj quinak saꞌ li cha̱bil chꞌochꞌ. Quimok ut quiqꞌui ut quiu̱chin chi us. Quixqꞌue oꞌtakcꞌa̱l (100) ru li junju̱nk chi rok. Ut quixye cuiꞌchic li Jesús, —Li ani ta̱raj rabinquil li cꞌaꞌru yo̱quin chixyebal, chixqꞌuehak retal li yo̱quin chixyebal, chan.

Q'eqchi Bible

⁸ Wan chik iyaj kinaqk sa' chaab'il ch'och': kimoqk ut ki'uuchink chi o'taqk'aal”. Naq ak xye a'in, li Jesus ki'aatinak chi kaw chi kama'in: “Li wank xxik re ab'ink, chi'ab'inq”, chan.

San Lucas 8:8 ပူးပေါင်းရင်းမြစ်များ

San Mateo 11:15

Li ani na-abin re li yo̱quin xyebal chixqꞌuehak retal chi us li cua̱tin xban nak cuan xya̱lal.

Apocalipsis 2:11

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, li jun aꞌan incꞌaꞌ tixcꞌul lix cab xcamic. Incꞌaꞌ ta̱xic saꞌ xbalba, chan li Cꞌajolbej reheb laj Esmirna.

Apocalipsis 2:7

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel. Li ani tixcuy xnumsinquil chixjunil li raylal aꞌin ut incꞌaꞌ nachꞌinan xchꞌo̱l saꞌ lix pa̱ba̱l, la̱in tinqꞌue lix yuꞌam chi junelic. Ut aꞌan ta̱cua̱nk riqꞌuin li Dios chi junelic saꞌ lix santil naꞌaj, chan li Cꞌajolbej reheb laj Éfeso.

San Marcos 4:20

Ut li iyaj li quitꞌaneꞌ saꞌ cha̱bil chꞌochꞌ, aꞌan chanchaneb li nequeꞌrabi ut nequeꞌxpa̱b chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60) ut li naxqꞌue oꞌtakcꞌa̱l (100) ru li junju̱nk.—

San Marcos 4:8

Ut cuan cuiꞌchic li iyaj coxnak saꞌ li cha̱bil chꞌochꞌ. Quimok ut quiqꞌui ut quiu̱chin chi us. Cuan quixqꞌue laje̱tk xcaꞌcꞌa̱l (30) ru. Cuan li quixqꞌue oxtakcꞌa̱l (60) ru ut cuan cuiꞌchic quixqꞌue oꞌtakcꞌa̱l (100) ru li junju̱nk.

San Mateo 13:23

Ut li iyaj li quinak saꞌ li cha̱bil chꞌochꞌ, aꞌaneb li nequeꞌrabi ut nequeꞌxpa̱b ut nequeꞌxtau ru chi tzꞌakal li ra̱tin li Dios. Nequeꞌqꞌui chi us saꞌ lix pa̱ba̱leb, joꞌ li acui̱mk li naru̱chin laje̱tk xcaꞌtakcꞌa̱l (30) ut li naxqꞌue oxtakcꞌa̱l (60), ut li naxqꞌue oꞌtakcꞌa̱l ru (100) li junju̱nk.—

Proverbios 20:12

Li Ka̱cuaꞌ quixqꞌue li kaxic re nak to-abi̱nk ut quixqꞌue ajcuiꞌ li xnakꞌ ku re nak to-ilok.

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

Jeremías 13:15

Laj Jeremías quixye reheb li tenamit: —La̱ex aj Israel, li Ka̱cuaꞌ yo̱ chika̱tinanquil. Abihomak li cꞌaꞌru yo̱ chixyebal ut qꞌuehomak retal. Me̱kꞌetkꞌeti e̱rib chiru.

Proverbios 8:1

¿Ma incꞌaꞌ ta biꞌ yo̱ chi abi̱c resil li naꞌleb aꞌin yalak bar? Ut, ¿ma incꞌaꞌ ta biꞌ yo̱ chi abi̱c resil li se̱bal chꞌo̱lej?

Génesis 26:12

Saꞌ li chihab aꞌan laj Isaac qui-au saꞌ li naꞌajej aꞌan. Ut kꞌaxal cuiꞌchic nabal li ru li racui̱mk li quixxoc xban nak li Ka̱cuaꞌ Dios quirosobtesi laj Isaac.

Colosenses 1:10

Nocotijoc che̱rix re nak ti̱cak le̱ yuꞌam xban nak rehex chic li Ka̱cuaꞌ ut sahak saꞌ xchꞌo̱l li Dios e̱riqꞌuin. Junelic cheba̱nuhak li us ut chetauhak ru chi tzꞌakal lix lokꞌal li Dios.

Efesios 2:10

Li Dios coxyoꞌobtesi ut quixqꞌue ke li acꞌ yuꞌam saꞌ xcꞌabaꞌ li Jesucristo re nak cha̱bilak li kayuꞌam xban nak ac joꞌcan cꞌu̱banbil chak xban li Dios junxil re nak cha̱bilak li kayehom kaba̱nuhom.

Jeremías 25:4

Li Ka̱cuaꞌ xtakla e̱riqꞌuin nabal sut eb li profetas li nequeꞌcꞌanjelac chiru, abanan la̱ex incꞌaꞌ queqꞌue retal li cꞌaꞌru queꞌxye chi moco xex-abin chiruheb.

San Marcos 4:23

Li ani naraj rabinquil, chixqꞌuehak retal li ninye.—

San Marcos 7:16

Li ani naraj rabinquil, chixqꞌuehak retal li ninye.—

San Lucas 8:7

Ut cuan cuiꞌchic li iyaj quinak saꞌ xya̱nk li qꞌuix. Ut nak quichamoꞌ li qꞌuix saꞌ xbe̱n, quixnatꞌ li acui̱mk.

San Lucas 14:35

Incꞌaꞌ chic ta̱usa̱k chokꞌ re li chꞌochꞌ, chi moco chokꞌ re li mul. Yal re tzꞌekecꞌ aj chic. Li ani ta̱raj rabinquil li cua̱tin, chixqꞌuehak retal li yo̱quin chixyebal.

Apocalipsis 3:6

Cui te̱raj xtaubal ru lix ya̱lal, cheqꞌuehak retal li naxye li Santil Musikꞌej reheb laj pa̱banel.— Joꞌcaꞌin quixye li Cꞌajolbej reheb laj pa̱banel li cuanqueb Sardis.

Apocalipsis 3:13

Cui te̱raj xtaubal ru lix ya̱lal, cherabihak li naxye li Santil Musikꞌej reheb laj pa̱banel.— Joꞌcaꞌin quixye li Cꞌajolbej reheb laj pa̱banel li cuanqueb Filadelfia.

Apocalipsis 13:9

Li ani ta̱raj xtaubal ru lix ya̱lal, chixqꞌuehak retal aꞌin: