San Lucas 8:40 - Li Santil hu

⁴⁰ Nak li Jesús quinumeꞌ cuiꞌchic jun pacꞌal li palau, li qꞌuila tenamit yo̱queb chiroybeninquil chi saheb saꞌ xchꞌo̱l.

Q'eqchi Bible

⁴⁰ Naq kisutq'iik chaq li Jesus, kik'ule'k xb'aaneb' li k'iila tenamit, xb'aan naq chixjunileb' yookeb' royb'eninkil.

San Lucas 8:40 ပူးပေါင်းရင်းမြစ်များ

San Marcos 5:21

Qui-oc cuiꞌchic li Jesús saꞌ li jucub ut quisukꞌi cuiꞌchic jun pacꞌal li palau rochbeneb lix tzolom. Ma̱ caꞌchꞌin li tenamit coxeꞌxchꞌutub rib riqꞌuin chire li palau.

San Mateo 9:1

Ut li Jesús qui-oc cuiꞌchic saꞌ jun li jucub ut quikꞌaxon jun pacꞌal li palau ut quicuulac saꞌ lix tenamit.

San Marcos 6:20

Laj Herodes naxnau nak laj Juan ti̱c xchꞌo̱l ut santil cui̱nk. Joꞌcan nak naxucuac ut incꞌaꞌ naraj nak ta̱camsi̱k. Quicuulac chiru rabinquil li quixye laj Juan usta cꞌajoꞌ nak naqꞌueheꞌ chi cꞌoxlac xban li a̱tin nayeheꞌ re.

Hechos 10:33

Joꞌcan nak xintakla a̱cꞌambal saꞌ junpa̱t. Ut la̱at xaba̱nu usilal ke. Xatcꞌulun. Anakcuan ut chikajunilo cuanco arin chiru li Dios chirabinquil chixjunil li cꞌaꞌru ta̱ye ke li xye chak a̱cue li Dios, chan laj Cornelio re laj Pedro.

San Juan 5:35

Laj Juan chanchan jun li xam quixcutanobresi e̱be nak quixchꞌolob lix ya̱lal che̱ru. Ut quisahoꞌ jun cꞌamoc saꞌ e̱chꞌo̱l chirabinquil li quixye.

San Lucas 19:48

Abanan incꞌaꞌ queꞌxtau chanru teꞌxba̱nu xban nak chixjunileb li tenamit yo̱queb chixqꞌuebal xchꞌo̱leb chirabinquil li cꞌaꞌru yo̱ chixyebal li Jesús.

San Lucas 19:6

Ut laj Zaqueo quicube saꞌ junpa̱t ut quixcꞌul li Jesús saꞌ rochoch chi sa saꞌ xchꞌo̱l.

San Lucas 5:1

Saꞌ jun li cutan li Jesús cuan chire li palau Genesaret ut kꞌaxal cuiꞌchic nabal li tenamit queꞌchꞌutla chirabinquil li ra̱tin li Dios.

San Marcos 12:37

Li rey David quixye “aj Colol cue” re li Ka̱cuaꞌ usta aꞌan xcomoneb li ralal xcꞌajol, chan li Jesús. Ut li qꞌuila tenamit queꞌrabi li ra̱tin chi sa saꞌ xchꞌo̱leb.

Proverbios 8:34

Us xak reheb li nequeꞌabin re li cha̱bil naꞌleb. Us xak reheb li nequeꞌoybenin riqꞌuin ut eb li nequeꞌsicꞌoc re rajlal.

San Lucas 8:39

Ayu saꞌ la̱ cuochoch ut ta̱serakꞌi reheb chixjunileb chanru nak li Dios xruxta̱na a̱cuu, chan li Jesús. Joꞌcan nak co̱ li cui̱nk ut quixserakꞌi reheb chixjunileb li cuanqueb saꞌ li tenamit chanru nak li Jesús quiruxta̱na ru.