San Lucas 8:32 - Li Santil hu

³² Aran cuanqueb jun tu̱b li a̱k yo̱queb chi ichajibc chiru li tzu̱l. Eb li ma̱us aj musikꞌej queꞌxtzꞌa̱ma chiru li Jesús nak tixtaklaheb chi oc riqꞌuineb li a̱k. Ut li Jesús quixcanabeb chi oc riqꞌuineb.

Q'eqchi Bible

³² Wankeb' aran jun nimla ch'uut chi aaq, yookeb' chi ichajib'k chiru li tzuul; ut eb' laj tza ke'relaji ru naq tixkanab'eb' chi ok rik'ineb' li aaq. Ut kixkanab'eb' chi xik.

San Lucas 8:32 ပူးပေါင်းရင်းမြစ်များ

Isaías 66:3

Eb aꞌan queꞌxsicꞌ ru li cꞌaꞌru queꞌraj xba̱nunquil ut aꞌ chic li ma̱usilal queꞌxra. Incꞌaꞌ tincꞌul lix mayejeb. Cui teꞌxcamsi li toro re teꞌxmayeja chicuu, chanchan nak teꞌxcamsi li ras ri̱tzꞌin. Ut cui teꞌxcamsi li carner, chanchan nak teꞌxtok xcux li tzꞌiꞌ. Ut nak teꞌxmayeja li ru li trigo, chanchan nak teꞌxmayeja xquiqꞌuel li a̱k chicuu. Nak teꞌxcꞌat lix pom chicuu, chanchan nak yo̱queb chixlokꞌoninquil li jalanil dios.

Isaías 65:4

Nequeꞌxnumsi li kꞌojyi̱n saꞌ xnaꞌajeb li camenak ut saꞌ eb li naꞌajej li cuanqueb chi mukmu. Nequeꞌxtiu xtibel li a̱k ut nequeꞌrucꞌ li xyaꞌal li tib li incꞌaꞌ raj teꞌxtzaca.

Apocalipsis 20:7

Nak acak xnumeꞌ li jun mil chihab, ta̱achꞌaba̱k laj tza ut ta̱e̱lk saꞌ li nimla chamal jul li tzꞌaptzꞌo cuiꞌ.

1 Juan 4:4

Ex inherma̱n, la̱ex rehex chic li Dios. La̱ex xecuy ut xenau xcolbal e̱rib chiruheb laj balakꞌ. Xecuy xban nak li Santil Musikꞌej cuan e̱riqꞌuin ut kꞌaxal nim xcuanquil aꞌan chiru laj tza li cuan riqꞌuineb laj balakꞌ.

San Juan 19:11

Li Jesús quixye re: —Ma̱cꞌaꞌ raj a̱cuanquil saꞌ inbe̱n cui ta incꞌaꞌ qꞌuebil a̱cue xban li Dios. Ut li jun li xkꞌaxtesin cue saꞌ a̱cuukꞌ re nak tatrakok a̱tin saꞌ inbe̱n, aꞌan kꞌaxal cuiꞌchic nim xma̱c cha̱cuu la̱at, chan.

Salmos 62:11

Moco yal jun sut ta ajcuiꞌ quicuabi nak quixye li Dios nak caꞌaj cuiꞌ aꞌan li kꞌaxal nim xcuanquil.

Li xHu LAJ JOB 2:6

Joꞌcan nak li Ka̱cuaꞌ Dios quixye re laj tza: —Us. Ma̱cꞌaꞌ naxye. Ba̱nu li cꞌaꞌru ta̱cuaj re, abanan incꞌaꞌ ta̱camsi, chan li Ka̱cuaꞌ.

Li xHu LAJ JOB 1:12

Li Ka̱cuaꞌ quixye re laj tza: —Us. Ba̱nu chixjunil li cꞌaꞌru ta̱cuaj riqꞌuin li cꞌaꞌru cuan re. Abanan laj Job ma̱cꞌaꞌ ta̱ba̱nu re, chan. Ut chirix aꞌan qui-el laj tza riqꞌuin li Ka̱cuaꞌ.

Li xHu LAJ JOB 1:10

¿Ma ma̱cuaꞌ ta biꞌ la̱at yo̱cat chi coloc rix lix jun cablal ut chixjunil li cꞌaꞌru cuan re? Ut la̱at ajcuiꞌ yo̱cat chi osobtesi̱nc re riqꞌuin chixjunil li cꞌaꞌru naxba̱nu. Joꞌcan nak yo̱ chi qꞌuia̱nc li cꞌaꞌru re saꞌ ruchichꞌochꞌ.

1 Reyes 22:22

Li musikꞌej quixye, “La̱in tin-oc riqꞌuineb chixjunileb li profeta re nak teꞌxye ticꞌtiꞌ re laj Acab,” chan. Ut li Ka̱cuaꞌ quixye re, “Us. Ayu ut balakꞌi laj Acab. Ta̱uxma̱nk joꞌ xaye” chan.—

Levítico 11:7

Joꞌcan ajcuiꞌ li a̱k. Incꞌaꞌ naru nequetzaca xban nak usta jun ajcuiꞌ lix xa̱la rok, abanan incꞌaꞌ naxhab xcua xcaꞌ sut. Aꞌan jun li xul incꞌaꞌ us chokꞌ e̱re.

San Mateo 7:6

Me̱qꞌue reheb li tzꞌiꞌ li cꞌaꞌru kꞌaxal lokꞌ xban nak naru nequeꞌchal saꞌ e̱be̱n ut textiu. Chi moco te̱qꞌue li pec li kꞌaxal terto xtzꞌak chiruheb li a̱k re teꞌxyekꞌi.

San Lucas 8:31

Ut eb li ma̱us aj musikꞌej queꞌxtzꞌa̱ma chiru li Jesús nak incꞌaꞌ tixtaklaheb saꞌ xbalba.

San Lucas 8:33

Queꞌel li ma̱us aj musikꞌej riqꞌuin li cui̱nk ut queꞌoc riqꞌuineb li a̱k. Eb li a̱k queꞌoc chi a̱linac. Saꞌ xbe̱n li u̱l queꞌel chak ut toj saꞌ li palau coxeꞌnak ut aran queꞌcam.