San Lucas 8:30 - Li Santil hu

³⁰ Li Jesús quixye re: —¿Ani a̱cꞌabaꞌ? chan re. —Cuakib mil incꞌabaꞌ xban nak nabalo, chan nak quichakꞌoc.

Q'eqchi Bible

³⁰ Li Jesus kixpatz' re: —Ani laak'ab'a'? Kichaq'ok a'an ut kixye: —Jun tuub' link'ab'a'. Kixye chi jo'kan xb'aan naq naab'aleb' aj tza okenaqeb' rik'in.

San Lucas 8:30 ပူးပေါင်းရင်းမြစ်များ

San Mateo 26:53

¿Ma incꞌaꞌ nacanau nak naru tintzꞌa̱ma chiru lin Yucuaꞌ ut aꞌan tixtakla raj chak anakcuan anakcuan qꞌuila okꞌob chi ángel chincolbal?

San Lucas 8:2

Cuanqueb ajcuiꞌ ixk yo̱queb chi ochbeni̱nc reheb. Eb li ixk aꞌin, aꞌan eb li queꞌqꞌuirtesi̱c xyajeleb ut eb li queꞌisi̱c ma̱us aj musikꞌej riqꞌuineb xban li Jesús. Saꞌ xya̱nkeb aꞌan cuan lix María. Lix Magdalena nequeꞌxye ajcuiꞌ re. Aꞌan li ixk li qui-isi̱c cuukub li ma̱us aj musikꞌej riqꞌuin.

San Marcos 16:9

Toj ekꞌela saꞌ li xbe̱n li cutan re li xama̱n quicuacli li Jesús chi yoꞌyo saꞌ xya̱nkeb li camenak. Li xbe̱n li quixcꞌutbesi cuiꞌ rib li Jesús, aꞌan lix María aj Magdala. Aꞌan li ixk li qui-isi̱c li cuukub chi ma̱us aj musikꞌej riqꞌuin xban li Jesús.

San Mateo 8:29

Ut eb aꞌan queꞌxjap re chixyebal: —¿Cꞌaꞌru ta̱cuaj kiqꞌuin, at Jesús? La̱at ralalat li nimajcual Dios. ¿Ma xatchal arin chikachꞌiꞌchꞌiꞌinquil chi toj ma̱jiꞌ xkꞌehil li rakba a̱tin? chanqueb.

San Marcos 5:9

Tojoꞌnak li Jesús quixpatzꞌ re: —¿Ani a̱cꞌabaꞌ? chan. —Cuakib mil (6,000) incꞌabaꞌ xban nak nabalo, chan nak quichakꞌoc.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

San Lucas 8:29

Quixye chi joꞌcan xban nak li Jesús ac yo̱ chixyebal re li ma̱us aj musikꞌej nak ta̱e̱lk riqꞌuin li cui̱nk. Nabal sut narahobtesi̱c li cui̱nk xban li ma̱us aj musikꞌej. Nequeꞌxbacꞌ riqꞌuin chꞌi̱chꞌ ut riqꞌuin cadena. Abanan naxtꞌupi li cadena ut nacꞌameꞌ xban li ma̱us aj musikꞌej saꞌ eb li naꞌajej bar ma̱cꞌaꞌ cuan.