San Lucas 8:3 - Li Santil hu

³ Cuan lix Susana saꞌ xya̱nkeb. Ut cuan ajcuiꞌ lix Juana li rixakil laj Chuza li quicuan chokꞌ merto̱m riqꞌuin laj Herodes. Ut cuanqueb ajcuiꞌ nabaleb chic li ixk rochbeneb. Aꞌan eb li nequeꞌtenkꞌan reheb riqꞌuin li cꞌaꞌruheb re.

Q'eqchi Bible

³ lix Jwana, rixaqil laj Kusa aj tenq' re laj Herodes, lix Susana ut naab'aleb' chik li neke'tenq'ank reheb' sa' li xjunkab'laleb'.

San Lucas 8:3 ပူးပေါင်းရင်းမြစ်များ

1 Timoteo 5:10

Tento ajcuiꞌ nak li xma̱lcaꞌan naꞌno̱k ru riqꞌuin li cha̱bilal ac xba̱nu. Ac xqꞌuiresiheb lix cocꞌal saꞌ xya̱lal. Quixcꞌul li rulaꞌ saꞌ xya̱lal nak queꞌcuulac saꞌ rochoch. Quixchꞌaj li rokeb li rech aj pa̱banelil. Quixtenkꞌaheb li yo̱queb chixcꞌulbal li raylal. Cui cha̱bil li cꞌanjel quixba̱nu, naru tixcꞌul lix tenkꞌanquil.

Filipenses 4:22

Chixjunileb laj pa̱banel li cuanqueb arin nequeꞌxtakla xsahil e̱chꞌo̱l. Ut kꞌaxal cuiꞌchic nabal xsahil e̱chꞌo̱l nequeꞌxtakla laj pa̱banel li cuanqueb saꞌ rochoch li acuabej.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

San Mateo 26:11

Li nebaꞌ junelic cua̱nkeb saꞌ e̱ya̱nk. Abanan la̱in moco cua̱nkin ta chi junelic e̱riqꞌuin.

San Mateo 25:40

Ut la̱in tinchakꞌok ut tinye reheb: “Relic chi ya̱l tinye e̱re, cui queba̱nu aꞌin re junak li nequeꞌpa̱ban cue, usta cubenak xcuanquil, cue ajcuiꞌ la̱in queba̱nu chak.”

San Mateo 2:11

Ut nak queꞌoc saꞌ li cab, queꞌxtau li cꞌulaꞌal rochben lix María li naꞌbej. Ut queꞌxcuikꞌib rib chiru li Jesús ut queꞌxlokꞌoni. Ut queꞌxte lix cꞌu̱leba̱leb ut queꞌxqꞌue lix ma̱tan. Ut li ma̱tan li queꞌxqꞌue, aꞌan li oro, li incienso ut li sununquil ban mirra xcꞌabaꞌ.

Isaías 23:18

Abanan li tumin li teꞌxcꞌul ta̱kꞌaxtesi̱k re li Ka̱cuaꞌ. Incꞌaꞌ chic teꞌxxoc chokꞌ reheb laj Tiro. Ta̱cꞌanjelak ban chiruheb li nequeꞌlokꞌonin re li Ka̱cuaꞌ re nak ta̱cua̱nk xcua rucꞌaheb ut ta̱cua̱nk ajcuiꞌ li rakꞌeb.

1 Crónicas 29:14

¿Chanru nak la̱in tinqꞌue cꞌaꞌru a̱cue? Ut, ¿chanru nak eb lin tenamit teꞌxqꞌue li na-ala saꞌ xchꞌo̱leb xqꞌuebal a̱cue? La̱o ma̱cꞌaꞌ cuan ke. Chixjunil li nakaqꞌue a̱cue, la̱at ajcuiꞌ xatqꞌuehoc ke.

San Lucas 24:10

Eb li ixk li queꞌyehoc re li esilal aꞌin reheb li apóstol, aꞌan eb lix María Magdala xtenamit, lix Juana ut lix María lix naꞌ laj Jacobo rochbeneb li jun chꞌol chic li ixk.

Hechos 13:1

Saꞌ xya̱nkeb laj pa̱banel aran Antioquía cuanqueb profeta ut cuanqueb aj tzolonel. Aꞌaneb aꞌin: laj Bernabé, laj Simón li nequeꞌxye Niger re, laj Lucio Cirene xtenamit, laj Manaén li quiqꞌuiresi̱c riqꞌuin laj Herodes li acuabej, ut laj Saulo.

San Mateo 14:1

Saꞌ eb li cutan aꞌan laj Herodes li acuabej quirabi resil li cꞌaꞌru yo̱ chixba̱nunquil li Jesús.

San Mateo 14:3

Ac junxil laj Herodes quixtakla xchapbal laj Juan. Queꞌxbacꞌ riqꞌuin cadena ut queꞌxqꞌue saꞌ tzꞌalam. Laj Herodes quixba̱nu chi joꞌcan yal xban nak joꞌcan quiraj lix Herodías. Lix Herodías aꞌan li rixakil laj Felipe li ri̱tzꞌin laj Herodes. Ut laj Herodes quixcꞌam chokꞌ rixakil.

San Mateo 14:6

Ut saꞌ xninkꞌeinquil lix chihab laj Herodes, lix coꞌ lix Herodías quixajoc chiruheb chixjunileb li ulaꞌ. Ut cꞌajoꞌ nak quicuulac chiru laj Herodes.

San Mateo 20:8

Ut nak qui-ecuu, li patrón quixye re lix merto̱m: —Bokeb laj cꞌanjel ut ta̱tojeb. Li ta̱tojeb xbe̱n cua, aꞌaneb li tojeꞌ xeꞌoc, ut nak ac xatrakeꞌ xtojbaleb aꞌan, tojoꞌnak ta̱tojeb li xeꞌoc ekꞌela.—

San Mateo 27:55

Ut cuanqueb ajcuiꞌ ixk yo̱queb chak chi iloc chi najt. Eb aꞌan toj Galilea queꞌxta̱ke chak li Jesús ut queꞌcꞌanjelac chiru.

San Juan 12:6

Ma̱cuaꞌ xban nak naxraheb li nebaꞌ nak quixye aꞌan. Quixye chi joꞌcan xban nak aj e̱lkꞌ. Riqꞌuin aꞌan cuan lix bo̱lsil li tumin ut cuan nak naxchap chokꞌ re aꞌan li tumin cuan chi saꞌ.