San Lucas 8:27 - Li Santil hu

²⁷ Tojeꞌ ajcuiꞌ teꞌcuulak li Jesús nak quichal jun li cui̱nk li cuan saꞌ li tenamit aꞌan chi cꞌuluc re. Li cui̱nk aꞌan ac junxil cuan ma̱us aj musikꞌej riqꞌuin. Incꞌaꞌ chic nacuan saꞌ rochoch chi moco naxqꞌue chic rakꞌ. Junes saꞌ li naꞌajej li nequeꞌmukeꞌ cuiꞌ li camenak nacuan.

Q'eqchi Bible

²⁷ Naq kox'elq li Jesus chi ch'och'el, kolk'ule'q xb'aan jun li winq kichalk chaq sa' li tenamit. Li winq a'an eechaninb'il xb'aaneb' maa'us aj musiq'ej, ut chalen najter ink'a' chik naxk'e raq' chirix, chi moko nawank sa' kab'l, junes sa'eb' li muqleb'aal kamenaq nakanaak.

San Lucas 8:27 ပူးပေါင်းရင်းမြစ်များ

1 Samuel 19:24

Ut laj Saúl quirisi lix tꞌicr li cuan saꞌ xbe̱n li rakꞌ joꞌ ajcuiꞌ lix chꞌi̱chꞌ re pletic. Ut qui-oc chi xajoc ut chixjapbal re chiru laj Samuel. Ut joꞌcan quixnumsi li cutan ut li kꞌojyi̱n. Chalen aꞌan quiticla xyebal: “¿Ma xcomoneb li profeta laj Saúl?” chanqueb.

Números 19:16

Ut muxbilak ajcuiꞌ ru li ani ta̱chꞌeꞌok re junak camenak saꞌ cꞌaleba̱l, usta quicamsi̱c chi chꞌi̱chꞌ, malaj ut yal nacam chi joꞌcan. Ut muxbilak ru li ani ta̱chꞌeꞌok re xbakel li camenak malaj ut junak li mukleba̱l. Muxbil ru ta̱cana̱k chiru cuukub cutan.

Isaías 65:4

Nequeꞌxnumsi li kꞌojyi̱n saꞌ xnaꞌajeb li camenak ut saꞌ eb li naꞌajej li cuanqueb chi mukmu. Nequeꞌxtiu xtibel li a̱k ut nequeꞌrucꞌ li xyaꞌal li tib li incꞌaꞌ raj teꞌxtzaca.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

San Marcos 5:15

Queꞌcuulac cuan cuiꞌ li Jesús ut queꞌril li cui̱nk li qui-isi̱c nabal chi ma̱us aj musikꞌej riqꞌuin. Cꞌojcꞌo aran nak coxeꞌxtau. Tikto chic ut tuktu chic xjolom. Riqꞌuin rilbal aꞌan queꞌoc xxiuheb li tenamit.

San Lucas 8:26

Li Jesús ut eb lix tzolom queꞌcuulac saꞌ li naꞌajej Gadara li cuan jun pacꞌal li palau Galilea.

San Lucas 8:28

Nak quiril li Jesús li cui̱nk quixcuikꞌib rib chiru. Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at li Ralal li nimajcual Dios. Nintzꞌa̱ma cha̱cuu nak mina̱chꞌiꞌchꞌiꞌi, chan re.