San Lucas 8:25 - Li Santil hu

²⁵ Ut li Jesús quixye reheb: —¿Cꞌaꞌru xecꞌul? ¿Ma ma̱cꞌaꞌ chic e̱pa̱ba̱l? chan. Cꞌajoꞌ nak qui-oc xcꞌaꞌuxeb ut queꞌxsach xchꞌo̱l. Queꞌxye chi ribileb rib, —¿Chanru nak nequeꞌabin li ikꞌ ut li palau chiru li cui̱nk aꞌin? Ut, ¿chanru nak cuan xcuanquil chixkꞌusbaleb? chanqueb.

Q'eqchi Bible

²⁵ Ut kixye reheb': —B'ar wank leepaab'aal? Te'xiwaq ut sachsookeb' xch'ool naq ke'xye chirib'ileb' rib': —Ani put a'in naq wank xwankil sa' xb'een li iq' ut li ha', ut neke'paab'ank chiru?

San Lucas 8:25 ပူးပေါင်းရင်းမြစ်များ

San Mateo 8:26

Ut li Jesús quichakꞌoc ut quixye: —La̱ex incꞌaꞌ nequexpa̱ban chi tzꞌakal. Joꞌcan nak nequexxucuac, chan reheb. Tojoꞌnak quicuacli, quixkꞌus li ikꞌ, ut li palau, ut saꞌ junpa̱t quichꞌana li ikꞌ ut quitukla ru li haꞌ.

Proverbios 30:4

¿Ani li quitakeꞌ toj saꞌ choxa ut quicube cuiꞌchic saꞌ ruchichꞌochꞌ? ¿Ani li quichapoc re li ikꞌ saꞌ rukꞌ? ¿Ani li quilanoc re li haꞌ saꞌ lix tꞌicr? ¿Ani li quixakaban re li ruchichꞌochꞌ saꞌ xnaꞌaj? Cui nacanau ani aꞌan, ye cue. ¿Ani xcꞌabaꞌ ut ani xcꞌabaꞌ li ralal?

San Mateo 14:31

Ut li Jesús saꞌ junpa̱t quixyeꞌ li rukꞌ, quixchap ut quixye re: —At cui̱nk, incꞌaꞌ nacatpa̱ban chi tzꞌakal. ¿Cꞌaꞌut nak xacuiba a̱chꞌo̱l?—

San Juan 11:40

Quixye li Jesús re: —¿Ma incꞌaꞌ xinye a̱cue nak cui ta̱pa̱b, ta̱cuil xcuanquilal li Dios? chan.

San Lucas 12:28

Ut cui li Dios naxqꞌue lix chꞌinaꞌusal li pim li cuan junpa̱t ajcuiꞌ ut cuulaj qꞌuebilak saꞌ xam, ¿ma tojaꞌ ta chic la̱ex incꞌaꞌ textikib? La̱ex incꞌaꞌ nequexpa̱ban chi tzꞌakal.

San Mateo 17:20

Ut li Jesús quixye reheb: —Incꞌaꞌ xexru xban nak incꞌaꞌ nequexpa̱ban chi tzꞌakal. Relic chi ya̱l tinye e̱re nak cuan taxak caꞌchꞌinak le̱ pa̱ba̱l chanchan xnimal ru jun chꞌina riyajil mostaza, te̱ye raj re li tzu̱l aꞌin, “Elen arin, kꞌaxon leꞌ” ut ta̱kꞌaxo̱nk raj. Ut ma̱cꞌaꞌ raj cꞌaꞌru incꞌaꞌ ta̱ru̱k te̱ba̱nu.

Proverbios 8:29

Ac cuan ajcuiꞌ chak li cha̱bil naꞌleb nak li Dios quixye re li palau bar ta̱numekꞌ ut quixye re lix cau ok nak incꞌaꞌ ta̱numekꞌ jun pacꞌal. Ac cuan ajcuiꞌ chak nak quixxakab saꞌ xnaꞌaj li ruchichꞌochꞌ.

San Mateo 6:30

La̱ex incꞌaꞌ nequexpa̱ban chi tzꞌakal. Ut cui li Dios naxqꞌue lix chꞌinaꞌusal li pim li cuan junpa̱t ajcuiꞌ ut cuulaj qꞌuebilak saꞌ xam, ¿ma tojaꞌ ta chic la̱ex incꞌaꞌ textikib?

San Mateo 8:10

Ut nak li Jesús quirabi li quixye, quisach xchꞌo̱l ut quixye reheb li yo̱queb chi ochbeni̱nc re: —Relic chi ya̱l tinye e̱re nak ma̱ jun intauhom chi moco saꞌ xya̱nkeb laj Israel tzꞌakal re ru xpa̱ba̱l joꞌ li jun aꞌin, usta ma̱cuaꞌ aj judío.

San Marcos 4:35

Nak qui-ecuu saꞌ li cutan aꞌan li Jesús quixye reheb lix tzolom: —Kꞌaxonko jun pacꞌal li palau, chan reheb.

San Lucas 8:24

Eb lix tzolom co̱eb cuan cuiꞌ li Jesús ut queꞌrajsi. Ut queꞌxye re: —At tzolonel, at tzolonel, osocꞌ ke, chanqueb. Ut li Jesús qui-aj ru ut quixkꞌus li ikꞌ ut quixkꞌus li palau ut chꞌanamil quicana. Incꞌaꞌ chic qui-ecꞌan.

San Lucas 8:26

Li Jesús ut eb lix tzolom queꞌcuulac saꞌ li naꞌajej Gadara li cuan jun pacꞌal li palau Galilea.