San Lucas 8:14 - Li Santil hu

¹⁴ Ut li iyaj li quinak saꞌ xya̱nk li qꞌuix, aꞌan retalileb li nequeꞌabin re li ra̱tin li Dios. Nequeꞌxpa̱b, abanan incꞌaꞌ nequeꞌqꞌui saꞌ xpa̱ba̱leb xban nak caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, li biomal ut xra̱bal ru li cꞌaꞌak chic re ru. Aꞌan li naramoc lix ya̱lal chiruheb.

Q'eqchi Bible

¹⁴ Li kit'ane'k sa' li k'ix ru a'aneb' li ke'rab'i li Aatin, ab'an neke'xnat' sa' b'e rik'in li k'iila k'a'uxl, rik'in li b'ihomal ut li xsahilal li ruuchich'och', ut chi jo'kan ink'a' naq'ano'k li ru.

San Lucas 8:14 ပူးပေါင်းရင်းမြစ်များ

1 Timoteo 6:17

Ta̱chꞌolob xya̱lal chiruheb li biom nak incꞌaꞌ teꞌxkꞌetkꞌeti ribeb chi moco teꞌxcꞌojob xchꞌo̱l saꞌ xbe̱n li biomal li na-osoꞌ. Cheꞌxqꞌue ban xchꞌo̱l chixyoꞌoninquil li yoꞌyo̱quil Dios. Aꞌan naqꞌuehoc ke chi nabal chixjunil li cꞌaꞌak re ru.

San Marcos 4:19

Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios reheb.

San Mateo 13:22

Ut li iyaj li quinak saꞌ xya̱nk li qꞌuix, aꞌaneb li nequeꞌabin re li ra̱tin li Dios. Abanan caꞌaj cuiꞌ li cꞌaꞌak re ru cuan saꞌ ruchichꞌochꞌ nequeꞌxcꞌoxla, joꞌ li biomal ut xra̱bal ru li cꞌaꞌak chic re ru. Ut aꞌan li naramoc lix ya̱lal chiruheb. Ma̱cꞌaꞌ na-oc cuiꞌ li ra̱tin li Dios chiruheb.

San Lucas 21:34

Chenauhak xcolbal e̱rib. Me̱qꞌue e̱rib chi a̱le̱c riqꞌuin li numcuaꞌac ut li cala̱c, chi moco riqꞌuin xcꞌoxlanquil chanru te̱numsi li cutan junju̱nk. Ma̱re anchal ta̱cuulak xkꞌehil li cutan aꞌan chi ma̱cꞌaꞌ saꞌ e̱chꞌo̱l.

San Lucas 8:7

Ut cuan cuiꞌchic li iyaj quinak saꞌ xya̱nk li qꞌuix. Ut nak quichamoꞌ li qꞌuix saꞌ xbe̱n, quixnatꞌ li acui̱mk.

2 Timoteo 4:10

Cuanquin injunes arin. Laj Demas xinixcanab xban xrahinquil ru li cꞌaꞌak re ru cuan saꞌ ruchichꞌochꞌ ut xco̱ saꞌ li tenamit Tesalónica. Laj Crescente xco̱ Galacia chi cꞌanjelac ut laj Tito xco̱ saꞌ li naꞌajej Dalmacia.

San Juan 15:6

Li ani incꞌaꞌ ta̱cua̱nk cuiqꞌuin ta̱isi̱k joꞌ nak nayoqꞌueꞌ li rukꞌ li cheꞌ li incꞌaꞌ us. Nak nachakic nacuteꞌ saꞌ xam ut nacꞌat.

San Lucas 16:13

Ma̱ ani ta̱ru̱k ta̱cꞌanjelak chiru cuib chi patrón. Ma̱re tixra li jun ut xicꞌ ta̱ril li jun chic, malaj ut xicꞌ ta̱ril li jun ut tixra li jun chic. Incꞌaꞌ naru texcꞌanjelak chiru li Dios cui junes le̱ biomal nequecꞌoxla.—

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.

San Lucas 8:15

Ut li iyaj li quitꞌaneꞌ saꞌ cha̱bil chꞌochꞌ, aꞌan retalileb li nequeꞌabin re li ra̱tin li Dios. Nequeꞌxpa̱b li ra̱tin chi anchaleb xchꞌo̱l ut nequeꞌqꞌui saꞌ xpa̱ba̱leb, chan li Jesús.

Hebreos 6:1

Joꞌcan nak incꞌaꞌ yo̱kex chi cꞌoxlac junes chirix li xetzol chak saꞌ xticlajic le̱ pa̱ba̱l. Toj cuan ban nabal te̱tzol chirix li Cristo re nak texqꞌui̱k saꞌ le̱ pa̱ba̱l. Ac nequenau nak ma̱cuaꞌ riqꞌuin kayehom kaba̱nuhom natauman li colba-ib. Riqꞌuin ban xpa̱banquil li Dios.