San Lucas 8:12 - Li Santil hu

¹² Ut li iyaj li quinak chire li be, aꞌan retalileb li nequeꞌabin re li ra̱tin li Dios. Nak ac xeꞌrabi li a̱tin, laj tza incꞌaꞌ naxcanabeb re teꞌxtau ru lix ya̱lal li ra̱tin li Dios re nak incꞌaꞌ teꞌpa̱ba̱nk ut teꞌcolekꞌ.

Q'eqchi Bible

¹² Li ke'naqk chire li b'e a'aneb' li ke'ab'ink re, ab'an moqon nachalk laj tza ut naxmaq' li Aatin sa' xch'ooleb' re naq ink'a' te'xpaab' ut te'kole'q.

San Lucas 8:12 ပူးပေါင်းရင်းမြစ်များ

Apocalipsis 12:9

Quicuteꞌ saꞌ ruchichꞌochꞌ xban li Dios li joskꞌ aj dragón. Li dragón, aꞌan li cꞌantiꞌ li ac cuan ajcuiꞌ chak najter. Aꞌan laj tza li nabalakꞌin reheb li cuanqueb saꞌ ruchichꞌochꞌ. Satanás nayeman re. Quicuteꞌ saꞌ ruchichꞌochꞌ laj tza ut queꞌcuteꞌ ajcuiꞌ li ángel li queꞌta̱ken re.

San Marcos 4:15

Ut li iyaj li quinak chire be, aꞌan chanchaneb li nequeꞌabin re li ra̱tin li Dios. Nak ac xeꞌrabi, saꞌ junpa̱t nachal laj tza chirisinquil li a̱tin ut saꞌ junpa̱t nasach saꞌ xchꞌo̱leb.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

Proverbios 4:5

Chatauhak taxak a̱naꞌleb ut chatauhak taxak xya̱lal. Ut incꞌaꞌ taxak ta̱sachk saꞌ a̱chꞌo̱l li cꞌaꞌru yo̱quin chixyebal a̱cue.

Proverbios 1:29

xban nak xetzꞌekta̱na le̱ naꞌleb xinqꞌue e̱re ut incꞌaꞌ xeraj xqꞌuebal inlokꞌal la̱in li Ka̱cuaꞌ.

San Lucas 8:5

—Jun aj acuinel co̱ chi a̱uc. Ut nak yo̱ chixhirbal li iyaj, cuan li quinak chire be ut quiyekꞌi̱c. Queꞌchal li xul li nequeꞌxicꞌan ut queꞌxcuaꞌ li iyaj.

Isaías 65:11

Abanan la̱ex li nequextzꞌekta̱nan cue, ra te̱cꞌul joꞌ ajcuiꞌ li nequeꞌtzꞌekta̱nan re lin santil tzu̱l. Ra te̱cꞌul la̱ex li nequemayeja li tzacae̱mk ut li vino chiruheb li yi̱banbil dios Gad ut Mení, lix diosil li biomal.

San Mateo 13:4

Ut nak yo̱ chixhirbal li iyaj, cuan quinak chire be. Queꞌchal li xul li nequeꞌxicꞌan ut queꞌxcuaꞌ li iyaj.

San Lucas 8:11

Aꞌan aꞌin lix ya̱lal li jaljo̱quil ru a̱tin li xinye. Li iyaj, aꞌan retalil li ra̱tin li Dios.

San Lucas 8:13

Ut li iyaj li quinak saꞌ xya̱nk li pec, aꞌan retalileb li nequeꞌabin re li ra̱tin li Dios ut nequeꞌxpa̱b chi saheb saꞌ xchꞌo̱l. Abanan incꞌaꞌ nacana saꞌ xchꞌo̱leb. Nak nayaleꞌ rix lix pa̱ba̱leb, incꞌaꞌ nequeꞌxcuy xnumsinquil. Nachꞌinan ban xchꞌo̱leb.