San Lucas 8:10 - Li Santil hu

¹⁰ Quichakꞌoc li Jesús ut quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual cuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb. Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal.

Q'eqchi Bible

¹⁰ ut a'an kixye: “K'eeb'il eere laa'ex xnawb'al xyaalal eb' li muqmuukil na'leb' chirix li xnimajwal awab'ejihom li Yos, ab'an reheb' li junch'ol chik ka'ajwi' sa' jaljookil ru aatin nak'eemank reheb': re naq us ta te'iloq maak'a' te'ril, us ta te'ab'inq maak'a' te'xtaw ru.

San Lucas 8:10 ပူးပေါင်းရင်းမြစ်များ

Isaías 6:9

Tojoꞌnak quixye cue: —Ayu ut toxa̱ye reheb li tenamit chi joꞌcaꞌin: Yo̱kex chirabinquil, abanan moco te̱tau ta ru lix ya̱lal ut yo̱kex chirilbal, abanan incꞌaꞌ te̱qꞌue retal cꞌaꞌru xya̱lal, chaꞌakat reheb.

San Marcos 4:11

Ut li Jesús quixye reheb: —La̱ex qꞌuebil e̱re xnaubal xya̱lal li mukmu̱quil naꞌleb chirix lix nimajcual xcuanquilal li Dios. Aꞌut li jun chꞌol chic li incꞌaꞌ nequeꞌpa̱ban, riqꞌuin jaljo̱quil ru a̱tin ta̱yema̱nk reheb.

San Mateo 11:25

Saꞌ eb li cutan aꞌan, li Jesús quitijoc ut quixye: —At inYucuaꞌ, la̱at laj e̱chal re li choxa joꞌ ajcuiꞌ li ruchichꞌochꞌ. Ninbantioxi cha̱cuu xban nak xamuk lix ya̱lal chirix lix nimal la̱ cuanquilal chiruheb li cuanqueb xnaꞌleb nak nequeꞌxye rib, ut xamuk ajcuiꞌ chiruheb li tzolbileb. Ut xacꞌut lix ya̱lal chiruheb li cubenakeb xcuanquil, li chanchaneb cocꞌal.

Jeremías 5:21

Abihomak la̱ex li ma̱cꞌaꞌ e̱naꞌleb, la̱ex li cau e̱chꞌo̱l. La̱ex li cuan xnakꞌ e̱ru ut incꞌaꞌ nequex-iloc, la̱ex li cuan e̱xic ut incꞌaꞌ nequex-abin.

Isaías 44:18

Eb li nequeꞌyi̱ban re li dios aꞌan incꞌaꞌ nequeꞌxtau xya̱lal xban nak chanchaneb li mutzꞌ. Incꞌaꞌ nequeꞌraj xtaubal xya̱lal xban nak ma̱cꞌaꞌeb xnaꞌleb.

Colosenses 2:2

Ut nintzꞌa̱ma ajcuiꞌ chiru li Dios nak cauhak le̱ chꞌo̱l saꞌ le̱ pa̱ba̱l. Cherahak taxak e̱rib che̱ribil e̱rib re nak junajak e̱chꞌo̱l. Lix naubal li naꞌleb aꞌin naxqꞌue xcacuilal le̱ chꞌo̱l. Chetauhak taxak ru chi tzꞌakal lix ya̱lal li mukmu nak quicuan chak. Li xya̱lal li mukmu nak quicuan chak, aꞌan nak li Cristo cuan e̱riqꞌuin.

Romanos 16:25

Chikalokꞌonihak taxak li Ka̱cuaꞌ Dios, li cuan xcuanquil re xqꞌuebal xcacuilal kachꞌo̱l saꞌ li kapa̱ba̱l. Ninchꞌolob xya̱lal che̱ru chirix li colba-ib saꞌ xcꞌabaꞌ li Jesucristo. Najter kꞌe cutan mukmu chak lix ya̱lal chiku; aban anakcuan cꞌutbesinbil chic lix ya̱lal chiku.

San Mateo 16:17

Tojoꞌnak quichakꞌoc li Jesús ut quixye re: —Us xak a̱cue, at Simón, ralalat laj Jonás, xban nak moco cui̱nk ta xcꞌutbesin cha̱cuu lix ya̱lal aꞌin. Lin Yucuaꞌ cuan saꞌ choxa, aꞌan ban li xcꞌutbesin cha̱cuu.

Salmos 25:14

Li Ka̱cuaꞌ nacuan chi sum a̱tin riqꞌuineb li nequeꞌxxucua ru ut naxcꞌut chiruheb cꞌaꞌru lix ya̱lal li contrato li quixba̱nu riqꞌuineb.

Deuteronomio 29:4

Ut toj chalen anakcuan li Dios incꞌaꞌ xexqꞌue chixtaubal ru li cꞌaꞌru xeril ut li cꞌaꞌru xerabi.

1 Timoteo 3:16

Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin: Li Cristo quitzꞌejcualoꞌ nak quicꞌulun saꞌ ruchichꞌochꞌ. Xakabanbil xcuanquil xban li Santil Musikꞌej. Qui-ileꞌ ru xbaneb li ángel. Ut aꞌan li chꞌolobanbil resil saꞌ chixjunil li ruchichꞌochꞌ. Ut nabaleb li queꞌpa̱ban re saꞌ ruchichꞌochꞌ. Ut quicꞌameꞌ saꞌ choxa riqꞌuin xnimal xlokꞌal.

1 Corintios 12:11

Abanan chixjunil li ma̱tan aꞌin qꞌuebil ke xban li jun chi Santil Musikꞌej. Aꞌan naqꞌuehoc xma̱taneb li junju̱nk joꞌ naraj aꞌan.

San Juan 12:40

Chanchaneb li mutzꞌ xban nak queꞌiloc ut incꞌaꞌ queꞌxtau xya̱lal. Queꞌcacuubresi̱c lix chꞌo̱leb xban li Dios re nak incꞌaꞌ teꞌxtau xya̱lal chi moco teꞌsukꞌi̱k riqꞌuin re nak tixqꞌuirtesiheb. (Isa. 6:10)

Isaías 29:14

Joꞌcan nak la̱in tinba̱nu jun li sachba chꞌo̱lej xiu xiu rilbal riqꞌuineb li tenamit aꞌin. Eb li cuanqueb xnaꞌleb ma̱cꞌaꞌak chic xnaꞌlebeb ut eb li se̱beb xchꞌo̱l incꞌaꞌ chic se̱bak xchꞌo̱leb, chan li Dios.

Ezequiel 12:2

—At ralal cui̱nk, la̱at cuancat saꞌ xya̱nkeb li tenamit kꞌaxal kꞌetkꞌeteb. Cuanqueb xnakꞌ ru, abanan incꞌaꞌ nequeꞌiloc. Cuanqueb xxic, abanan incꞌaꞌ nequeꞌabin xban nak aꞌaneb aj kꞌetol a̱tin.

San Marcos 4:12

Usta yo̱queb chi iloc, abanan incꞌaꞌ teꞌxqꞌue retal. Usta yo̱queb chi abi̱nc, abanan incꞌaꞌ teꞌxtau xya̱lal. Ta̱uxma̱nk chi joꞌcan re nak incꞌaꞌ teꞌxyotꞌ xchꞌo̱leb ut incꞌaꞌ teꞌxjal xcꞌaꞌuxeb ut incꞌaꞌ ta̱cuyekꞌ xma̱queb.—