San Lucas 8:1 - Li Santil hu

¹ Li Jesús co̱ saꞌ eb li tenamit chixyebal resil li cha̱bil esilal. Ut quilajeꞌxbeni chixjunileb li tenamit ut li cꞌaleba̱l rochbeneb lix tzolom cablaju. Yo̱ chixchꞌolobanquil lix ya̱lal chirix lix nimajcual cuanquilal li Dios.

Q'eqchi Bible

¹ Chirix chik a'in li Jesus kixb'eeniheb' li tenamit ut eb' li k'aleb'aal, yo chi xpuktesinkil li xchaab'il esil li xnimajwal awab'ejihom li Yos, rochb'eeneb' li Kab'laju

San Lucas 8:1 ပူးပေါင်းရင်းမြစ်များ

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

Romanos 10:15

Ut ¿chanru nak ta̱chꞌoloba̱k chak xya̱lal chiruheb cui ma̱ ani taklanbil xban li Ka̱cuaꞌ? Joꞌcaꞌin tzꞌi̱banbil saꞌ li Santil Hu: Cꞌajoꞌ xlokꞌal eb li nequeꞌxic yalak bar chixyebal resil li colba-ib, li naqꞌuehoc tuktu̱quil usilal. (Isa. 52:7)

Hechos 13:32

Joꞌcan ajcuiꞌ la̱o yo̱co chixchꞌolobanquil che̱ru li cha̱bil esilal aꞌin: nak li Dios quixcuaclesi cuiꞌchic chi yoꞌyo li Jesucristo.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

San Marcos 1:39

Joꞌcan nak li Jesús quicuulac saꞌ eb li naꞌajej cuan xcue̱nt Galilea. Yo̱ chixjulticanquil lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío, ut quirisi li ma̱us aj musikꞌej riqꞌuineb nabal chi cristian.

San Mateo 13:19

Li ani na-abin re lix ya̱lal chirix lix nimajcual cuanquilal li Dios ut incꞌaꞌ naxtau ru, aꞌan chanchan li iyaj li quinak chire be. Ut laj tza nachal ut naxmakꞌ chiru lix ya̱lal ut saꞌ junpa̱t nasach saꞌ xchꞌo̱l.

San Mateo 11:1

Nak quirakeꞌ li Jesús chixtaklanquileb chi xic chi cꞌanjelac lix tzolom cablaju, qui-el aran ut co̱ chixchꞌolobanquil lix ya̱lal saꞌ eb li tenamit.

San Mateo 9:35

Ut li Jesús yo̱ xbeninquil saꞌ eb li tenamit junju̱nk ut saꞌ eb ajcuiꞌ li cꞌaleba̱l. Quixcꞌut lix ya̱lal chiruheb saꞌ li cab li nequeꞌxchꞌutub cuiꞌ ribeb laj judío ut quixchꞌolob xya̱lal lix nimajcual cuanquilal li Dios chiruheb. Ut yo̱ chixqꞌuirtesinquil chixjunil li qꞌuila pa̱y chi yajel ut li raylal.

San Lucas 1:80

Ut li cꞌulaꞌal yo̱ chi qꞌui̱c ut yo̱ chi cacuu̱c saꞌ xpa̱ba̱l. Ut quicuan saꞌ li chaki chꞌochꞌ bar incꞌaꞌ qꞌuiheb li tenamit toj quicuulac xkꞌehil nak quixtiquib xchꞌolobanquil lix ya̱lal chiruheb laj Israel.

San Lucas 9:6

Co̱eb ut lix tzolom li Jesús saꞌ eb li junju̱nk chi naꞌajej ut yo̱queb chixchꞌolobanquil resil li colba-ib. Ut yo̱queb ajcuiꞌ chixqꞌuirtesinquileb li yaj.

San Lucas 20:1

Saꞌ jun li cutan li Jesús yo̱ chixchꞌolobanquil xya̱lal li colba-ib chiruheb li tenamit li cuanqueb saꞌ li templo, nak queꞌcuulac riqꞌuineb li xbe̱nil laj tij ut eb laj tzꞌi̱b rochbeneb li xakabanbileb chi cꞌanjelac saꞌ li templo.