San Lucas 7:6 - Li Santil hu

⁶ Ut li Jesús co̱ chirixeb. Nak ac cuulaqueb re cuan cuiꞌ li rochoch, li capitán quixtaklaheb li rami̱g chi a̱tinac riqꞌuin li Jesús ut queꞌxye re: —Joꞌcaꞌin xye li capitán a̱cue: Ma̱chꞌiꞌchꞌiꞌi a̱cuib chi cha̱lc saꞌ cuochoch xban nak moco incꞌulub ta nak tatcha̱lk saꞌ cuochoch.

Q'eqchi Bible

⁶ Koho li Jesus rochb'eeneb' ut, naq yookeb' chi nach'ok rik'in li kab'l, li xjolomileb' laj puub' kixtaqlaheb' li ramiiw chi xyeeb'al re: “At Qaawa', maach'i'ch'i'i aawib': moko ink'ulub' ta naq tat-ok rub'el linmuheb'aal.

San Lucas 7:6 ပူးပေါင်းရင်းမြစ်များ

Santiago 4:6

Li Dios kꞌaxal numtajenak cuiꞌchic li rusilal naxqꞌue ke. Li Santil Hu naxye nak li Dios incꞌaꞌ nacuulac chiru li nequeꞌxnimobresi rib. Abanan li Dios naxqꞌue li rusilal reheb li tu̱laneb. (Prov. 3:34)

San Marcos 5:24

Ut li Jesús co̱ chirix laj Jairo ut nabaleb li tenamit queꞌta̱ken re. Xban xqꞌuial li tenamit yo̱queb chixtiquisinquil ribeb.

San Lucas 8:49

Toj yo̱ ajcuiꞌ chi a̱tinac li Jesús nak quichal jun li cui̱nk saꞌ rochoch laj Jairo li nataklan saꞌ li cab li nequeꞌxchꞌutub cuiꞌ ribeb laj judío ut quixye re laj Jairo: —Xcam la̱ rabin. Ma̱chꞌiꞌchꞌiꞌi chic laj tzolonel, chan re.

Santiago 4:10

Checubsihak e̱rib chiru li Dios ut aꞌan tixqꞌue e̱cuanquil.

Hechos 10:38

Ac e̱rabiom resil li Jesucristo aj Nazaret. Li Dios quixqꞌue li Santil Musikꞌej re, ut quixqꞌue xcuanquil. Aꞌan quibe̱c yalak bar chixba̱nunquil li usilal ut chixqꞌuirtesinquileb li tacuasinbileb xban laj tza xban nak li Dios cuan riqꞌuin.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

San Mateo 20:28

La̱in li Cꞌajolbej. Abanan incꞌaꞌ xinchal re nak teꞌxcꞌanjela cuu. Xinchal ban re tincꞌanjelak chiruheb chixjunil ut re xqꞌuebal lin yuꞌam re xtojbal rix lix ma̱queb chixjunileb.—

San Mateo 3:11

Ya̱l nak la̱in nincubsi e̱haꞌ riqꞌuin haꞌ retalil nak xyotꞌeꞌ e̱chꞌo̱l ut xejal e̱cꞌaꞌux. Abanan cha̱lc re li kꞌaxal nim xcuanquil. Xban nak kꞌaxal nim xcuanquil chicuu la̱in, moco incꞌulub ta nak tincuisi lix xa̱b. Aꞌan tixcubsi e̱haꞌ riqꞌuin li Santil Musikꞌej ut riqꞌuin xam.

Proverbios 29:23

Li ani naxnimobresi rib nacubsi̱c xcuanquil xban xkꞌetkꞌetil. Abanan li naxcubsi rib naqꞌueheꞌ xlokꞌal.

San Lucas 7:4

Queꞌcuulac riqꞌuin li Jesús ut queꞌxtzꞌa̱ma chiru nak tixba̱nu li yo̱ chixtzꞌa̱manquil li capitán. Queꞌxye re li Jesús: —Us cui ta̱ba̱nu li usilal re li capitán,

Génesis 32:10

La̱in ma̱cuaꞌ incꞌulub chixjunil li usilal xaba̱nu cue. Ma̱cꞌaꞌ cuan cue nak xinnumeꞌ saꞌ li nimaꞌ Jordán. Caꞌaj cuiꞌ lin xukꞌ natelnac saꞌ cuukꞌ. Ut anakcuan nabal lin biomal cuan xban nak la̱at xatqꞌuehoc re.

San Lucas 7:5

xban nak aꞌan nocoxra la̱o aj judío ut aꞌan quitaklan re xyi̱banquil li cab nakachꞌutub cuiꞌ kib, chanqueb re li Jesús.

San Lucas 7:7

Joꞌcan nak incꞌaꞌ xco̱in la̱in chi a̱tinac a̱cuiqꞌuin. Ninnau nak moco incꞌulub ta nak tincuulak a̱cuiqꞌuin. Caꞌaj cuiꞌ nacuaj nak ta̱ye nak ta̱qꞌuira̱k lin mo̱s ut ninnau nak ta̱qꞌuira̱k.