San Lucas 7:42 - Li Santil hu

⁴² Ut xban nak incꞌaꞌ queꞌru xqꞌuebal re̱kaj li tumin queꞌxtoꞌoni, laj e̱chal re li tumin quixcuyeb xma̱c xcabichaleb. Anakcuan ye cue, ¿ani reheb a cuib aꞌin kꞌaxal ta̱rahok re laj e̱chal re li tumin? chan li Jesús.

Q'eqchi Bible

⁴² Naq kiril naq maak'a' k'aru te'xtoj wi', laj k'ehol to' kixsacheb' li xk'as xkab'ichaleb'. Ani reheb' a'an li q'axal taarahoq re?

San Lucas 7:42 ပူးပေါင်းရင်းမြစ်များ

Colosenses 3:13

Checuyak e̱rib chiribil e̱rib. Ut cui cuan junak cuan xma̱c che̱ru, checuyak xma̱c. Joꞌ nak quixcuy e̱ma̱c li Ka̱cuaꞌ, joꞌcan ajcuiꞌ cheba̱nu la̱ex.

Efesios 4:32

Cha̱bilakex che̱ribil e̱rib. Cheruxta̱na e̱ru chi ribil e̱rib. Ut checuyak e̱ma̱c chi ribil e̱rib joꞌ nak li Dios quixcuy e̱ma̱c saꞌ xcꞌabaꞌ li Cristo.

Efesios 1:7

Kꞌaxal numtajenak li rusilal li Dios li quixqꞌue ke xban nak riqꞌuin xcamic li Jesucristo, cuan kacolbal ut cuybil sachbil chic li kama̱c.

Gálatas 3:10

Chixjunileb li nequeꞌxsicꞌ xti̱quilal xchꞌo̱l riqꞌuin xba̱nunquil li naxye saꞌ li najter chakꞌrab, tenebanbil li tojba ma̱c saꞌ xbe̱neb xban nak joꞌcaꞌin tzꞌi̱banbil saꞌ li Santil Hu: Tenebanbil li tojba ma̱c saꞌ xbe̱neb li ani incꞌaꞌ nequeꞌxba̱nu chixjunil li tzꞌi̱banbil retalil saꞌ li chakꞌrab. (Deut. 27:26)

Romanos 5:6

La̱o incꞌaꞌ naru nakacol kib yal kajunes. Abanan quicuulac xkꞌehil nak quicam li Ka̱cuaꞌ Jesucristo re kacolbal la̱o aj ma̱c.

Romanos 3:24

Ut xban li rusilal li Dios, chixjunileb li nequeꞌpa̱ban, nequeꞌxma̱tani xti̱quilal xchꞌo̱leb saꞌ xcꞌabaꞌ li Ka̱cuaꞌ Jesucristo laj Colonel.

San Mateo 18:34

Cꞌajoꞌ nak quipoꞌ li rey ut quixkꞌaxtesi saꞌ rukꞌeb laj ilol tzꞌalam toj retal quixtoj chixjunil lix cꞌas.

Isaías 44:22

La̱in xinsachoc re le̱ ma̱c joꞌ nak nasach li chok. Sukꞌinkex cuiqꞌuin xban nak la̱in xincoloc e̱re.

Isaías 43:25

Abanan la̱in li Ka̱cuaꞌ Dios. La̱in nincuyuc re le̱ ma̱c. Ninba̱nu aꞌan xban nak la̱in li Dios. La̱in tincuy le̱ ma̱c ut incꞌaꞌ chic ta̱julticokꞌ cue.

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

San Mateo 18:27

Ut li rey quiril xtokꞌoba̱l ru laj cꞌanjel chiru. Quirachꞌab ut quixsach li retalil lix cꞌas.

San Lucas 7:43

Quichakꞌoc laj Simón ut quixye re li Jesús: —La̱in nincꞌoxla nak li ani nabal xcꞌas, aꞌan li kꞌaxal ta̱rahok re, chan. Ut li Jesús quixye cuiꞌchic re: —Ya̱l nak joꞌcan, chan.

2 Samuel 14:13

Li ixk quixye re: —At rey, ¿Cꞌaꞌut nak xaba̱nu li incꞌaꞌ us aꞌin reheb lix tenamit li Dios? Riqꞌuin li cꞌaꞌru xaye, nacꞌutun nak cuan a̱ma̱c. ¿Cꞌaꞌut nak incꞌaꞌ nacaqꞌue xlese̱ns re ta̱cha̱lk cuiꞌchic arin laj Absalón la̱ cualal?