San Lucas 7:38 - Li Santil hu

³⁸ Li ixk quijiloc riqꞌuin li Jesús. Qui-oc chi ya̱bac saꞌ xbe̱n li rok ut riqꞌuin lix yaꞌal ru quixchꞌaj. Ut quixmes riqꞌuin rismal xjolom. Quirutzꞌ li rok ut quixyul riqꞌuin li sununquil ban.

Q'eqchi Bible

³⁸ koxk'e rib' chirix li Jesus, chi roq, ut ki'ok chi yaab'ak ut chi xt'aqresinkileb' li roq rik'in li xya'al ru. Chirix chik a'an kixchaqihob'resiheb' li roq rik'in rismal xjolom, yo chi xtz'ub'aleb' ut xyulb'aleb' rik'in li sununkil b'an.

San Lucas 7:38 ပူးပေါင်းရင်းမြစ်များ

Isaías 61:3

Quinixtakla chixqꞌuebal li sahil chꞌo̱lejil reheb li teꞌya̱bak aran Sión re nak incꞌaꞌ chic rahak saꞌ xchꞌo̱leb. Tinqꞌueheb xlokꞌal chokꞌ re̱kaj li cha. Tinqꞌue li sahil chꞌo̱lejil chokꞌ re̱kaj li rahil chꞌo̱lejil. Tebinqꞌue chi bicha̱nc chokꞌ re̱kaj li ya̱bac. Chanchanakeb li cheꞌ li kꞌaxal cau xban nak chꞌolaninbileb xban li Ka̱cuaꞌ ut teꞌxba̱nu li ti̱quilal. Ut li Ka̱cuaꞌ ta̱qꞌuehekꞌ xlokꞌal riqꞌuin li teꞌxba̱nu.

Eclesiastés 9:8

Ta̱qꞌue saki akꞌ cha̱bil cha̱cuix ut ta̱qꞌue rajlal li sununquil ban saꞌ a̱jolom.

Salmos 51:17

Li mayej nacacuaj la̱at, aꞌan nak ta̱yotꞌekꞌ inchꞌo̱l chi tzꞌakal ut tinjal incꞌaꞌux. At inDios, la̱at incꞌaꞌ nacatzꞌekta̱na li ani naxcubsi rib cha̱cuu.

Génesis 18:4

Tintakla xcꞌambal caꞌchꞌinak li haꞌ re te̱chꞌaj le̱ rok. Chexhila̱nk rubel xmu li cheꞌ.

Jeremías 31:9

Yo̱keb chi tijoc ut yo̱keb chi ya̱bac nak yo̱keb chi sukꞌi̱c. Tincꞌameb chireheb li rok haꞌ saꞌ li be ti̱c ru. Ut incꞌaꞌ teꞌxtich li rokeb. Tinba̱nu chi joꞌcan xban nak la̱in lix yucuaꞌeb laj Israel ut laj Efraín, aꞌan li xbe̱n cualal.

Salmos 38:18

Tinxo̱to lin ma̱c cha̱cuu xban nak kꞌaxal ra saꞌ inchꞌo̱l xban li cꞌaꞌru xinba̱nu.

Esdras 10:1

Nak yo̱ chi tijoc laj Esdras, cuikꞌcuo chiru lix templo li Dios. Yo̱ chi ya̱bac ut yo̱ chixpatzꞌbal xcuybal xma̱queb li tenamit. Queꞌcuulac riqꞌuin jun chꞌu̱taleb laj Israel, joꞌ cui̱nk, joꞌ ixk, joꞌ cocꞌal. Yo̱queb chi ya̱bac chi cꞌajoꞌ xrahil xchꞌo̱leb.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

San Lucas 6:21

Us xak e̱re la̱ex li textzꞌoca̱k anakcuan xban nak ta̱cꞌojoba̱k e̱chꞌo̱l. Us xak e̱re la̱ex li yo̱quex chi ya̱bac anakcuan xban xrahil e̱chꞌo̱l xban nak saꞌ jun cutan texseꞌek xban xsahil e̱chꞌo̱l.

San Mateo 5:4

Us xak reheb li nequeꞌya̱bac xban xrahileb xchꞌo̱l xban nak eb aꞌan ta̱cꞌojoba̱k xchꞌo̱leb.

Zacarías 12:10

—Ut la̱in tinjal xnaꞌlebeb li ralal xcꞌajol laj David joꞌqueb ajcuiꞌ chixjunileb li cuanqueb Jerusalén. Cha̱bilakeb chic ut junelic teꞌtijok. Ut nak teꞌril nak queꞌxnumsi li chꞌi̱chꞌ saꞌ lin tibel, teꞌyotꞌekꞌ xchꞌo̱leb ut teꞌya̱bak. Chanchanakeb li nequeꞌya̱bac chirix xcamic li ralal li jun ajcuiꞌ chiruheb. Malaj ut chanchanakeb li nequeꞌya̱bac chirix xcamic li xbe̱n alalbej.

Joel 2:12

—Anakcuan yotꞌomak e̱chꞌo̱l, chan li Ka̱cuaꞌ. Chexya̱bak ut cheba̱nu e̱-ayu̱n. Sukꞌinkex cuiꞌchic cuiqꞌuin chi anchal e̱chꞌo̱l, chan.

Isaías 57:9

Quexco̱ex chi najt riqꞌuin li rey ut quecꞌam le̱ sununquil ban nak quexco̱ex. Quetaklaheb le̱ takl yalak bar. Chanchan nak quexco̱ex saꞌ xnaꞌajeb li camenak chixsicꞌbal le̱ naꞌleb.

Cantares 1:3

Kꞌaxal sa rutzꞌbal li sununquil ban nacacuocsi. Ut la̱ cꞌabaꞌ chanchan li sununquil ban. Joꞌcan nak eb li tukꞌ ixk nacateꞌxra.

San Lucas 22:62

Laj Pedro qui-el chirix cab ut cꞌajoꞌ nak quiya̱bac xban xrahil xchꞌo̱l.

San Lucas 7:37

Cuan saꞌ li tenamit aꞌan jun li ixk xcomoneb li incꞌaꞌ useb xnaꞌleb. Quirabi resil nak li Jesús cuan chi cuaꞌac saꞌ li rochoch laj fariseo. Co̱ aran ut quixcꞌam jun chꞌina botella li sununquil ban. Li chꞌina botella yi̱banbil riqꞌuin li cha̱bil pec alabastro xcꞌabaꞌ.

San Lucas 7:39

Nak quiril aꞌin laj fariseo li quibokoc re li Jesús chi cuaꞌac, quixye saꞌ xchꞌo̱l: Cui ta tzꞌakal profeta li cui̱nk aꞌin tixnau raj chanru lix yuꞌam li ixk aꞌin li yo̱ chi chꞌeꞌoc re li rok. Tixnau raj nak li ixk aꞌin incꞌaꞌ us xnaꞌleb.

San Juan 11:2

(Lix María, aꞌan li quiqꞌuehoc re li sununquil ban chiru rok li Jesús ut quixmes riqꞌuin rismal xjolom.)