San Lucas 7:25 - Li Santil hu

²⁵ ¿Cꞌaꞌru queril chak? ¿Ma junak cui̱nk cha̱bil xtikibanquil queril chak? Li cha̱bileb rakꞌ ut li cuanqueb saꞌ sahil chꞌo̱lej, eb aꞌan saꞌ rochoch eb li rey cuanqueb.

Q'eqchi Bible

²⁵ K'a' put ru koxeeril chaq? Ma jun li winq tiqto rik'in chaab'il aq'ej? Eb' li tiqtookeb' chi chaab'il ut li sa wankeb', sa' rochocheb' li awab'ej wankeb'.

San Lucas 7:25 ပူးပေါင်းရင်းမြစ်များ

San Mateo 6:29

Aꞌut la̱in tinye e̱re, usta cꞌajoꞌ xchakꞌal ru lix tikibanquil laj Salomón, abanan incꞌaꞌ quixtau xchakꞌal ru li utzꞌuꞌuj aꞌin.

San Mateo 3:4

Li rakꞌ narocsi laj Juan, aꞌan yi̱banbil riqꞌuin rix li xul camello ut lix cꞌa̱mal xsaꞌ aꞌan yal tzꞌu̱m. Aj sa̱cꞌ naxtzaca riqꞌuin xyaꞌal sak cꞌau.

Isaías 59:17

Li ti̱quilal quicꞌanjelac chiru joꞌ jun li chꞌi̱chꞌ re xcolbal re xchꞌo̱l. Ut li colba-ib quicꞌanjelac chiru joꞌ lix punit chꞌi̱chꞌ. Ut li tojba ma̱c quicꞌanjelac chiru joꞌ li rakꞌ. Ut lix joskꞌil quicꞌanjelac chiru joꞌ li tꞌicr re xlanbal rib.

Ester 8:15

Nak laj Mardoqueo qui-el riqꞌuin li rey cuan chirix li cha̱bil akꞌ joꞌ narocsi li rey, rax ut sak. Cuan saꞌ xjolom jun nimla corona oro. Ut cuan li tꞌicr saꞌ xbe̱n li rakꞌ. Li tꞌicr aꞌan yi̱banbil riqꞌuin cha̱bil tꞌicr lino morado. Nak queꞌril laj Mardoqueo, cꞌajoꞌ nak queꞌsahoꞌ xchꞌo̱l li cuanqueb saꞌ li tenamit Susa.

Ester 5:1

Nak ac xnumeꞌ li oxib cutan, lix Ester quixtikib rib chi cha̱bil joꞌ xcꞌulub xban nak aꞌan li reina. Qui-oc saꞌ li rochoch li rey ut quixakli saꞌ li oqueba̱l re li naꞌajej chunchu cuiꞌ li rey saꞌ lix cꞌojariba̱l. Lix cꞌojariba̱l na-iloc bar cuan cuiꞌ li puerta.

Ester 4:2

Quicuulac saꞌ li oqueba̱l re li rochoch li rey. Abanan incꞌaꞌ qui-oc xban nak ma̱ ani naru na-oc saꞌ li rochoch li rey cui cuan li kꞌes ru tꞌicr chirix.

Ester 1:11

Li rey quixye reheb nak teꞌxbok chak li reina Vasti. Ut quixye reheb nak cua̱nk chak lix corona saꞌ xjolom nak ta̱cha̱lk chiru li rey re xcꞌutbal lix chꞌinaꞌusal chiruheb li tenamit ut chiruheb ajcuiꞌ li nequeꞌtaklan saꞌ li junju̱nk chi tenamit xban nak kꞌaxal chꞌinaꞌus lix Vasti.

Ester 1:3

Yo̱ rox chihab roquic chokꞌ rey laj Asuero nak quixba̱nu jun li ninkꞌe chokꞌ reheb li nequeꞌcꞌanjelac chiru. Ut quixbokeb saꞌ li ninkꞌe li nequeꞌtaklan saꞌ li junju̱nk chi tenamit joꞌqueb ajcuiꞌ li nequeꞌcꞌamoc be saꞌ xya̱nkeb lix soldado eb laj Persia ut eb laj Media.

2 Reyes 1:8

Eb li takl queꞌxye: —Li rakꞌ yi̱banbil riqꞌuin rix li xul. Ut lix cꞌa̱mal xsaꞌ yi̱banbil riqꞌuin tzꞌu̱m, chanqueb. Li rey quixye reheb: —Aꞌan laj Elías nacuabi, chan.

1 Reyes 10:5

Ut quixqꞌue ajcuiꞌ retal li tzacae̱mk li nequeꞌxtzaca joꞌ ajcuiꞌ lix naꞌajeb li nequeꞌcꞌanjelac chiru laj Salomón. Quixqꞌue ajcuiꞌ retal li rakꞌeb li nequeꞌtaklan, joꞌ ajcuiꞌ li rakꞌeb li nequeꞌcꞌanjelac. Ut quixqꞌue ajcuiꞌ retal li cꞌatbil mayej li naxqꞌue saꞌ lix templo li Ka̱cuaꞌ. Riqꞌuin chixjunil li quiril, quisach xchꞌo̱l.

2 Samuel 19:35

La̱in cuan ca̱cꞌa̱l chihab cue anakcuan. Ma̱cꞌaꞌ chic naxqꞌue xsahil inchꞌo̱l. Incꞌaꞌ chic ninnau cꞌaꞌru li sa xtzacanquil, chi moco naru tincuutzꞌ ma sunu̱nc malaj ut incꞌaꞌ sunu̱nc li cua cuucꞌa. Chi moco naru chic nacuabi lix bicheb li nequeꞌbichan. ¿Cꞌaꞌut nak tinqꞌue i̱k saꞌ a̱be̱n re cuilbal?

San Mateo 11:8

¿Cꞌaꞌ put ru coxe̱ril chak? ¿Ma junak cui̱nk cha̱bil xtikibanquil coxe̱ril chak? Aꞌ li cha̱bileb rakꞌ saꞌ rochocheb li rey cuanqueb.

San Lucas 7:24

Ut nak queꞌel lix takl laj Juan riqꞌuin, li Jesús qui-oc chi a̱tinac riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru queril chak saꞌ li chaki chꞌochꞌ nak co̱ex chirilbal laj Juan? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ queril chak?

San Lucas 7:26

¿Cꞌaꞌru queril chak? ¿Ma junak profeta queril chak? Ya̱l nak aꞌan jun profeta. Abanan la̱in tinye e̱re nak li jun aꞌin naxkꞌax ru xcuanquil junak profeta.

San Lucas 16:19

Quicuan jun li cui̱nk biom. Naxtikib rib riqꞌuin cha̱bil tꞌicr kꞌaxal terto xtzꞌak ut rajlal cutan naninkꞌei̱c.