San Lucas 7:22 - Li Santil hu

²² Ut li Jesús quixye reheb: —Ayukex ut te̱serakꞌi re laj Juan li cꞌaꞌru xeril ut li cꞌaꞌru xerabi. Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix qꞌuirtesinbileb chic; eb li tzꞌap xic nequeꞌabin chic; eb li camenak xeꞌcuaclesi̱c cuiꞌchic chi yoꞌyo ut eb li nebaꞌ yo̱queb chirabinquil resil li usilal.

Q'eqchi Bible

²² Toja' naq kixsumeheb' ut kixye: —Ayuqex ut yehomaq re laj Jwan li xeril ut xerab'i. Eb' li mutz' neke'ilok ut eb' li yeq neke'b'eek, eb' li saqlep rix neke'k'irtasiik ut eb' li tz'ap xik neke'ab'ink, eb' li kamenaq neke'ajk ru ut eb' li neb'a' neke'rab'i li Chaab'il Esilal.

San Lucas 7:22 ပူးပေါင်းရင်းမြစ်များ

San Lucas 4:18

Lix musikꞌ li nimajcual Dios cuan cuiqꞌuin xban nak li Dios quixsicꞌ cuu chixyebal li cha̱bil esil reheb li cuanqueb saꞌ nebaꞌil. Quinixtakla chixcolbaleb li cuanqueb saꞌ raylal ut chixyebal resil nak teꞌachꞌaba̱k li cuanqueb chi pre̱xil ut re ajcuiꞌ nak tinqꞌueheb chi iloc li mutzꞌ ut teꞌcuisi ajcuiꞌ saꞌ raylal li rahobtesinbileb.

Santiago 2:5

Ex inherma̱n, raro̱quex inban. Abihomak li tinye e̱re. Li Dios quisicꞌoc ruheb li nebaꞌ saꞌ ruchichꞌochꞌ. Abanan li nebaꞌ biomeb chiru li Dios xban nak nequeꞌxpa̱b li Cristo ut teꞌxcꞌul lix nimal xcuanquil li quixyechiꞌi li Dios reheb li nequeꞌrahoc re.

San Mateo 21:14

Ut queꞌcꞌameꞌ riqꞌuin li Jesús saꞌ rochoch li Dios li mutzꞌ ut eb li ye̱k rok ut li Jesús quilajxqꞌuirtesiheb.

Hechos 26:18

Chanchan nak ta̱teo̱nk li xnakꞌ ruheb nak ta̱chꞌolob lix ya̱lal chiruheb. Chanchan nak teꞌe̱lk saꞌ li kꞌojyi̱n ut teꞌoc saꞌ cutan nak teꞌxtau ru lix ya̱lal. Teꞌe̱lk rubel xcuanquil laj tza ut teꞌoc rubel xcuanquil li Dios. Riqꞌuin inpa̱banquil la̱in, ta̱cuyekꞌ ta̱sachekꞌ lix ma̱queb, ut ta̱cua̱nk xnaꞌajeb saꞌ xya̱nkeb li sicꞌbileb ru xban li Dios,” chan cue li Ka̱cuaꞌ.

San Lucas 7:21

Ut saꞌ li ho̱nal aꞌan li Jesús yo̱ chixqꞌuirtesinquileb nabaleb li cristian li cuanqueb saꞌ raylal. Cuanqueb li yaj quixqꞌuirtesiheb. Ut cuanqueb li cuan ma̱us aj musikꞌej riqꞌuin ut li Jesús quirisi li ma̱us aj musikꞌej riqꞌuineb. Ut cuanqueb nabaleb li mutzꞌ li quixqꞌueheb chi iloc.

Sofonías 3:12

Li joꞌ qꞌuialeb li cha̱bil xnaꞌlebeb ut li tu̱laneb saꞌ li tenamit, aꞌaneb li teꞌcana̱k. Ut cauhakeb xchꞌo̱l cuiqꞌuin.

Jeremías 31:8

La̱in tincꞌameb chak lin tenamit saꞌ eb li naꞌajej li cuanqueb cuiꞌ saꞌ li norte. Tinchꞌutub ruheb chixjunileb yalak bar cua̱nkeb saꞌ ruchichꞌochꞌ. Eb li mutzꞌ ruheb ut eb li ye̱k rok teꞌcha̱lk rochbeneb, joꞌ eb ajcuiꞌ li yaj aj ixk ut li ac xeꞌqꞌuira. Kꞌaxal nabaleb li qꞌuila tenamit li teꞌcha̱lk.

Isaías 43:8

Li Ka̱cuaꞌ Dios quixye: —Cꞌamomakeb li tenamit li cuanqueb xnakꞌ ru abanan chanchaneb li mutzꞌ, ut eb li tenamit li cuanqueb xic, abanan chanchaneb li tzꞌap xic xban nak incꞌaꞌ nequeꞌxtau lix ya̱lal.

Isaías 42:16

Abanan la̱in tinberesiheb li mutzꞌ saꞌ eb li be li ma̱ jun sut xeꞌnumeꞌ cuiꞌ. Saꞌ eb li be li incꞌaꞌ xeꞌxnau la̱in tinberesiheb. Tinsukꞌisi li kꞌojyi̱n chokꞌ cutan chiruheb ut tinti̱cobresi li be chiruheb. Chixjunil li cꞌaꞌak re ru aꞌin tinba̱nu. Incꞌaꞌ tintzꞌekta̱naheb.

Salmos 146:8

Li Ka̱cuaꞌ naxqꞌueheb chi iloc li mutzꞌ. Ut naxqꞌue xcacuilal xchꞌo̱leb li yo̱queb chi chꞌina̱nc xchꞌo̱l. Li Ka̱cuaꞌ naxraheb li ti̱queb xchꞌo̱l.

Li xHu LAJ JOB 29:15

La̱in junelic xintenkꞌaheb li mutzꞌ ut eb li ye̱k rok. Chanchanin chic li xnakꞌeb ru ut chanchanin chic li rokeb.

Hechos 8:7

Nabaleb li cuan ma̱us aj musikꞌej riqꞌuineb queꞌqꞌuirtesi̱c. Japjo̱queb re li ma̱us aj musikꞌej nak nequeꞌel riqꞌuineb. Ut nabaleb li ye̱k rokeb ut li sic rok rukꞌeb quilajeꞌqꞌuirtesi̱c.

San Juan 1:46

Laj Natanael quixye re: —¿Ma cuan ta biꞌ junak cha̱bil ta̱cha̱lk chak Nazaret? chan. Ut laj Felipe quixye re: —Yoꞌo rilbal re nak ta̱pa̱b, chan.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Lucas 7:23

Us xak reheb li ani incꞌaꞌ ta̱chꞌina̱nk xchꞌo̱l chinpa̱banquil, chaꞌkex re, chan li Jesús.