San Lucas 7:21 - Li Santil hu

²¹ Ut saꞌ li ho̱nal aꞌan li Jesús yo̱ chixqꞌuirtesinquileb nabaleb li cristian li cuanqueb saꞌ raylal. Cuanqueb li yaj quixqꞌuirtesiheb. Ut cuanqueb li cuan ma̱us aj musikꞌej riqꞌuin ut li Jesús quirisi li ma̱us aj musikꞌej riqꞌuineb. Ut cuanqueb nabaleb li mutzꞌ li quixqꞌueheb chi iloc.

Q'eqchi Bible

²¹ Sa' li honal a'an li Jesus kixk'irtasi naab'aleb' li yaj, li wankeb' sa' rahilal ut li wankeb' maa'us aj musiq'ej rik'in; kixk'e ajwi' chi ilok naab'aleb' li mutz'.

San Lucas 7:21 ပူးပေါင်းရင်းမြစ်များ

San Marcos 3:10

Xban nak nabal ac xqꞌuirtesi, joꞌcan nak li qꞌuila tenamit yo̱queb chixtiquisinquil ribeb. Teꞌraj teꞌxchꞌeꞌ li Jesús re nak teꞌqꞌuira̱k.

Hebreos 12:6

La̱in nintij li ani ninra ut ninkꞌus chi cau li ani nincꞌul chokꞌ cualal incꞌajol. (Prov. 3:11-12)

San Marcos 5:34

Li Jesús quixye re: —Kanaꞌ, xban nak xapa̱b nak cuan incuanquil cha̱qꞌuirtesinquil, joꞌcan nak xatqꞌuira. Ayu chi sa saꞌ a̱chꞌo̱l ut chi ma̱cꞌaꞌ chic a̱raylal, chan.

San Marcos 5:29

Ut nak quixchꞌeꞌ li rakꞌ saꞌ junpa̱t quiqꞌuira, ut quitzꞌap lix quiqꞌuel. Ut li ixk quirecꞌa nak ma̱cꞌaꞌ chic xyajel.

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

1 Reyes 8:37

Ut cui ta̱cua̱nk cueꞌej saꞌ xya̱nkeb laj Israel, malaj ut li caki yajel, malaj ut li acui̱mk ta̱chakik xban li tik malaj ut ta̱cha̱lk jalan xyajel li acui̱mk joꞌ li moꞌ, joꞌ laj sa̱cꞌ, ut li motzoꞌ, malaj ut teꞌcha̱lk li xicꞌ nequeꞌiloc ke chixsutbal li katenamit, malaj ut yajel malaj ut cꞌaꞌak chic re ru chi raylalil ta̱cha̱lk saꞌ kabe̱n,

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

San Lucas 7:20

Nak queꞌcuulac lix tzolom laj Juan riqꞌuin li Jesús, queꞌxye re: —Xoxtakla chak laj Juan laj Cubsihom Haꞌ a̱cuiqꞌuin chixpatzꞌbal a̱cue, “¿Ma la̱at laj Colonel li yechiꞌinbil li yo̱co chiroybeninquil? ¿Malaj ut toj takoybeni junak chic?” chanqueb re li Jesús.

Levítico 14:48

Ut cui laj tij ta̱oc saꞌ li cab chirilbal ut naxqꞌue retal nak ma̱cꞌaꞌ chic li moꞌ nak ac xqꞌueheꞌ cuiꞌchic li se̱b chiru li tzꞌac, tixye nak moco muxbil ta ru xban nak ma̱cꞌaꞌ chic li moꞌ.