San Lucas 6:8 - Li Santil hu

⁸ Li Jesús quixnau cꞌaꞌru yo̱queb chixcꞌoxlanquil. Joꞌcan nak quixye re li cui̱nk li sic rukꞌ: —Cuaclin. Xakab a̱cuib chiruheb, chan. Ut li cui̱nk quicuacli ut quixakli chiruheb.

Q'eqchi Bible

⁸ Ab'an li Jesus naxnaw li yookeb' chi xk'oxlankil; jo'kan naq kixye re li winq chaqi ruq': —Xaqlin ut k'e aawib' arin sa' yiib'ej. Ut a'an kixaqliik ut kikanaak chi xaqxo.

San Lucas 6:8 ပူးပေါင်းရင်းမြစ်များ

Apocalipsis 2:23

Ut tinkꞌaxtesiheb chi ca̱mc li nequeꞌta̱ken re. Ut riqꞌuin aꞌin teꞌxqꞌue retal chixjunileb laj pa̱banel nak la̱in ninnau cꞌaꞌru nanumeꞌ saꞌ xchꞌo̱leb li junju̱nk. La̱in ninnau cꞌaꞌru nequecꞌoxla. Ut la̱in tinqꞌue e̱kꞌajca̱munquil che̱ju̱nkal aꞌ yal chanru le̱ yehom e̱ba̱nuhom.

San Mateo 9:4

Li Jesús ac naxnau li cꞌaꞌru yo̱queb chixcꞌoxlanquil ut quixye reheb: —¿Cꞌaꞌut nak yo̱quex chixcꞌoxlanquil li incꞌaꞌ us?

1 Pedro 4:1

Li Cristo quixcꞌul li raylal ut quirecꞌa tzꞌakal li raylal saꞌ kacꞌabaꞌ la̱o. Joꞌcan nak chikaqꞌue ajcuiꞌ kachꞌo̱l la̱o chixcuybal li raylal. Julticak e̱re nak ma̱cꞌaꞌ chic xcuanquil li ma̱c saꞌ xbe̱neb li nequeꞌxcuy li raylal chi ma̱cꞌaꞌ xma̱queb.

Hebreos 4:13

Ma̱ ani naru tixmuk rib chiru li Dios xban nak aꞌan quiyi̱ban re chixjunil li cꞌaꞌak re ru cuan. Cutan saken chiru li Dios li kayehom kaba̱nuhom. Ma̱cꞌaꞌ mukmu chiru li Dios li toxkachꞌolob cuiꞌ kayehom kaba̱nuhom.

Filipenses 1:28

Incꞌaꞌ texxucuak chiruheb li xicꞌ nequeꞌiloc e̱re. Cui la̱ex incꞌaꞌ texxucuak, eb aꞌan teꞌxqꞌue retal nak la̱ex texcolekꞌ ut eb aꞌan teꞌsachekꞌ. Ut li Ka̱cuaꞌ Dios, aꞌan li ta̱cꞌutuk re li naꞌleb aꞌin chiruheb.

Hechos 26:26

Li rey Agripa naxnau chixjunil li cꞌaꞌak re ru aꞌin. Joꞌcan nak yo̱quin chi a̱tinac chiru chi ma̱cꞌaꞌ inxiu. Aꞌan naxnau chixjunil aꞌin xban nak moco quicꞌulman ta chi mukmu, chan.

Hechos 20:24

Abanan la̱in ma̱cꞌaꞌ ninxucua, chi moco ninra lin yuꞌam chokꞌ cue injunes. Abanan nacuaj nak tinchoy lin cꞌanjel chi sa saꞌ inchꞌo̱l. Ut ninnau nak taklanbilin xban li Ka̱cuaꞌ Jesús chixyebal resil li evangelio li quixqꞌue li Dios xban li rusilal.

San Juan 21:17

Ut li Jesús quixpatzꞌ cuiꞌchic re rox sut: —At Simón, ralalat laj Jonás, ¿ma niquina̱ra?— Ut quirahoꞌ saꞌ xchꞌo̱l laj Pedro xban nak li Jesús quixpatzꞌ re rox sut “¿ma niquina̱ra?”. Joꞌcan nak quixye re li Jesús: —Ka̱cuaꞌ, la̱at nacanau chixjunil li cꞌaꞌak re ru. ¡La̱at nacanau nak nacatinra!— Ut li Jesús quixye cuiꞌchic re: —Chacuilakeb li cualal incꞌajol joꞌ jun li pastor narileb lix carner.

San Juan 9:4

Tento nak tinse̱ba cuib chixba̱nunquil li cꞌaꞌru naraj li Dios li xtaklan chak cue. Anakcuan xcutanquil xba̱nunquil xban nak ta̱cuulak xkꞌehil nak ma̱ ani chic ta̱ru̱k ta̱cꞌanjelak.

San Juan 2:25

Incꞌaꞌ tento nak ta̱chꞌoloba̱k chiru chanru lix cꞌaꞌuxeb xban nak ac naxnau chanru lix naꞌleb li junju̱nk.

San Lucas 5:22

Quixnau li Jesús cꞌaꞌru yo̱queb chixcꞌoxlanquil. Quichakꞌoc ut quixye reheb: —¿Cꞌaꞌut nak yo̱quex chixcꞌoxlanquil chi joꞌcan?

Isaías 42:4

Aꞌan incꞌaꞌ ta̱lubk chi moco ta̱chꞌina̱nk xchꞌo̱l toj retal tixxakab li ti̱quilal saꞌ ruchichꞌochꞌ. Ut chixjunileb li tenamit riqꞌuin aꞌan teꞌyoꞌoni̱nk.

Salmos 44:21

la̱at xanau raj ajcuiꞌ xban nak ma̱cꞌaꞌ mukmu cha̱cuu. La̱at nacanau chixjunil.

Li xHu LAJ JOB 42:2

—At Ka̱cuaꞌ, la̱in ninnau nak la̱at chixjunil nacatru xba̱nunquil. Ma̱cꞌaꞌ mukmu cha̱cuu.

1 Crónicas 29:17

At inDios, la̱in ninnau nak la̱at nacanau li cꞌaꞌru nanumeꞌ saꞌ li kacꞌaꞌux. Nacuulac cha̱cuu li ti̱quilal. Joꞌcan nak la̱in chi anchal inchꞌo̱l xinqꞌue a̱cue chixjunil aꞌin. Ut anakcuan xinqꞌue retal nak chi saheb saꞌ xchꞌo̱leb chixjunileb la̱ tenamit li chꞌutchꞌu̱queb arin xeꞌxqꞌue a̱cue lix mayejeb.

1 Crónicas 28:9

Ut la̱at, at Salomón, at cualal, chapa̱b li Ka̱cuaꞌ lix Dios la̱ yucuaꞌ ut chatcꞌanjelak chiru chi anchal a̱chꞌo̱l ut saꞌ ti̱quilal. Li Ka̱cuaꞌ, aꞌan naxnau cꞌaꞌru cuan saꞌ xchꞌo̱l li junju̱nk ut naxnau chanru lix naꞌleb. Cui la̱at ta̱sicꞌ li Dios, aꞌan ta̱tenkꞌa̱nk a̱cue. Cui ut ta̱tzꞌekta̱na, aꞌan tatxtzꞌekta̱na ajcuiꞌ la̱at chi junaj cua.

San Lucas 6:9

Li Jesús quixye reheb: —Cuan cꞌaꞌru nacuaj xpatzꞌbal e̱re. ¿Cꞌaꞌru us xba̱nunquil saꞌ li hiloba̱l cutan? ¿Ma naru xba̱nunquil li us malaj li incꞌaꞌ us? ¿Ma us xcolbal xyuꞌam junak malaj xsachbal? chan reheb.

San Marcos 3:3

Li Jesús quixye re li cui̱nk li sic rukꞌ: —Numen chak arin chi ubej, chan re.

San Lucas 13:12

Nak quiril li ixk li Jesús quixbok riqꞌuin ut quixye re: —At ixk, anakcuan qꞌuirtesinbilat chic.—