San Lucas 6:7 - Li Santil hu

⁷ Cuanqueb cuib oxib aj fariseo ut aj tzolol chakꞌrab aran. Yo̱queb chirilbal ma tixqꞌuirtesi tana li rukꞌ li cui̱nk aꞌin saꞌ li hiloba̱l cutan re nak naru teꞌxjit li Jesús.

Q'eqchi Bible

⁷ Eb' laj tz'iib' ut eb' laj pariseey yookeb' chi xk'eeb'al reetal ma tixk'irtasi tana sa' sábado, re naq te'xtaw k'aru te'xjit wi'.

San Lucas 6:7 ပူးပေါင်းရင်းမြစ်များ

San Lucas 20:20

Eb laj tzꞌi̱b ut eb li xbe̱nil aj tij yo̱queb chixqꞌuebal retal jokꞌe tzꞌakal ta̱ru̱k teꞌxchap li Jesús. Ut queꞌxtaklaheb aj qꞌuehol etal riqꞌuin. Laj qꞌuehol etal queꞌxba̱nu ribeb nak ti̱queb xchꞌo̱l yal re rilbal cui tixye junak a̱tin re nak ta̱ru̱k teꞌxchap ut teꞌxcꞌam riqꞌuin li acuabej.

San Lucas 13:14

Cꞌajoꞌ nak quijoskꞌoꞌ li nataklan saꞌ li cab li nequeꞌxchꞌutub cuiꞌ ribeb laj judío xban nak li Jesús quixqꞌuirtesi li ixk saꞌ li hiloba̱l cutan. Ut quixye reheb li cuanqueb aran: —Cuakib cutan cuan re nak naru texcꞌanjelak. Chiruheb a cutan aꞌan naru nequexchal chi banecꞌ ut incꞌaꞌ texcha̱lk chi banecꞌ saꞌ li hiloba̱l cutan, chan.

San Marcos 3:2

Eb laj fariseo yo̱queb chixsicꞌbal chanru nak teꞌxjit li Jesús. Joꞌcan nak yo̱queb chirilbal ma tixqꞌuirtesi tana li cui̱nk aꞌin saꞌ li hiloba̱l cutan.

San Juan 9:16

Cuanqueb laj fariseo queꞌxye: —Li cui̱nk aꞌan, li Jesús xcꞌabaꞌ, moco taklanbil ta chak xban li Dios xban nak incꞌaꞌ naxqꞌue xlokꞌal li hiloba̱l cutan, chanqueb. Ut cuanqueb cuiꞌchic queꞌyehoc re: —¿Chanru nak tixba̱nu li milagro junak cui̱nk aj ma̱c? chanqueb. Xban nak jalan jala̱nk nequeꞌxcꞌoxla chirix li Jesús, incꞌaꞌ chic junajeb xchꞌo̱leb.

Jeremías 20:10

Nacuabi nak nequeꞌa̱tinac chicuix saꞌ has. Kꞌaxal xiu xiu cuanquin nak ninxic yalak bar. Eb li cuami̱g nak queꞌcuan chak, yo̱queb chiroybeninquil nak tinba̱nu cꞌaꞌak re ru incꞌaꞌ us cha̱cuu. Nequeꞌxye, “Ma̱re tixba̱nu li incꞌaꞌ us re nak naru takajit ut takaqꞌue re̱kaj li yo̱ chixyebal ke,” chanqueb.

Isaías 29:21

Li Dios tixsach ruheb li nequeꞌkꞌaban ut tixsach ajcuiꞌ ruheb li nequeꞌbalakꞌin re laj rakol a̱tin. Ut tixsach ajcuiꞌ ruheb li nequeꞌxsicꞌ xya̱lal re nak incꞌaꞌ ta̱rakekꞌ a̱tin saꞌ ti̱quilal saꞌ xbe̱neb li ma̱cꞌaꞌeb xma̱c.

Salmos 38:12

Eb li xicꞌ nequeꞌiloc cue yo̱queb xcꞌu̱banquil chanru nak tineꞌxcamsi. Rajlal cutan nequeꞌxcꞌu̱b chanru teꞌxba̱nu cue. Ut junelic nequeꞌxyoꞌob a̱tin chicuix.

San Mateo 5:39

Abanan la̱in tinye e̱re: Me̱sume ma̱usilal riqꞌuin ma̱usilal. Cui junak tixqꞌue junak rukꞌ saꞌ a̱cuu, qꞌue cuiꞌchic chixsacꞌ li jun pacꞌal.