San Lucas 6:48 - Li Santil hu

⁴⁸ Quixbec chi cham ut quixqꞌue li cimiento saꞌ xbe̱n li pec. Quichal li hab ut quibutꞌir li nimaꞌ. Coxsacꞌ rib li haꞌ chiru li cab ut incꞌaꞌ quirecꞌasi li cab saꞌ xnaꞌaj xban nak yi̱banbil chi us saꞌ xbe̱n pec.

Q'eqchi Bible

⁴⁸ chanchan jun winq li kikab'lak, kixb'ek xna'aj chi cham ut kixk'e li rub'elankil sa' xb'een pek. Naq kichalk li b'ut', koxpik'a rib' li nima' chiru li kab'l a'an ut ink'a' kiru xjuk'b'al xb'aan naq kab'lanb'il chi us.

San Lucas 6:48 ပူးပေါင်းရင်းမြစ်များ

Salmos 62:2

Caꞌaj cuiꞌ aꞌan na-iloc cue ut aꞌan nacoloc cue. La̱in tincuy xnumsinquil li raylal xban nak aꞌan cuan cuiqꞌuin.

Isaías 28:16

Joꞌcan nak li Ka̱cuaꞌ Dios quixye chi joꞌcaꞌin: —Qꞌuehomak retal. La̱in xinsicꞌ ru jun li pec kꞌaxal lokꞌ ut xinqꞌue aran Sión chokꞌ xxuc li cab re nak cau ta̱cana̱k. Ut li ani tixcꞌojob xchꞌo̱l riqꞌuin incꞌaꞌ ta̱chꞌina̱nk xchꞌo̱l.

San Judas 1:24

Ut anakcuan lokꞌoninbil taxak li nimajcual Dios. Aꞌan kꞌaxal nim xcuanquil che̱colbal re nak incꞌaꞌ texma̱cobk. Nim ajcuiꞌ xcuanquil che̱kꞌaxtesinquil saꞌ xnimal xlokꞌal li Dios chi ma̱cꞌaꞌak e̱ma̱c ut chi sa saꞌ e̱chꞌo̱l.

Isaías 26:4

Checꞌojobak e̱chꞌo̱l riqꞌuin li Ka̱cuaꞌ xban nak aꞌan laj Colol e̱re chi junelic. Aꞌan chanchan jun li sako̱nac li incꞌaꞌ najala.

Efesios 2:20

La̱o aj pa̱banel chanchano li rochoch li Dios. Chanchano li pec li na-oc saꞌ xbe̱n li cimiento. Ut li cimiento, aꞌaneb li apóstol ut li profeta. Abanan li tzꞌakal xakxo cuiꞌ li cab, aꞌan li Jesucristo.

1 Juan 2:28

Ut anakcuan, ex herma̱n, ninye cuiꞌchic e̱re nak chexcua̱nk chi sum a̱tin riqꞌuin li Jesucristo re nak ma̱cꞌaꞌak le̱ xiu nak tol-e̱lk cuiꞌchic li Ka̱cuaꞌ Jesucristo. Sahak ban saꞌ kachꞌo̱l chixcꞌulbal chi ma̱cꞌaꞌak kaxuta̱n.

2 Timoteo 2:19

Abanan lix ya̱lal qꞌuebil ke xban li Dios incꞌaꞌ naru najalman ru. Joꞌcaꞌin tzꞌi̱banbil saꞌ li Santil Hu: li Dios naxnau ruheb li ralal xcꞌajol, ut chixjunileb li teꞌxcꞌabaꞌin xcꞌabaꞌ li Ka̱cuaꞌ, tento nak teꞌxcanab chi junaj cua li ma̱usilal.

Salmos 32:6

Li ti̱queb xchꞌo̱l teꞌxtzꞌa̱ma xtenkꞌanquil cha̱cuu nak cuanqueb saꞌ li raylal. Chanchan li butꞌ nak nachal li raylal saꞌ xbe̱neb. Abanan la̱at ta̱tenkꞌaheb re nak incꞌaꞌ teꞌchꞌina̱nk xchꞌo̱leb xban li raylal.

2 Samuel 22:32

¿Ma cuan ta biꞌ chic junak Dios joꞌ li kaDios la̱o? ¿Ma incꞌaꞌ ta biꞌ caꞌaj cuiꞌ li kaDios naru nacoloc ke?

Proverbios 10:25

Eb li incꞌaꞌ useb xnaꞌleb nequeꞌosoꞌ joꞌ nak nanumeꞌ li ca̱k-sut-ikꞌ. Abanan eb li ti̱queb xchꞌo̱l cua̱nkeb chi junelic.

2 Samuel 22:47

Yoꞌyo li Ka̱cuaꞌ Dios li nacoloc cue. Ut lokꞌoninbil taxak ru. Chinima̱k taxak xlokꞌal li Ka̱cuaꞌ laj Colol cue.

Isaías 59:19

Chixjunileb teꞌxxucua ru li Ka̱cuaꞌ xban lix lokꞌal. Eb li cuanqueb saꞌ li oeste teꞌxucuak joꞌ eb ajcuiꞌ li cuanqueb saꞌ li este. Eb li xicꞌ nequeꞌiloc re li Ka̱cuaꞌ kꞌaxal nabaleb nak teꞌcha̱lk joꞌ jun li nimaꞌ nak yo̱ chi butꞌi̱nc. Abanan lix musikꞌ li Ka̱cuaꞌ tixram xbeheb. Chanchan nak tixxakab jun li bandera chiruheb.

2 Pedro 1:10

Riqꞌuin ut aꞌin ex herma̱n, cheqꞌue taxak e̱chꞌo̱l chixtaubal ru nak bokbilex ut sicꞌbil e̱ru xban li Dios. Cui nequeqꞌue retal aꞌin incꞌaꞌ chic texma̱cobk.

Hechos 14:22

Yo̱queb chixqꞌuebal xcacuil xchꞌo̱leb laj pa̱banel. Queꞌxye reheb nak teꞌxpa̱b li Ka̱cuaꞌ chi anchaleb xchꞌo̱l ut incꞌaꞌ teꞌxcanab xpa̱banquil. Queꞌxye reheb nak tento teꞌxcuy xnumsinquil li raylal re nak teꞌoc saꞌ lix nimajcual cuanquilal li Dios.

San Juan 16:33

Xinye e̱re li cꞌaꞌak re ru aꞌin re nak texcua̱nk cuiqꞌuin ut ta̱cua̱nk e̱riqꞌuin li tuktu̱quilal. Saꞌ li ruchichꞌochꞌ te̱cꞌul li raylal. Abanan cacuubresihomak le̱ chꞌo̱l xban nak la̱in ac xinnumta saꞌ xbe̱n li nataklan saꞌ ruchichꞌochꞌ, chan li Jesús reheb lix tzolom.

Nahum 1:8

Nak ta̱rakok a̱tin saꞌ xbe̱neb li xicꞌ nequeꞌiloc re, chanchan nak ta̱numekꞌ li butꞌi haꞌ saꞌ xbe̱neb nak tixsacheb ru. Chanchan tixtaklaheb saꞌ li kꞌojyi̱n nak tixqꞌue li raylal saꞌ xbe̱neb ut aran teꞌosokꞌ.

Salmos 95:1

Cha̱lkex ut kalokꞌonihak li nimajcual Dios. Chobicha̱nk chi sa saꞌ kachꞌo̱l re xqꞌuebal xlokꞌal li Dios li na-iloc ke ut nacoloc ke.

2 Samuel 22:5

Chanchan ac ca̱mc cue xban li ma̱usilal queꞌxba̱nu cue. Chanchan lix cacuil rok li palau li ma̱usilal nak xchal saꞌ inbe̱n ut xqꞌue inxiu.

Deuteronomio 32:15

Eb laj Jesurún queꞌni̱nkan ut queꞌxkꞌetkꞌeti ribeb. Nalemtzꞌun nequeꞌiloc xban xni̱nkaleb. Ut queꞌxtzꞌekta̱na li Ka̱cuaꞌ li quiyi̱ban reheb. Queꞌxtzꞌekta̱na laj Colol reheb.

2 Samuel 23:3

Lix Dioseb laj Israel quia̱tinac. Li nacoloc reheb laj Israel quixye cue: ‘Ta̱cua̱nk junak ti̱c xchꞌo̱l ta̱takla̱nk saꞌ xbe̱neb li tenamit. Li jun aꞌan ta̱cua̱nk xcuanquil saꞌ xbe̱neb li tenamit ut tixxucua ru li Dios.

2 Samuel 22:2

Li Ka̱cuaꞌ, aꞌan li na-iloc cue. Aꞌan li nacoloc cue. Chanchan jun sako̱nac bar nincol cuiꞌ cuib.

1 Samuel 2:2

Ut quixye ajcuiꞌ: —Ma̱cꞌaꞌ chic junak Dios santo joꞌ li nimajcual Dios. Ma̱ ani naru nacoloc ke. Caꞌaj cuiꞌ li Ka̱cuaꞌ. Ma̱ ani chic junak joꞌ aꞌan.

Deuteronomio 32:31

Eb li xicꞌ nequeꞌiloc reheb nequeꞌxqꞌue retal nak lix jalanil dios moco juntakꞌe̱t ta riqꞌuin lix Dioseb laj Israel.

Deuteronomio 32:18

Queꞌxtzꞌekta̱na li Ka̱cuaꞌ li quicoloc reheb. Queꞌxtzꞌekta̱na li Ka̱cuaꞌ li quiyoꞌobtesin reheb.

San Lucas 6:47

Joꞌcan nak li ani na-abin re li cua̱tin ut naxba̱nu li cꞌaꞌru ninye, li jun aꞌan tinjuntakꞌe̱ta riqꞌuin jun li cui̱nk quixyi̱b li rochoch.

San Lucas 6:49

Ut li ani na-abin re li cua̱tin ut incꞌaꞌ naxba̱nu li cꞌaꞌru ninye, li jun aꞌan tinjuntakꞌe̱ta riqꞌuin li cui̱nk li quixyi̱b li rochoch saꞌ xbe̱n chꞌochꞌ ut incꞌaꞌ quixbec xnaꞌaj lix cimiento. Nak quibutꞌir li nimaꞌ, li haꞌ coxsacꞌ rib chiru li cab. Quitꞌaneꞌ li cab ut quisach chi jun aj cua, chan li Jesús reheb.