San Lucas 6:42 - Li Santil hu

⁴² ¿Chanru nak ta̱ye re la̱ cuas a̱cui̱tzꞌin, “Cuisihak li cꞌaj cheꞌ saꞌ xnakꞌ a̱cuu”, nak toj cuan li tzꞌamba saꞌ xnakꞌ a̱cuu la̱at? At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu la̱at, re nak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

Q'eqchi Bible

⁴² Chanru tatruuq xyeeb'al re laawas aawiitz'in: «At was wiitz'in, kanab'in risinkil li mul sa' laawu», ut ink'a' nakak'e reetal li tz'amb'a wank sa' laawu? At aj ka'pak'al u, isi wan li tz'amb'a sa' laawu; chi jo'kan tat-iloq chi us ut tatruuq risinkil li mul sa' ru laawas aawiitz'in.

San Lucas 6:42 ပူးပေါင်းရင်းမြစ်များ

2 Pedro 1:9

Li ani incꞌaꞌ naxba̱nu li cꞌaꞌak re ru aꞌin, aꞌan chanchan jun li mutzꞌ malaj chanchan jun li incꞌaꞌ na-iloc chi tzꞌakal. Li jun aꞌan incꞌaꞌ naxqꞌue saꞌ xchꞌo̱l nak ac colbil chic chiru li ma̱c li quixba̱nu junxil.

2 Timoteo 2:21

Cui junak aj pa̱banel naraj ta̱qꞌuehekꞌ re jun lix cha̱bil cꞌanjel xban li Dios, tento nak li jun aꞌan tixcanab chi junaj cua chixjunil li ma̱usilal. Cui tixba̱nu chi joꞌcan, li jun aꞌan kꞌaxtesinbilak chic chi cꞌanjelac chiru li Ka̱cuaꞌ ut cauresinbilak chic chixba̱nunquil li cha̱bil cꞌanjel.

2 Corintios 5:18

Chixjunil aꞌin xkama̱tani riqꞌuin li Dios ut aꞌan ajcuiꞌ li quicꞌamoc ke saꞌ usilal riqꞌuin saꞌ xcꞌabaꞌ li Jesucristo. Ut aꞌan ajcuiꞌ li quixakaban ke chixchꞌolobanquil xya̱lal li colba-ib re nak cuan li teꞌpa̱ba̱nk ut teꞌcua̱nk saꞌ usilal riqꞌuin li Dios.

Romanos 2:1

¿Anihat la̱at nak tatrakok a̱tin saꞌ xbe̱neb la̱ cuas a̱cui̱tzꞌin? Cui nacarak a̱tin saꞌ xbe̱neb la̱ cuas a̱cui̱tzꞌin ut toj yo̱cat ajcuiꞌ chixba̱nunquil li incꞌaꞌ us la̱at joꞌ yo̱queb aꞌan, raylal ajcuiꞌ yo̱cat chixbokbal saꞌ a̱be̱n ut ta̱rakekꞌ a̱tin saꞌ a̱be̱n.

Hechos 13:10

Ut quixye re: —La̱at chanchanat laj tza. La̱at aj ticꞌtiꞌ. Xicꞌ nacacuil li ti̱quilal. Junes balakꞌic ut ma̱usilal nacaba̱nu. La̱at nacapoꞌ ru li rusilal li Ka̱cuaꞌ.

Hechos 8:21

La̱at incꞌaꞌ ta̱ru̱k ta̱cꞌul li ma̱tan aꞌin xban nak moco ti̱c ta la̱ chꞌo̱l chiru li Dios.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

San Lucas 22:32

Abanan la̱in xintijoc cha̱cuix re nak incꞌaꞌ ta̱canab la̱ pa̱ba̱l. Ut nak tatsukꞌi̱k cuiꞌchic cuiqꞌuin, ta̱qꞌue xcacuilal xchꞌo̱leb la̱ cuech aj pa̱banelil, chan li Jesús.

San Lucas 13:15

Ut li Ka̱cuaꞌ quichakꞌoc ut quixye re: —¡Ex aj caꞌ pacꞌal u! ¿Ma incꞌaꞌ ta biꞌ te̱hit e̱bo̱yx malaj ut e̱bu̱r saꞌ li hiloba̱l cutan re nak te̱cꞌameb chi ucꞌac?

San Mateo 26:75

Ut saꞌ junpa̱t quinak saꞌ xchꞌo̱l laj Pedro li a̱tin li quiyeheꞌ re xban li Jesús, “Nak toj ma̱jiꞌ naya̱bac laj tzoꞌ xul, la̱at ac xaye oxib sut nak incꞌaꞌ nacanau cuu.” Ut laj Pedro ma̱ cꞌajoꞌ nak quiyotꞌeꞌ xchꞌo̱l. Qui-el chirix cab ut cꞌajoꞌ nak quiya̱bac.

Proverbios 18:17

Li ani nacuulac xbe̱n cua chixyebal nak ma̱cꞌaꞌ xma̱c, nacꞌutun nak ma̱cꞌaꞌ xma̱c toj nak nacuulac li jun chic li yo̱ chi jitoc re. Aꞌan nayehoc re nak cuan xma̱c.

San Mateo 7:3

¿Cꞌaꞌut nak nacaqꞌue retal li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin ut incꞌaꞌ nacacuil li tzꞌamba cuan saꞌ xnakꞌ a̱cuu la̱at?

San Mateo 7:4

¿Chanru nak ta̱ye re la̱ cuas a̱cui̱tzꞌin: “Cuisihak li cꞌaj cheꞌ saꞌ xnakꞌ a̱cuu”, ut toj cuan li tzꞌamba saꞌ xnakꞌ a̱cuu la̱at?

San Lucas 6:41

¿Cꞌaꞌut nak nacaqꞌue retal li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin ut incꞌaꞌ nacaqꞌue retal li tzꞌamba cuan saꞌ xnakꞌ a̱cuu la̱at?

San Lucas 6:43

Joꞌcan ajcuiꞌ riqꞌuin li cheꞌ. Cui cha̱bil junak cheꞌ, cha̱bil ajcuiꞌ li ru naru̱chin. Ut cui incꞌaꞌ us li cheꞌ, li ru li naru̱chin incꞌaꞌ ajcuiꞌ us. Li cha̱bil cheꞌ incꞌaꞌ naru naru̱chin li incꞌaꞌ us, chi moco li cheꞌ incꞌaꞌ us naru naru̱chin li us.