San Lucas 6:38 - Li Santil hu

³⁸ Chesi cꞌaꞌru re le̱ ras e̱ri̱tzꞌin ut li Dios tixqꞌue re̱kaj e̱re. Tixqꞌue re̱kaj e̱re chi nabal chiru li xeqꞌue la̱ex. Tixqꞌue chi nujenak li bisleb, chi yo̱k chi pajecꞌ xban nak kꞌaxal cuiꞌchic nabal li tixqꞌue e̱re. Riqꞌuin li bisleb li texbisok cuiꞌ la̱ex, aꞌan ajcuiꞌ li ta̱bisekꞌ cuiꞌ li ta̱qꞌuehekꞌ e̱re, chan.

Q'eqchi Bible

³⁸ Chexk'ehoq, ut taak'eemanq eere: jun chaab'il b'isok, tz'ajtz'otq, chiq'b'ilaq, b'uyb'utq taak'ehe'q eere. Xb'aan naq rik'in li b'isleb' nekexb'isok wi', texb'ise'q ajwi' laa'ex”.

San Lucas 6:38 ပူးပေါင်းရင်းမြစ်များ

Deuteronomio 15:10

Cheqꞌue ban chi anchal e̱chꞌo̱l ut chi nabal li cꞌaꞌru ta̱raj. Ut li Ka̱cuaꞌ texrosobtesi riqꞌuin chixjunil li cꞌaꞌru nequeba̱nu.

San Marcos 4:24

Quixye ajcuiꞌ reheb: —Cheqꞌuehak retal li nequerabi ut te̱qꞌue e̱chꞌo̱l chixba̱nunquil li nequerabi xban nak li ani naxba̱nu li cꞌaꞌru quixtzol cuiqꞌuin, mas cuiꞌchic lix naꞌleb ta̱qꞌuehekꞌ re xban li Dios re nak tixtau ru li cua̱tin.

San Mateo 7:2

Xban nak chanru nak nequextzꞌiloc a̱tin, joꞌcan ajcuiꞌ ta̱uxk e̱re la̱ex. Ut riqꞌuin li bisleb li nequexbisoc cuiꞌ, riqꞌuin ajcuiꞌ aꞌan texbisekꞌ la̱ex.

Proverbios 22:9

Li ani natokꞌoban u ta̱osobtesi̱k xban nak tixqꞌueheb xtzacae̱mk li ma̱cꞌaꞌ cuan reheb.

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

Proverbios 10:22

Li ani na-osobtesi̱c xban li Dios, aꞌan cuan xbiomal, ut incꞌaꞌ naxqꞌue rahil chꞌo̱lej.

San Mateo 10:42

Li ani tixqꞌue jun secꞌak rucꞌa junak reheb lin tzolom usta cubenak xcuanquil, cui tixqꞌue li rucꞌa xban nak aꞌan intzolom, relic chi ya̱l ninye e̱re nak li jun aꞌan tixcꞌul lix kꞌajca̱munquil.

San Lucas 6:30

Li ani tixtzꞌa̱ma cꞌaꞌru re a̱cue, qꞌue re. Ut cui ani tixmakꞌ cꞌaꞌru a̱cue cha̱cuu, ma̱patzꞌ chic re̱kaj re.

Santiago 2:13

Li ani incꞌaꞌ naruxta̱na ru li ras ri̱tzꞌin incꞌaꞌ ajcuiꞌ ta̱uxta̱na̱k ru xban li Dios saꞌ li rakba a̱tin. Ut li ani ta̱ruxta̱na ru li ras ri̱tzꞌin, ta̱uxta̱na̱k ajcuiꞌ ru xban li Dios.

Li xHu LAJ JOB 42:11

Chixjunileb li ras ut li ri̱tzꞌin, joꞌ cui̱nk joꞌ ixk, queꞌcuulac chirilbal laj Job. Ut queꞌcuulac ajcuiꞌ chixjunileb li rami̱g li queꞌcuan junxil ut queꞌninkꞌei̱c saꞌ li rochoch. Queꞌxcꞌojob xchꞌo̱l laj Job riqꞌuin chixjunil li raylal li quiqꞌueheꞌ saꞌ xbe̱n xban li Ka̱cuaꞌ. Chixjunileb queꞌxsi xtumin ut queꞌxsi ajcuiꞌ xmatkꞌab oro.

Salmos 79:12

At Ka̱cuaꞌ, cuukub sut taxak xqꞌuial li re̱kaj li ta̱qꞌue reheb li tenamit li xicꞌ nequeꞌiloc ke xban nak yo̱queb cha̱hobbal ut incꞌaꞌ nequeꞌxqꞌue a̱lokꞌal.

Ester 9:25

Abanan lix Ester quia̱tinac riqꞌuin li rey. Ut li rey quixqꞌue li chakꞌrab nak chixjunil li raylal li quixcꞌoxla xba̱nunquil reheb laj judío ta̱tꞌanekꞌ saꞌ xbe̱n laj Amán. Ut quixtakla xyatzꞌbal laj Amán joꞌ ajcuiꞌ li laje̱b chi ralal.

Jueces 1:7

Ut laj Adoni-bezec quixye: —Junxil la̱in xintakla xyocꞌbal xmamaꞌil li ruꞌuj rokeb ut lix mamaꞌil li ruꞌuj rukꞌeb laje̱b xca̱cꞌa̱l (70) chi rey ut nequeꞌxxoc lix cꞌaj li cua li natꞌaneꞌ rubel lin me̱x re nak teꞌcuaꞌak. Anakcuan li Dios xba̱nu cue joꞌ xinba̱nu reheb aꞌan, chan. Ut laj Adoni-bezec quicꞌameꞌ Jerusalén ut aran quicam.

Ester 7:10

Joꞌcan nak laj Amán quiyatzꞌeꞌ saꞌ li cꞌa̱m li quixqꞌue chi yi̱ba̱c re xyatzꞌbal laj Mardoqueo. Ut nak ac xcam laj Amán, quicube xjoskꞌil li rey.

Jeremías 32:18

La̱at nacacuuxta̱naheb ru li qꞌuila okꞌob chi cristian, abanan nacatakla li raylal saꞌ xbe̱n li tenamit re nak teꞌxtoj rix xma̱queb lix naꞌ xyucuaꞌeb. At Ka̱cuaꞌ, “Nimajcual Dios” a̱cꞌabaꞌ ut kꞌaxal nim la̱ cuanquil.

Éxodo 21:24

Li ani ta̱risi xnakꞌ ru li ras ri̱tzꞌin, ta̱isi̱k ajcuiꞌ li xnakꞌ ru aꞌan. Ut li ani ta̱risi ruch re li ras ri̱tzꞌin, ta̱isi̱k ajcuiꞌ li ruch re aꞌan. Ut li ani ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan. Ut li ani ta̱risi li rok li ras ri̱tzꞌin, ta̱isi̱k ajcuiꞌ li rok aꞌan.

2 Samuel 19:36

La̱in xinchal cha̱cuochbeninquil nak tatnumekꞌ saꞌ li nimaꞌ Jordán. ¿Cꞌaꞌut nak tina̱kꞌajca̱mu riqꞌuin aꞌan?