San Lucas 6:35 - Li Santil hu

³⁵ Joꞌcan ut nak cherahakeb li ani xicꞌ nequeꞌiloc e̱re. Cheba̱nuhak usilal reheb. Ut cheqꞌuehak chi toꞌ re li cꞌaꞌru tixpatzꞌ e̱re chi incꞌaꞌ te̱roybeni re̱kaj. Cui te̱ba̱nu aꞌan, kꞌaxal nim le̱ kꞌajca̱munquil li ta̱qꞌuehekꞌ e̱re ut la̱exak li ralal xcꞌajol li nimajcual Dios. Aꞌan kꞌaxal nim xcuyum saꞌ xbe̱neb li incꞌaꞌ useb xnaꞌleb li incꞌaꞌ nequeꞌxnau bantioxi̱nc.

Q'eqchi Bible

³⁵ “A'ut laa'ex cherahaqeb' li xik' neke'ilok eere, chex'usilanq ut chexk'ehoq chi to' chi ink'a' teeroyb'eni reeqaj: jo'kan naq nimaq leeq'ajkamunkil ut laa'exaq ralal li Nimajwal, xb'aan naq A'an chaab'il rik'ineb' li ink'a' neke'xnaw yoxink ut rik'ineb' li ink'a' useb' xch'ool.

San Lucas 6:35 ပူးပေါင်းရင်းမြစ်များ

San Juan 13:35

Cui te̱ra e̱rib che̱ribil e̱rib, chixjunileb teꞌxnau nak la̱ex intzolom, chan li Jesús.

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

Salmos 145:9

Li Ka̱cuaꞌ, aꞌan cha̱bil riqꞌuin chixjunil ut nim li ruxta̱n saꞌ xbe̱n chixjunil li cꞌaꞌru quixyi̱b.

Proverbios 22:9

Li ani natokꞌoban u ta̱osobtesi̱k xban nak tixqꞌueheb xtzacae̱mk li ma̱cꞌaꞌ cuan reheb.

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

Salmos 112:5

Li cui̱nk cha̱bil xnaꞌleb naxba̱nu usilal reheb li ras ri̱tzꞌin. Naxqꞌue chi toꞌ li cꞌaꞌru cuan re. Ut naxnau xsicꞌbal xtumin saꞌ ti̱quilal.

San Juan 15:8

Nequeqꞌue xlokꞌal lin Yucuaꞌ riqꞌuin li cha̱bilal nequeba̱nu. Cui yo̱kex chixba̱nunquil li cꞌaꞌru naraj li Dios, la̱exak tzꞌakal intzolom.

Salmos 37:26

Li Ka̱cuaꞌ junelic na-uxta̱nan u ut junelic natenkꞌan. Ut li ralal xcꞌajol osobtesinbileb xban.

Hechos 14:17

Riqꞌuin li usilal li naxba̱nu ke, junelic yo̱ chixcꞌutbesinquil chiku nak aꞌan li Dios. Aꞌan naxcꞌut chiku nak aꞌan yal re saꞌ xbe̱n chixjunil. Aꞌan naqꞌuehoc re li hab. Aꞌan naqꞌuehoc re chi u̱chi̱nc li kacui̱mk chi nabal, ut aꞌan ajcuiꞌ nacꞌojoban re li kachꞌo̱l riqꞌuin li katzacae̱mk ut riqꞌuin lix sahil kachꞌo̱l, chan laj Pablo.

San Lucas 1:32

Nimak xcuanquil nak ta̱cua̱nk ut chixjunileb teꞌnaꞌok re nak aꞌan tzꞌakal Ralal li Dios. Ut li Ka̱cuaꞌ ta̱qꞌuehok xcuanquil chi takla̱nc joꞌ nak quicuan chi takla̱nc li rey David lix xeꞌto̱nil yucuaꞌ.

San Marcos 5:7

Quixjap re chixyebal: —¿Cꞌaꞌru ta̱cuaj cuiqꞌuin, at Jesús? La̱at Ralalat li nimajcual Dios. Saꞌ xcꞌabaꞌ li Ka̱cuaꞌ Dios, nintzꞌa̱ma cha̱cuu nak mina̱rahobtesi, chan re.

Salmos 58:11

Ut ta̱yema̱nk chi joꞌcaꞌin: Relic chi ya̱l nak cuan xkꞌajca̱munquileb li ti̱queb xchꞌo̱l. Relic chi ya̱l nak li Dios narakoc a̱tin saꞌ ti̱quilal saꞌ xbe̱neb li cuanqueb saꞌ ruchichꞌochꞌ.

San Mateo 5:9

Us xak reheb li nequeꞌxtenkꞌa ras ri̱tzꞌin chi cua̱nc saꞌ tuktu̱quil usilal xban nak eb aꞌan ralal xcꞌajol li Dios teꞌyehekꞌ reheb.

San Lucas 6:36

Chex-uxta̱na̱nk biꞌ u xban nak le̱ yucuaꞌ cuan saꞌ choxa na-uxta̱nan u.

2 Timoteo 3:2

Eb li cristian junes reheb teꞌraj. Teꞌxrahi ru li tumin. Teꞌxnimobresi xcuanquil xjuneseb rib. Teꞌxkꞌetkꞌeti ribeb. Teꞌhobok ut teꞌxkꞌet ra̱tin xnaꞌ xyucuaꞌ. Incꞌaꞌ teꞌtioxi̱nk ut incꞌaꞌ teꞌxqꞌue xcuanquil xpa̱banquil li Dios.