San Lucas 6:30 - Li Santil hu

³⁰ Li ani tixtzꞌa̱ma cꞌaꞌru re a̱cue, qꞌue re. Ut cui ani tixmakꞌ cꞌaꞌru a̱cue cha̱cuu, ma̱patzꞌ chic re̱kaj re.

Q'eqchi Bible

³⁰ Yalaq ani tixtz'aama k'a' re ru aawe, chak'ehaq re, ut wi ani tixchap li k'aru aawe, maapatz' chik.

San Lucas 6:30 ပူးပေါင်းရင်းမြစ်များ

2 Corintios 8:9

La̱ex ac nequenau nak kꞌaxal nim li rusilal li Ka̱cuaꞌ Jesucristo. Aꞌan quixcanab chak lix biomal saꞌ choxa ut quicuan saꞌ nebaꞌil arin saꞌ ruchichꞌochꞌ yal e̱ban la̱ex. Quixba̱nu chi joꞌcaꞌin yal re nak la̱ex te̱cꞌul li biomal li naxqꞌue li Dios.

Hechos 20:35

Riqꞌuin chixjunil li xinba̱nu, xincꞌut che̱ru chanru xtenkꞌanquileb li teꞌraj tenkꞌa̱c. Chijulticokꞌ ke li quixye li Ka̱cuaꞌ Jesús: Kꞌaxal us li qꞌuehoc chiru li cꞌuluc, chan.

San Mateo 6:12

Ut chacuy chasach ta li kama̱c joꞌ nak nakacuyeb xma̱c li nequeꞌma̱cob chiku.

San Lucas 18:22

Nak quirabi li cꞌaꞌru quixye li cui̱nk, li Jesús quixye re: —Jun chic toj ma̱jiꞌ nacaba̱nu. Cꞌayi chixjunil li cꞌaꞌru cuan a̱cue ut ta̱si lix tzꞌak reheb li nebaꞌ ut ta̱cua̱nk a̱biomal saꞌ choxa. Nak ac xaba̱nu aꞌan, tatcha̱lk ut tina̱ta̱ke, chan li Jesús re.

Proverbios 21:26

Nequeꞌxnumsi li cutan chixra̱bal ru li cꞌaꞌak re ru. Abanan li ti̱queb xchꞌo̱l nequeꞌsihin. Moco pixeb ta.

Salmos 41:1

Us xak re li ani natokꞌoban ruheb li nebaꞌ li tenkꞌa̱c nequeꞌraj xban nak aꞌan ta̱tenkꞌa̱k xban li Ka̱cuaꞌ saꞌ xkꞌehil li raylal.

Proverbios 19:17

Li ani naxba̱nu usilal reheb li nebaꞌ, chanchan ajcuiꞌ re li Ka̱cuaꞌ yo̱ chixba̱nunquil. Ut li Ka̱cuaꞌ ta̱qꞌuehok re̱kaj re.

San Lucas 12:33

Cꞌayihomak li cꞌaꞌru cuan e̱re ut sihomak reheb li ma̱cꞌaꞌ cuan reheb re nak cua̱nk e̱biomal saꞌ choxa. Aran incꞌaꞌ na-oc laj e̱lkꞌ chi elkꞌac chi moco namaxen. Qꞌuehomak e̱chꞌo̱l chirix li biomal li incꞌaꞌ na-osoꞌ.

San Lucas 11:41

Me̱rahi ru li cꞌaꞌru re jalan. Chesihak ban li cꞌaꞌru cuan e̱re reheb li nebaꞌ. Cui te̱ba̱nu chi joꞌcan cha̱bilakex chic chiru li Dios, chan.

San Lucas 6:38

Chesi cꞌaꞌru re le̱ ras e̱ri̱tzꞌin ut li Dios tixqꞌue re̱kaj e̱re. Tixqꞌue re̱kaj e̱re chi nabal chiru li xeqꞌue la̱ex. Tixqꞌue chi nujenak li bisleb, chi yo̱k chi pajecꞌ xban nak kꞌaxal cuiꞌchic nabal li tixqꞌue e̱re. Riqꞌuin li bisleb li texbisok cuiꞌ la̱ex, aꞌan ajcuiꞌ li ta̱bisekꞌ cuiꞌ li ta̱qꞌuehekꞌ e̱re, chan.

San Mateo 18:35

Ut joꞌcaꞌin ajcuiꞌ tixba̱nu e̱re la̱ex lin Yucuaꞌ cuan saꞌ choxa cui incꞌaꞌ te̱cuy xma̱queb le̱ ras e̱ri̱tzꞌin chi anchal e̱chꞌo̱l che̱junju̱nkalex, chan li Jesús.

Eclesiastés 8:16

Nak quinkꞌaxtesi cuib chixtzolbal ut chixtzꞌilbal rix li cꞌaꞌak re ru nacꞌulman saꞌ ruchichꞌochꞌ, chi kꞌek chi cutan incꞌaꞌ nachal incuara.

Proverbios 22:9

Li ani natokꞌoban u ta̱osobtesi̱k xban nak tixqꞌueheb xtzacae̱mk li ma̱cꞌaꞌ cuan reheb.

Salmos 112:9

Naxtenkꞌaheb li nebaꞌ ut junelic ti̱c xchꞌo̱l. Ta̱qꞌuehekꞌ xcuanquil ut ta̱qꞌuehekꞌ xlokꞌal.

Efesios 4:28

Li ani na-elkꞌac incꞌaꞌ chic chi elkꞌac. Chi cꞌanjelac ban saꞌ xya̱lal re nak cua̱nk li cꞌaꞌru tixsi reheb li ma̱cꞌaꞌ cuanqueb re.

Eclesiastés 11:2

Ta̱jecꞌ li cꞌaꞌru cuan a̱cue reheb li ma̱cꞌaꞌ cuan reheb, xban nak incꞌaꞌ nacanau jokꞌe ta̱cha̱lk raylal saꞌ a̱be̱n la̱at nak cuancat saꞌ ruchichꞌochꞌ.

San Mateo 5:39

Abanan la̱in tinye e̱re: Me̱sume ma̱usilal riqꞌuin ma̱usilal. Cui junak tixqꞌue junak rukꞌ saꞌ a̱cuu, qꞌue cuiꞌchic chixsacꞌ li jun pacꞌal.

San Lucas 6:29

Cui ani ta̱sacꞌok xnakꞌ a̱cuu, qꞌue li jun pacꞌal re, re tixsacꞌ. Cui ani ta̱raj xmakꞌbal la̱ chaque̱t, qꞌue ajcuiꞌ la̱ cami̱s re.

San Lucas 6:31

Cui la̱ex te̱raj nak cha̱bilakeb le̱ ras e̱ri̱tzꞌin e̱riqꞌuin, cha̱bilakex ajcuiꞌ la̱ex riqꞌuineb aꞌan.