San Lucas 6:29 - Li Santil hu

²⁹ Cui ani ta̱sacꞌok xnakꞌ a̱cuu, qꞌue li jun pacꞌal re, re tixsacꞌ. Cui ani ta̱raj xmakꞌbal la̱ chaque̱t, qꞌue ajcuiꞌ la̱ cami̱s re.

Q'eqchi Bible

²⁹ Ani tixtz'aj chi ruq' laako chak'e ajwi' chixsak' li junpak'al; ut wi ani tixmaq' laab'atb'al, chakanab' ajwi' laawaq' re.

San Lucas 6:29 ပူးပေါင်းရင်းမြစ်များ

Hebreos 10:34

La̱ex quiyotꞌeꞌ e̱chꞌo̱l chi rilbal le̱ rech aj pa̱banelil li cuanqueb chi pre̱xil. Ut incꞌaꞌ quirahoꞌ saꞌ le̱ chꞌo̱l nak quimakꞌeꞌ che̱ru li cꞌaꞌru e̱re xban nak nequenau nak saꞌ li choxa cuan e̱ma̱tan kꞌaxal cuiꞌchic lokꞌ. Le̱ ma̱tan li cuan saꞌ choxa incꞌaꞌ nalaj incꞌaꞌ na-osoꞌ.

2 Corintios 11:20

Cui nequexrahobtesi̱c yal nequecuy. Cui namakꞌeꞌ li cꞌaꞌru e̱re che̱ru, ma̱cꞌaꞌ nequeye. Cui nequexbalakꞌi̱c, yal nequecanab chi joꞌcan. Ut cui nequeꞌxkꞌetkꞌeti rib che̱ru, aꞌan chic li nacuulac che̱ru. Ut cui nasaqꞌueꞌ saꞌ xnakꞌ e̱ru, yal nequecuy.

1 Corintios 6:7

Nak nequecꞌam le̱ rech aj pa̱banelil saꞌ rakleb a̱tin nacꞌutun nak toj ma̱jiꞌ nequetau xya̱lal. Kꞌaxal us raj nak te̱cuy li rahobtesi̱c ut li elkꞌa̱c ut incꞌaꞌ texxic riqꞌuin aj rakol a̱tin.

San Juan 18:22

Nak quixye aꞌan, jun reheb li nequeꞌcꞌacꞌalen saꞌ li templo quixsacꞌ saꞌ xnakꞌ ru li Jesús ut quixye re: —¿Cꞌaꞌut nak nacasume li xyucuaꞌil aj tij chi joꞌcan? chan re.

San Mateo 26:67

Tojoꞌnak cuan queꞌchu̱ban re saꞌ ru. Ut cuan queꞌsacꞌoc re ut cuan queꞌpakꞌlen re chi rukꞌeb.

Lamentaciones 3:30

Chixqꞌuehak chi saqꞌuecꞌ saꞌ xnakꞌ ru xbaneb li xicꞌ nequeꞌiloc re usta ta̱cꞌutekꞌ xxuta̱n.

Isaías 50:6

Quinkꞌaxtesi ban lix yi cuix chi saqꞌuecꞌ. Ut quincanab cuib re teꞌxmichꞌ lin mach. Ut incꞌaꞌ quinmuk li xnakꞌ cuu chiruheb nak quineꞌxhob ut nak quineꞌxchu̱ba.

1 Corintios 4:11

Toj chalen anakcuan yo̱co chixcuybal kasaꞌ ut ta̱chakik ke. Ma̱cꞌaꞌ chic kakꞌ. Sacꞌbilo ut ma̱cꞌaꞌ kochoch.

San Lucas 22:64

Queꞌxbacꞌ chi tꞌicr li xnakꞌ ru re nak incꞌaꞌ ta̱ilok, queꞌxsacꞌ ut queꞌxye: —Kꞌehi ani xsacꞌoc a̱cue, chanqueb re.

Hechos 23:2

Laj Ananías li xyucuaꞌil aj tij quixye reheb li cuanqueb chixcꞌatk laj Pablo nak teꞌxsacꞌ saꞌ re.

Miqueas 5:1

Ex aj Jerusalén, cauresihomak e̱rib xban nak xeꞌchal chi pletic kiqꞌuin. Ut riqꞌuin xukꞌ teꞌxsacꞌ lix nakꞌ ru li narakoc a̱tin saꞌ kabe̱n la̱o aj Israel.

2 Crónicas 18:23

Ut li profeta Sedequías, li ralal laj Quenaana, quinachꞌoc riqꞌuin laj Micaías ut quixsacꞌ chi rukꞌ saꞌ xnakꞌ ru ut quixye re: —¿Ma x-el ta biꞌ cuiqꞌuin lix musikꞌ li Dios re ta̱xic chi a̱tinac a̱cuiqꞌuin? chan.

2 Samuel 19:30

Ut laj Mefi-boset quixye: —Cana̱k chokꞌ re laj Siba chixjunil li chꞌochꞌ. Li kꞌaxal us chokꞌ cue la̱in, aꞌan nak xatcꞌulun cuiꞌchic saꞌ la̱ cuochoch chi sa saꞌ a̱chꞌo̱l, chan.

San Lucas 6:30

Li ani tixtzꞌa̱ma cꞌaꞌru re a̱cue, qꞌue re. Ut cui ani tixmakꞌ cꞌaꞌru a̱cue cha̱cuu, ma̱patzꞌ chic re̱kaj re.