San Lucas 6:26 - Li Santil hu

²⁶ Raylal cha̱lel saꞌ e̱be̱n la̱ex li naqꞌueheꞌ e̱lokꞌal arin saꞌ ruchichꞌochꞌ xbaneb li tenamit. Joꞌcaꞌin ajcuiꞌ nak queꞌqꞌueheꞌ xlokꞌal eb li profeta aj balakꞌ xbaneb le̱ xeꞌto̱nil yucuaꞌ.

Q'eqchi Bible

²⁶ “Ra chaalel sa' eeb'een naq chaab'il neke'xye cherix chixjunileb' li poyanam, xb'aan naq jo'kan ajwi' ke'xb'aanu li xna' xyuwa'eb' reheb' li propeet aj b'alaq'.

San Lucas 6:26 ပူးပေါင်းရင်းမြစ်များ

San Juan 15:19

Cui ta la̱ex incꞌaꞌ xine̱pa̱b la̱in, raro̱kex raj xbaneb li incꞌaꞌ nequeꞌpa̱ban. Abanan la̱ex ma̱cuaꞌex chic jun saꞌ xya̱nkeb xban nak la̱in xinsicꞌoc e̱ru. Joꞌcan nak xicꞌ nequex-ileꞌ xbaneb.

Santiago 4:4

La̱ex chanchanex li nequeꞌxmux ru lix sumlajic xban nak la̱ex nequera ru li ma̱c. Ma̱cuaꞌ li Dios nequecꞌoxla. Cui la̱ex nequera ru li cua̱nc saꞌ lix ma̱usilal li ruchichꞌochꞌ xicꞌ yo̱quex chirilbal li Dios.

San Mateo 7:15

Chenauhak xcolbal e̱rib chiruheb li profeta aj balakꞌ. Chanchan nak cha̱bileb joꞌ li carner nak nequeꞌcꞌutun. Abanan moco ya̱l ta. Chanchaneb li joskꞌ aj xoj nak nequeꞌchal chi balakꞌi̱nc.

Miqueas 2:11

Eb li tenamit aꞌin nequeꞌraj junak profeta aj balakꞌ. Nequeꞌraj junak li profeta ta̱ticꞌtiꞌik ut tixye reheb: —La̱in tinyehok e̱re nak ta̱cua̱nk nabal li vino ut li trau chokꞌ e̱re, chaꞌak. Aꞌan li te̱raj rabinquil.

Isaías 30:10

Nequeꞌxye reheb li profeta: —Micꞌuteꞌ chic li visión che̱ru. Me̱ye chic ke cꞌaꞌru us takaba̱nu. Ye ban ke li chꞌinaꞌus rabinquil, usta moco ya̱l ta.

Jeremías 5:31

Eb li profeta ticꞌtiꞌ nequeꞌxye. Ut eb laj tij nequeꞌxba̱nu joꞌ nequeꞌraj eb li profeta. Ut eb lin tenamit joꞌcan queꞌcuulac chiru. Abanan ¿cꞌaꞌru teꞌxba̱nu nak ta̱cuulak xkꞌehil li rakba a̱tin? chan li Ka̱cuaꞌ.

San Juan 7:7

Eb li cuanqueb saꞌ ruchichꞌochꞌ xicꞌ niquineꞌril xban nak la̱in ninye reheb nak incꞌaꞌ us li yo̱queb chixba̱nunquil. Abanan la̱ex incꞌaꞌ xicꞌ nequex-ileꞌ xbaneb.

Romanos 16:18

Eb aꞌan incꞌaꞌ nequeꞌxba̱nu li cꞌaꞌru naraj li Ka̱cuaꞌ Jesucristo. Caꞌaj cuiꞌ li cꞌaꞌru nequeꞌxrahi ru lix chꞌo̱leb, aꞌan li nequeꞌxba̱nu. Ut riqꞌuin kꞌunil a̱tin nequeꞌkꞌunbesin ut nequeꞌxbalakꞌi li incꞌaꞌ cauheb xchꞌo̱l saꞌ xpa̱ba̱leb.

Proverbios 27:21

Li oro ut li plata isinbil lix tzꞌajnil riqꞌuin xam. Abanan eb li cristian nacꞌutun chanru lix naꞌlebeb nak nequeꞌqꞌueheꞌ xlokꞌal.

San Lucas 6:25

Raylal cha̱lel saꞌ e̱be̱n la̱ex li cuan nabal cꞌaꞌru e̱re xban nak ta̱cuulak xkꞌehil nak ma̱cꞌaꞌ chic cua̱nk e̱re re textzaca̱nk. Raylal cha̱lel saꞌ e̱be̱n la̱ex li nequexseꞌec anakcuan xban xsahil e̱chꞌo̱l xban nak mokon texya̱bak xban xrahil e̱chꞌo̱l.