San Lucas 6:25 - Li Santil hu

²⁵ Raylal cha̱lel saꞌ e̱be̱n la̱ex li cuan nabal cꞌaꞌru e̱re xban nak ta̱cuulak xkꞌehil nak ma̱cꞌaꞌ chic cua̱nk e̱re re textzaca̱nk. Raylal cha̱lel saꞌ e̱be̱n la̱ex li nequexseꞌec anakcuan xban xsahil e̱chꞌo̱l xban nak mokon texya̱bak xban xrahil e̱chꞌo̱l.

Q'eqchi Bible

²⁵ “Ra chaalel sa' eeb'een li nujenaqex chi tzekemq anaqwan, xb'aan naq textz'okaaq moqon. “Ra chaalel sa' eeb'een li nekexse'ek anaqwan, xb'aan naq taayot'e'q eech'ool ut texyaab'aq moqon.

San Lucas 6:25 ပူးပေါင်းရင်းမြစ်များ

Isaías 65:13

Li Ka̱cuaꞌ li nimajcual Dios quixye: —Eb li nequeꞌcꞌanjelac chicuu cua̱nk xcuaheb, abanan la̱ex li nequexkꞌetoc li cua̱tin te̱cuy e̱saꞌ. Eb li nequeꞌcꞌanjelac chicuu cua̱nk rucꞌaheb, abanan la̱ex te̱cuy e̱chaki el. Eb li nequeꞌcꞌanjelac chicuu teꞌsahokꞌ saꞌ xchꞌo̱leb, abanan la̱ex li nequeba̱nu li incꞌaꞌ us, ta̱cꞌutekꞌ e̱xuta̱n.

Santiago 4:9

Chirahokꞌ e̱chꞌo̱l, chiyotꞌekꞌ e̱chꞌo̱l ut chexya̱bak xban li ma̱usilal li nequeba̱nu. Ma̱cuaꞌ raj seꞌec nequeba̱nu; ya̱bac raj nequeba̱nu xban nak incꞌaꞌ us le̱ yehom e̱ba̱nuhom. Ut incꞌaꞌ raj nasahoꞌ saꞌ e̱chꞌo̱l. Narahoꞌ raj ban saꞌ e̱chꞌo̱l.

Proverbios 14:13

Cuanqueb li nequeꞌseꞌec usta raheb saꞌ xchꞌo̱leb. Ut cuan nak li sahil chꞌo̱lej nasukꞌi chokꞌ rahil chꞌo̱lej chokꞌ reheb.

Apocalipsis 3:17

La̱ex nequeye nak biomex ut cuan chixjunil li cꞌaꞌru e̱re. “Ma̱cꞌaꞌ napaltoꞌ ke,” chanquex. Abanan incꞌaꞌ nequeqꞌue retal nak kꞌaxal ra cuanquex. Chanchan nebaꞌex ut mutzꞌex. Chanchan tꞌustꞌu̱quex xban nak incꞌaꞌ niquine̱pa̱b. Kꞌaxal tokꞌoba̱l e̱ru.

1 Ts 5:3

Nak eb li tenamit yo̱keb chixyebal, “Cuanco saꞌ tuktu̱quil usilal ut ma̱cꞌaꞌ cꞌoxlac”, tojoꞌnak ta̱cha̱lk rosoꞌjiqueb saꞌ junpa̱t chi ma̱cꞌaꞌak saꞌ xchꞌo̱leb joꞌ nak nachal xraylal li yaj aj ixk chi ma̱cꞌaꞌ saꞌ xchꞌo̱l. Ut eb aꞌan incꞌaꞌ teꞌcolekꞌ chiru li raylal ta̱cha̱lk saꞌ xbe̱neb.

Efesios 5:4

Incꞌaꞌ ta̱yema̱nk saꞌ e̱ya̱nk li yibru aj a̱tin chi moco li to̱ntil a̱tin chi moco cheye li ma̱yehecꞌ naraj xban nak incꞌaꞌ us. Chexbantioxi̱nk ban chiru li Dios.

San Lucas 13:28

Nak te̱ril laj Abraham, laj Isaac, laj Jacob ut chixjunileb li profeta cua̱nkeb saꞌ lix nimajcual cuanquilal li Dios, ut la̱ex incꞌaꞌ tex-ocsi̱k, toj aran texya̱bak ut te̱cꞌuxuxi li ruch e̱re xban xrahil e̱chꞌo̱l.

San Lucas 12:20

Abanan li Dios quixye re, “Abi, at jip aj cui̱nk. Chiru a kꞌojyi̱n aꞌin tatca̱mk. Ut chixjunil li xocxo a̱ban, ¿ani aj e ta̱cana̱k cuiꞌ?”

San Lucas 8:53

Chixjunileb li cuanqueb aran queꞌxseꞌe li Jesús xban nak queꞌxnau nak li xkaꞌal camenak chic.

Nahum 1:10

Osoꞌjenakex chi cala̱c. Chanchanex li qꞌuix li naxbaqꞌui rib. Tex-osokꞌ joꞌ nak nacꞌat li chaki qꞌuim.

Amós 8:10

Le̱ ninkꞌe tinsukꞌisi chokꞌ rahil chꞌo̱lej. Chanchan li ani xcam e̱re. Ut tinsukꞌisi ajcuiꞌ le̱ bich chokꞌ ya̱bac. Te̱rocsi li tꞌicr kꞌes ru ut jobil le̱ jolom teꞌcana̱k nak te̱bes retalil li rahil chꞌo̱lejil. Nak texya̱bak chanchanakex li yo̱queb chi ya̱bac xban nak quicam li junaj chi ralal. Toj chalen nak tex-osokꞌ junes raylal te̱cꞌul.

Isaías 28:7

Eb li profeta ut eb laj tij yo̱queb chi cala̱c ut nequeꞌtacloc. Cꞌajoꞌ li vino ut li haꞌ li nacaltesin queꞌrucꞌ toj retal queꞌxsach xnaꞌleb. Eb li profeta incꞌaꞌ chic nequeꞌxtau ru li visión li naxcꞌut chiruheb li Ka̱cuaꞌ. Ut eb laj tij incꞌaꞌ chic nequeꞌru xqꞌuebal xnaꞌlebeb li tenamit.

Isaías 9:20

Yalak bar teꞌxsicꞌ xtzacae̱mkeb li tenamit. Teꞌcuaꞌak ut incꞌaꞌ ta̱cꞌojla̱k xchꞌo̱leb. Junelic ban teꞌtzꞌoca̱k toj retal teꞌxtiu xtibeleb lix cocꞌaleb.

Isaías 8:21

Eb li tenamit teꞌxbeni ribeb yalak bar chi ra saꞌ xchꞌo̱leb ut teꞌtzꞌoca̱k. Xban nak teꞌtzꞌoca̱k ta̱cha̱lk xjoskꞌileb ut teꞌxmajecua lix reyeb ut teꞌxmajecua ajcuiꞌ lix Dioseb. Teꞌilok takecꞌ saꞌ choxa,

Eclesiastés 7:6

Lix sahil xchꞌo̱leb li ma̱cꞌaꞌeb xnaꞌleb yal nanumeꞌ. Ma̱cꞌaꞌ na-oc cuiꞌ. Chanchan li chaj li yal naxhum rib.

Eclesiastés 7:3

Kꞌaxal us li ya̱bac chiru li seꞌec xban nak li raylal naxtenkꞌa junak chixtaubal xnaꞌleb.

Eclesiastés 2:2

Joꞌcan nak quinqꞌue retal nak li seꞌec, aꞌan yal to̱ntil naꞌleb. Ut li sahil chꞌo̱lej saꞌ ruchichꞌochꞌ ma̱cꞌaꞌ na-oc cuiꞌ.

Proverbios 30:9

Cui nabal ta̱qꞌue cue, ma̱re tatintzꞌekta̱na ut ma̱re tinye nak incꞌaꞌ ninnau a̱cuu. Ut cui incꞌaꞌ tzꞌakal li cꞌaꞌru cuan cue, ma̱re tin-elkꞌak ut tincꞌut a̱xuta̱n, at inDios, chan.

Salmos 49:19

Abanan ta̱cuulak ajcuiꞌ xkꞌehil nak ta̱ca̱mk joꞌ nak queꞌcam lix xeꞌto̱nil yucuaꞌeb. Ut incꞌaꞌ chic teꞌcua̱nk saꞌ ruchichꞌochꞌ.

1 Samuel 2:5

Li cuanqueb nabal cꞌaꞌru eb re nak xeꞌcuan, anakcuan ma̱cꞌaꞌ chic cꞌaꞌru reheb. Yo̱queb chi trabajic chi cau re nak ta̱cua̱nk caꞌchꞌinak xtzacae̱mkeb. Ut eb li ma̱cꞌaꞌ cuan reheb re teꞌtzaca̱nk nak xeꞌcuan, anakcuan cuan chic cꞌaꞌruheb re. Ut li ixk li incꞌaꞌ naqꞌuiresin, xeꞌcuan cuukub xcocꞌal. Abanan li ixk li xcuan nabal xcocꞌal, anakcuan incꞌaꞌ chic naqꞌuiresin.

San Lucas 6:24

Abanan, la̱ex li biomex raylal cha̱lel saꞌ e̱be̱n xban nak ac xecꞌojob e̱chꞌo̱l arin saꞌ ruchichꞌochꞌ.

San Lucas 6:26

Raylal cha̱lel saꞌ e̱be̱n la̱ex li naqꞌueheꞌ e̱lokꞌal arin saꞌ ruchichꞌochꞌ xbaneb li tenamit. Joꞌcaꞌin ajcuiꞌ nak queꞌqꞌueheꞌ xlokꞌal eb li profeta aj balakꞌ xbaneb le̱ xeꞌto̱nil yucuaꞌ.