San Lucas 6:17 - Li Santil hu

¹⁷ Li Jesús quicube saꞌ li tzu̱l rochbeneb lix tzolom ut quicana saꞌ jun naꞌajej takꞌa ru rochbeneb lix qꞌuialeb chic lix tzolom ut li qꞌuila tenamit li queꞌchal chak saꞌ eb li tenamit Judea ut Jerusalén. Ut cuan ajcuiꞌ li queꞌchal saꞌ eb li tenamit li cuanqueb chire li palau joꞌ Tiro ut Sidón. Quilajeꞌchal re nak teꞌrabi li cꞌaꞌru tixye li Jesús ut re ajcuiꞌ nak li Jesús tixqꞌuirtesiheb li yaj.

Q'eqchi Bible

¹⁷ Rochb'eeneb' a'an naq kikub'e chaq li Jesus. Toja' naq kixaqliik sa' jun li na'ajej taq'a ru, b'arwi' naab'aleb' li xtzolom ut xiikileb' li tenamit chalenaqeb' chaq sa' chixjunil Judea, Jerusalén, ut chire li palaw re Tiro ut Sidón.

San Lucas 6:17 ပူးပေါင်းရင်းမြစ်များ

San Mateo 11:21

—Raylal cha̱lel saꞌ e̱be̱n, ex aj Corazín. Raylal cha̱lel saꞌ e̱be̱n ex aj Betsaida. Cui ta qui-uxman aran Tiro li milagro aꞌin li xinba̱nu che̱ru ut cui ta qui-uxman aran Sidón, ac najter raj queꞌxqꞌue li cha saꞌ xjolomeb ut ac queꞌxqꞌue raj li kꞌes ru tꞌicr chirixeb chokꞌ retalil nak raheb saꞌ xchꞌo̱l ut queꞌyotꞌeꞌ raj xchꞌo̱leb ut queꞌxjal raj xcꞌaꞌuxeb.

San Lucas 6:12

Saꞌ jun li cutan co̱ li Jesús chi tijoc saꞌ xbe̱n jun li tzu̱l. Quixnumsi li kꞌojyi̱n chi tijoc chiru li Dios.

San Lucas 5:15

Abanan yalak bar yo̱ chi abi̱c resil chixjunil li cꞌaꞌru yo̱ chixba̱nunquil li Jesús. Nabaleb li tenamit nequeꞌxchꞌutub ribeb chirabinquil li cꞌaꞌru naxye ut re ajcuiꞌ nak teꞌqꞌuirtesi̱k.

San Mateo 15:21

Ut qui-el aran li Jesús ut co̱ saꞌ eb li naꞌajej xcue̱nt Tiro ut xcue̱nt Sidón.

San Mateo 14:14

Ut li Jesús nak qui-el saꞌ li jucub, quiril li qꞌuila tenamit li ac queꞌcuulac xbe̱n cua chiru aꞌan. Ut quixtokꞌoba ruheb ut quixqꞌuirtesiheb li yaj cuanqueb saꞌ xya̱nkeb.

San Mateo 12:15

Li Jesús quixnau nak yo̱queb xcꞌu̱banquil chanru nak teꞌxcamsi ut qui-el saꞌ li naꞌajej aꞌan. Ut nabaleb li tenamit queꞌta̱ken re ut naxqꞌuirtesiheb chixjunileb li yaj.

Salmos 103:3

Aꞌan naxcuy naxsach chixjunil lin ma̱c. Ut aꞌan li naqꞌuirtesin re chixjunil lin yajel.

San Mateo 5:1

Ut nak quirileb li qꞌuila tenamit, li Jesús quitakeꞌ saꞌ xbe̱n jun li tzu̱l. Ut nak quicꞌojla, eb li yo̱queb chixta̱kenquil queꞌxchꞌutub rib riqꞌuin.

San Lucas 6:16

laj Judas li ri̱tzꞌin laj Jacobo ut laj Judas Iscariote li quikꞌaxtesin re li Jesús mokon saꞌ rukꞌeb li xicꞌ nequeꞌiloc re.

San Lucas 6:18

Ut quixqꞌuirtesiheb ajcuiꞌ li cuanqueb ma̱us aj musikꞌej riqꞌuineb.