San Lucas 6:14 - Li Santil hu

¹⁴ laj Simón li quixqꞌue ajcuiꞌ Pedro chokꞌ xcꞌabaꞌ; laj Andrés li ri̱tzꞌin laj Pedro; laj Jacobo; laj Juan; laj Felipe; laj Bartolomé;

Q'eqchi Bible

¹⁴ laj Simón (aj Pedro chik kixk'e cho'q xk'ab'a') ut laj Andrés li riitz'in, laj Santiago ut laj Jwan, laj Felipe ut laj Bartolomé,

San Lucas 6:14 ပူးပေါင်းရင်းမြစ်များ

Hechos 1:13

Nak queꞌcuulac Jerusalén queꞌtakeꞌ saꞌ xcaꞌ tasal li cab li nequeꞌhilan cuiꞌ nak cuanqueb Jerusalén. Aꞌaneb laj Pedro, laj Juan, laj Jacobo, laj Andrés, laj Felipe, laj Tomás, laj Bartolomé, laj Mateo, laj Jacobo li ralal laj Alfeo, laj Simón li na-oquen saꞌ xya̱nkeb li jun chꞌu̱tal Zelote nequeꞌxye reheb, ut laj Judas li ralal laj Jacobo.

San Mateo 4:21

Junpa̱t na chic quibe̱c li Jesús nak quixtauheb cuiꞌchic cuibeb li cui̱nk ri̱tzꞌineb rib. Aꞌaneb laj Jacobo ut laj Juan. Cuanqueb saꞌ lix jucub rochben laj Zebedeo lix yucuaꞌeb. Yo̱queb chixxitinquil lix yoy. Ut li Jesús quixbokeb re nak teꞌxic chirix.

San Mateo 4:18

Saꞌ jun cutan nak coxnumekꞌ li Jesús chire li palau cuan Galilea, quirileb cuib li cui̱nk ri̱tzꞌineb rib. Li jun, aꞌan laj Simón. Aj Pedro nayeman re. Li jun chic aj Andrés xcꞌabaꞌ. Yo̱queb chixqꞌuebal lix yoy saꞌ li palau xban nak aꞌaneb aj chapol car.

2 Pedro 1:1

La̱in laj Simón Pedro. La̱in x-apóstol li Jesucristo ut nincꞌanjelac chiru. Nintzꞌi̱ba li hu aꞌin e̱riqꞌuin, la̱ex aj pa̱banel. Ac xetau lix chakꞌal ru li pa̱ba̱l joꞌ li kapa̱ba̱l la̱o. Li pa̱ba̱l aꞌin natauman riqꞌuin li Ka̱cuaꞌ Jesucristo laj Colol ke, li ti̱c xchꞌo̱l.

Hechos 12:2

Quixtakla xcamsinquil riqꞌuin chꞌi̱chꞌ laj Jacobo li ras laj Juan.

San Juan 14:8

Laj Felipe quixye re: —Ka̱cuaꞌ, cꞌutbesi chiku li Yucuaꞌbej ut ta̱cꞌojla̱k kachꞌo̱l, chan.

San Juan 6:8

Jun chic reheb lix tzolom aj Andrés xcꞌabaꞌ ras laj Simón Pedro. Quixye:

San Juan 6:5

Li Jesús quiril nak nabaleb li yo̱queb chi cuulac riqꞌuin. Quixye re laj Felipe: —¿Bar ta̱ru̱k takalokꞌ xcuaheb chixjunileb li tenamit aꞌin? chan.

San Juan 1:45

Laj Felipe ticto co̱ chixsicꞌbal laj Natanael ut quixye re: —Xkatau li Mesías li tzꞌi̱banbil chak retalil saꞌ li chakꞌrab xban laj Moisés ut xbaneb li profeta. Aꞌan li Jesús ralal laj José. Nazaret xtenamit, chan laj Felipe.

San Lucas 5:10

Ut joꞌcan ajcuiꞌ laj Jacobo ut laj Juan, eb li ralal laj Zebedeo. Aꞌan eb li rochben laj Simón. Ut li Jesús quixye re laj Simón: —Matcꞌoxlac. Chalen anakcuan ma̱cuaꞌ chic caribc ta̱ba̱nu. A̱cuas a̱cui̱tzꞌin ban chic ta̱sicꞌ re teꞌpa̱ba̱nk, chan li Jesús.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.

San Marcos 14:33

Ut quixcꞌam oxib lix tzolom chirix. Aꞌaneb laj Pedro, laj Jacobo ut laj Juan. Ut cꞌajoꞌ nak qui-oc chi yotꞌecꞌ xchꞌo̱l li Jesús.

San Marcos 9:2

Cuakib cutan chic xyebal aꞌan xban li Jesús nak quixcꞌameb laj Pedro, laj Jacobo, ut laj Juan saꞌ xbe̱n jun li nimla tzu̱l. Nak cuanqueb aran xjuneseb, quijalanoꞌ li riloba̱l li Jesús chiruheb.

San Marcos 5:37

Ut incꞌaꞌ quiraj nak li tenamit teꞌxic chirix. Caꞌaj cuiꞌ laj Pedro ut laj Jacobo ut laj Juan, li ri̱tzꞌin laj Jacobo, quixcꞌameb chirix.

San Marcos 1:29

Nak queꞌel saꞌ li cab li nequeꞌxchꞌutub cuiꞌ ribeb laj judío, li Jesús rochbeneb laj Jacobo ut laj Juan queꞌco̱eb saꞌ rochoch laj Simón ut laj Andrés.

San Marcos 1:19

Junpa̱t chic quibe̱c li Jesús nak coxtauheb li ralal laj Zebedeo. Laj Jacobo ut laj Juan xcꞌabaꞌeb. Cuanqueb saꞌ lix jucub. Yo̱queb chixxitinquil lix yoy.

San Mateo 10:3

laj Felipe ut laj Bartolomé; laj Tomás ut laj Mateo laj titzꞌol toj; laj Jacobo li ralal laj Alfeo ut laj Lebeo aj Tadeo xcab xcꞌabaꞌ,

San Mateo 10:2

Aꞌan aꞌin lix cꞌabaꞌeb lix tzolom cablaju, li quixxakab chokꞌ x-apóstol: li xbe̱n, aꞌan laj Simón, Pedro nayeman re; ut laj Andrés li ri̱tzꞌin; laj Jacobo ut laj Juan li ri̱tzꞌin. Laj Zebedeo, aꞌan lix yucuaꞌeb;

San Marcos 3:16

Aꞌaneb aꞌin li cablaju li quixxakabeb li Jesús: laj Simón li quixqꞌue aj Pedro chokꞌ xcꞌabaꞌ,

San Lucas 6:13

Nak ac xsake̱u quixbokeb lix tzolom ut quixsicꞌ ruheb li cablaju saꞌ xya̱nkeb ut quixqꞌueheb chokꞌ apóstol. Aꞌaneb aꞌin li apóstol li quixsicꞌ ruheb:

San Lucas 6:15

laj Mateo; laj Tomás; laj Jacobo li ralal laj Alfeo; laj Simón li nequeꞌxye ajcuiꞌ Zelote re;