San Lucas 6:12 - Li Santil hu

¹² Saꞌ jun li cutan co̱ li Jesús chi tijoc saꞌ xbe̱n jun li tzu̱l. Quixnumsi li kꞌojyi̱n chi tijoc chiru li Dios.

Q'eqchi Bible

¹² Sa'eb' li kutan a'an koho li Jesus chi tijok sa' xb'een tzuul ut kixnumsi chixjunil li q'oqyink, yo chi tijok chiru li Yos.

San Lucas 6:12 ပူးပေါင်းရင်းမြစ်များ

Hebreos 5:7

Nak li Jesucristo quicuan arin saꞌ ruchichꞌochꞌ quiya̱bac nak quitijoc. Chi cau xya̱b xcux quitzꞌa̱man chiru li Dios, li cuan xcuanquil chi coloc re chiru li ca̱mc. Ut li Dios quirabi lix tij xban nak quixkꞌaxtesi rib re xba̱nunquil lix cꞌanjel li Dios.

San Marcos 6:46

Ut nak ac xchakꞌrabiheb li tenamit, li Jesús co̱ chiru tzu̱l chi tijoc.

San Marcos 1:35

Cuulajak chic nak toj ma̱jiꞌ na-iqꞌueꞌ li cutan, li Jesús quicuacli ut qui-el saꞌ li tenamit. Ut co̱ xjunes chi tijoc saꞌ jun li naꞌajej bar ma̱cꞌaꞌ cuiꞌ cristian.

Colosenses 4:2

Me̱canab tijoc. Chextijok chi anchal e̱chꞌo̱l ut junelic chexbantioxi̱nk chiru li Dios.

San Mateo 6:6

Ut nak textijok la̱ex, ocankex saꞌ le̱ rochoch, tzꞌapomak re li cab, ut tijonkex chiru le̱ Yucuaꞌ li incꞌaꞌ na-ilman ru. Ut le̱ Yucuaꞌ li naril chixjunil li cꞌaꞌru nequeba̱nu, aꞌan ta̱kꞌajca̱mu̱nk e̱re.

Daniel 6:10

Nak quixnau nak li rey quixqꞌue li chakꞌrab aꞌan, laj Daniel co̱ saꞌ rochoch. Ut quixcanab chi teto lix ventanil lix cuariba̱l li cuan saꞌ xjayal li tenamit Jerusalén. Joꞌ cꞌaynak xba̱nunquil laj Daniel, quixcuikꞌib rib aran ut oxib sut chiru li cutan quitijoc ut quibantioxin chiru li Ka̱cuaꞌ lix Dios joꞌ naxba̱nu rajlal.

Salmos 22:2

At inDios, chi kꞌek chi cutan ninya̱ba la̱ cꞌabaꞌ ut incꞌaꞌ niquina̱cuabi. Incꞌaꞌ ninhilan chi tzꞌa̱ma̱nc cha̱cuu ut la̱at incꞌaꞌ niquina̱sume.

1 Samuel 15:11

—Incꞌaꞌ sa saꞌ inchꞌo̱l riqꞌuin laj Saúl. Incꞌaꞌ raj xinqꞌue chokꞌ xreyeb laj Israel. Quinixtzꞌekta̱na ut quixkꞌet lin chakꞌrab, chan. Qui-oc xcꞌaꞌux laj Samuel ut quixnumsi li kꞌojyi̱n aꞌan chi tijoc chiru li Ka̱cuaꞌ.

Isaías 26:9

Chiru li kꞌojyi̱n cꞌajoꞌ nak nacuaj rilbal a̱cuu. Chi anchal inchꞌo̱l tatinsicꞌ toj ekꞌela joꞌ najtil ta̱cua̱nk inyuꞌam. Nak tatrakok a̱tin, li cuanqueb saꞌ ruchichꞌochꞌ teꞌxqꞌue retal cꞌaꞌru li ti̱quilal.

San Mateo 5:1

Ut nak quirileb li qꞌuila tenamit, li Jesús quitakeꞌ saꞌ xbe̱n jun li tzu̱l. Ut nak quicꞌojla, eb li yo̱queb chixta̱kenquil queꞌxchꞌutub rib riqꞌuin.

San Marcos 3:13

Tojoꞌnak li Jesús quitakeꞌ chiru tzu̱l. Quixbokeb li ani quiraj ut eb aꞌan co̱eb chirix.

San Lucas 5:16

Ut li Jesús rajlal naxic xjunes chi tijoc saꞌ eb li naꞌajej bar ma̱cꞌaꞌ cuan.

San Lucas 6:11

Cꞌajoꞌ nak queꞌjoskꞌoꞌ eb laj fariseo ut laj tzolol chakꞌrab, ut queꞌoc chixyebal chi ribileb rib chanru nak teꞌxjit li Jesús.

San Lucas 6:17

Li Jesús quicube saꞌ li tzu̱l rochbeneb lix tzolom ut quicana saꞌ jun naꞌajej takꞌa ru rochbeneb lix qꞌuialeb chic lix tzolom ut li qꞌuila tenamit li queꞌchal chak saꞌ eb li tenamit Judea ut Jerusalén. Ut cuan ajcuiꞌ li queꞌchal saꞌ eb li tenamit li cuanqueb chire li palau joꞌ Tiro ut Sidón. Quilajeꞌchal re nak teꞌrabi li cꞌaꞌru tixye li Jesús ut re ajcuiꞌ nak li Jesús tixqꞌuirtesiheb li yaj.

San Lucas 9:18

Saꞌ jun li cutan li Jesús yo̱ chi tijoc xjunes nak queꞌcuulac lix tzolom riqꞌuin. Li Jesús quixpatzꞌ reheb lix tzolom ut quixye: —¿Anihin la̱in nak nequeꞌxye li tenamit? chan.

San Lucas 9:28

Cuakxakib cutan na chic xyebal eb a a̱tin aꞌin nak li Jesús co̱ chi tijoc saꞌ xbe̱n jun li tzu̱l rochbeneb laj Pedro, laj Jacobo ut laj Juan.

San Lucas 9:29

Nak yo̱ chi tijoc li Jesús, quijalanoꞌ li riloba̱l chiruheb. Ut li rakꞌ sak sak ut nalemtzꞌun.

San Juan 6:3

Ut quitakeꞌ li Jesús chiru jun li tzu̱l ut aran quicꞌojla rochbeneb lix tzolom.