San Lucas 6:1 - Li Santil hu

¹ Saꞌ jun li hiloba̱l cutan li Jesús yo̱ chi numecꞌ saꞌ jun si̱r li acui̱mk trigo rochbeneb lix tzolom. Eb lix tzolom queꞌxchꞌot ru li trigo nak yo̱queb chi numecꞌ ut queꞌrisi li rix saꞌ rukꞌeb ut queꞌxcuaꞌ.

Q'eqchi Bible

¹ Sa' jun li sábado, naq yo chi nume'k li Jesus sa'eb' li awimq, eb' li xtzolom ke'xch'ot ut ke'xk'ux ru li triiw, yookeb' chi xmuch'lenkil sa' ruq'eb'.

San Lucas 6:1 ပူးပေါင်းရင်းမြစ်များ

Deuteronomio 23:25

Ut nak tex-oc saꞌ xnaꞌaj lix trigo le̱ ras e̱ri̱tzꞌin, naru te̱risi li ru riqꞌuin le̱ rukꞌ, abanan incꞌaꞌ naru te̱set riqꞌuin chꞌi̱chꞌ.

Levítico 23:7

Saꞌ li xbe̱n li cutan te̱chꞌutub e̱rib ut te̱ba̱nu li lokꞌlaj ninkꞌe ut ma̱ jun li cꞌanjel te̱ba̱nu.

Éxodo 12:15

Chiru cuukub cutan yo̱kex chi ninkꞌei̱k. Saꞌ li xbe̱n cutan te̱risi saꞌ le̱ rochoch chixjunil li naxqꞌue chi si̱pocꞌ li caxlan cua. Re li cuukub cutan li caxlan cua li te̱cuaꞌ, aꞌan xcomon li ma̱cꞌaꞌ xchꞌamal. Ut cui junak cristian tixcuaꞌ li caxlan cua xcomon li cuan xchꞌamal, li cristian aꞌan ta̱isi̱k saꞌ e̱ya̱nk.

Deuteronomio 16:9

Cuukub xama̱n xtiquibanquil xxocbal li ru le̱ trigo nak texninkꞌei̱k.

Levítico 23:15

Nak ac xeqꞌue li jun jo̱b le̱ trigo chokꞌ re le̱ mayej te̱roybeni cuukub xama̱n chic.

San Lucas 5:39

Ut li ani ac xrucꞌ li vino re junxil incꞌaꞌ chic ta̱raj rucꞌbal li acꞌ vino, xban nak nequeꞌxcꞌoxla nak li vino re junxil, aꞌan li cha̱bil, chan li Jesús reheb.

San Lucas 6:6

Saꞌ jun chic li hiloba̱l cutan qui-oc li Jesús saꞌ li cab li nequeꞌxchꞌutub cuiꞌ ribeb laj judío ut quixchꞌolob lix ya̱lal chiruheb li tenamit. Aran cuan jun li cui̱nk sic lix nim ukꞌ.