San Lucas 5:7 - Li Santil hu

⁷ Ut queꞌxcꞌut rukꞌeb chiruheb li rochben li cuanqueb saꞌ li jucub jun chic re xbokbaleb re nak teꞌcha̱lk chixtenkꞌanquil. Ut eb aꞌan queꞌchal ut queꞌxnujtesi xcabichal li jucub ut caꞌchꞌin chic ma̱ nasubun saꞌ li haꞌ xban xqꞌuial li car.

Q'eqchi Bible

⁷ Toja' naq ke'xk'ut ruq'eb' chiruheb' li rech aj karinel li wankeb' chaq sa' li jukub' jun chik, re naq te'chalq chi xtenq'ankileb'. Ke'chalk, ut ke'xnujob'resi xkab'ichal li jukub': ka'aj chik maa neke'sob'e'k!

San Lucas 5:7 ပူးပေါင်းရင်းမြစ်များ

Filipenses 4:3

Joꞌcan nak nintzꞌa̱ma chiru nak tixtenkꞌaheb li ixk aꞌin. Cau xeꞌcꞌanjelac chintenkꞌanquil xyebal resil li colba-ib. Joꞌcan ajcuiꞌ xba̱nu laj Clemente ut chixjunileb li cuech aj cꞌanjelil. Eb aꞌan tzꞌi̱banbil xcꞌabaꞌeb xban li Dios saꞌ li hu tzꞌi̱banbil cuiꞌ xcꞌabaꞌeb chixjunileb li colbileb.

Gálatas 6:2

Chetenkꞌahak e̱rib chi ribil e̱rib chixnumsinquil li chꞌaꞌajquilal nachal saꞌ e̱be̱n. Chi joꞌcan yo̱kex chixba̱nunquil li cꞌaꞌru taklanbilex cuiꞌ xban li Jesucristo.

Hechos 11:25

Chirix chic aꞌan laj Bernabé co̱ Tarso chixsicꞌbal laj Saulo. Nak quixtau quixcꞌam Antioquía.

Proverbios 18:24

Cuan amigo incꞌaꞌ chꞌaꞌaj nak nequeꞌxyoꞌob junak chꞌaꞌajquilal. Abanan cuan li tzꞌakal amigo kꞌaxal cuiꞌchic cha̱bil chiru junak asbej.

Éxodo 23:5

Cui te̱tau lix bu̱r li xicꞌ na-iloc e̱re xtꞌaneꞌ saꞌ be rubel li ri̱k, me̱canab chi joꞌcan. Chetenkꞌa ban chixcuaclesinquil.

San Marcos 4:36

Ut li Jesús quixchakꞌrabiheb li qꞌuila tenamit ut quicꞌameꞌ saꞌ li jucub cuan cuiꞌ. Ut cuanqueb ajcuiꞌ cocꞌ jucub queꞌco̱eb chirix.

San Lucas 5:6

Nak queꞌxqꞌue lix yoy saꞌ li haꞌ, kꞌaxal cuiꞌchic nabal li car queꞌxchap ut yo̱ chi pejecꞌ lix yoyeb.

San Lucas 5:8

Nak quiril chixjunil aꞌin laj Simón Pedro, quixcuikꞌib rib chiru li Jesús ut quixye re: —Canabin injunes, at Ka̱cuaꞌ. Ma̱cuaꞌ incꞌulub nak cua̱nkat cuiqꞌuin xban nak la̱in jun cui̱nk aj ma̱c, chan.