San Lucas 5:39 - Li Santil hu

³⁹ Ut li ani ac xrucꞌ li vino re junxil incꞌaꞌ chic ta̱raj rucꞌbal li acꞌ vino, xban nak nequeꞌxcꞌoxla nak li vino re junxil, aꞌan li cha̱bil, chan li Jesús reheb.

Q'eqchi Bible

³⁹ Maajun li ak xruk' li najteril b'iin, taaraj chik ruk'b'al li ak', xb'aan naq naxye: «Li najteril b'iin, a'an jwal chaab'il».

San Lucas 5:39 ပူးပေါင်းရင်းမြစ်များ

Hebreos 11:39

Nak nakabi aꞌin chirixeb laj pa̱banel, nakanau nak tzꞌakal re ru lix pa̱ba̱leb. Aban toj ma̱jiꞌ quitzꞌakloc ru lix colbaleb li quiyechiꞌi̱c reheb xban li Dios.

Jeremías 6:16

Li Ka̱cuaꞌ quixye reheb lix tenamit: —Xaklinkex saꞌ xa̱la be ut qꞌuehomak retal. Patzꞌomak bar cuan li be re najter ut bar cuan li cha̱bil be. Texxic saꞌ li cha̱bil be ut te̱tau li tuktu̱quil usilal, chan li Dios. Abanan eb aꞌan queꞌxye: —Incꞌaꞌ nakaj xsicꞌbal li be aꞌan, chanqueb.

San Mateo 5:40

Li ani ta̱raj tatxcꞌam riqꞌuin laj rakol a̱tin ut ta̱raj xmakꞌbal la̱ cami̱s, qꞌue ajcuiꞌ la̱ chaque̱t re.

San Lucas 5:38

Joꞌcan nak li acꞌ vino saꞌ li acꞌ bo̱ls tzꞌu̱m naqꞌueman re nak ma̱cꞌaꞌ tixcꞌul li vino chi moco li bo̱ls tzꞌu̱m.

San Lucas 6:1

Saꞌ jun li hiloba̱l cutan li Jesús yo̱ chi numecꞌ saꞌ jun si̱r li acui̱mk trigo rochbeneb lix tzolom. Eb lix tzolom queꞌxchꞌot ru li trigo nak yo̱queb chi numecꞌ ut queꞌrisi li rix saꞌ rukꞌeb ut queꞌxcuaꞌ.