San Lucas 5:36 - Li Santil hu

³⁶ Ut li Jesús quixye cuiꞌchic reheb li jaljo̱quil ru a̱tin aꞌin: —Ma̱ ani naxxi̱ti junak kꞌel tꞌicr riqꞌuin acꞌ tꞌicr. Cui ut naxxi̱ti riqꞌuin acꞌ tꞌicr, naxnimobresi xpejelal li kꞌel tꞌicr. Ut incꞌaꞌ naxcꞌam rib li acꞌ tꞌicr riqꞌuin li kꞌel.

Q'eqchi Bible

³⁶ Kixye ajwi' reheb' jun jaljookil ru aatin: —Maajun napejok junaq ak' aq'ej re xxiitinkil junaq li q'eel. Wi ta jo'kan, taaq'uye'q li ak' aq'ej ut li q'eel ink'a' tixk'am rib' rik'in li ak' xiitil.

San Lucas 5:36 ပူးပေါင်းရင်းမြစ်များ

2 Corintios 6:16

¿Ma xcꞌulubeb ta biꞌ li yi̱banbil dios nak teꞌcua̱nk saꞌ rochoch li yoꞌyo̱quil Dios? Ma̱min ta̱ru̱k. La̱in ninye e̱re nak la̱o aj pa̱banelo, la̱o li rochoch li yoꞌyo̱quil Dios. Li Dios, aꞌan li quixye chi joꞌcaꞌin: La̱in tincua̱nk riqꞌuineb ut tincuochbeniheb. La̱inak lix Dioseb aꞌan, ut aꞌanakeb li cualal incꞌajol, chan. (Lev. 26:12)

Deuteronomio 22:11

Me̱rocsi li tꞌicr cui lana rochben lino lix nokꞌil.

Levítico 19:19

Cheba̱nu li chakꞌrab li yo̱quin chixqꞌuebal e̱re. Me̱qꞌue chi batzꞌu̱nc le̱ queto̱mk riqꞌuin li xul li jalan pa̱y ru. Ut incꞌaꞌ te̱rau cuib pa̱y ru li iyaj saꞌ jun chi naꞌajej. Ut incꞌaꞌ te̱rocsi le̱ rakꞌ li jalan jala̱nk pa̱y ru lix nokꞌil.

San Lucas 5:35

Ut joꞌcan ajcuiꞌ lin tzolom. Ta̱cuulak xkꞌehil nak tin-isi̱k saꞌ xya̱nkeb. Toj saꞌ li cutan aꞌan teꞌxba̱nu x-ayu̱n, chan reheb.

San Lucas 5:37

Ut ma̱ ani naqꞌuehoc acꞌ vino saꞌ junak kꞌel bo̱ls tzꞌu̱m. Cui tixqꞌue li acꞌ vino saꞌ junak kꞌel bo̱ls tzꞌu̱m, ta̱puqꞌuekꞌ li kꞌel tzꞌu̱m ut ta̱hoyekꞌ li vino. Ta̱sachk li vino ut ta̱sachk ajcuiꞌ li bo̱ls tzꞌu̱m.