San Lucas 5:35 - Li Santil hu

³⁵ Ut joꞌcan ajcuiꞌ lin tzolom. Ta̱cuulak xkꞌehil nak tin-isi̱k saꞌ xya̱nkeb. Toj saꞌ li cutan aꞌan teꞌxba̱nu x-ayu̱n, chan reheb.

Q'eqchi Bible

³⁵ Ab'an taawulaq xkutankil naq taamaq'e'q li b'eelomej chiruheb': toja' naq te'ayuuniq, sa'eb' li kutan a'an.

San Lucas 5:35 ပူးပေါင်းရင်းမြစ်များ

San Lucas 17:22

Ut li Jesús quixye reheb lix tzolom: —Ta̱cuulak xkꞌehil nak la̱ex te̱ra ru rilbal lin cꞌulunic la̱in li Cꞌajolbej, abanan incꞌaꞌ te̱ril cuu.

2 Corintios 11:27

Cau nincꞌanjelac ut xincuy li raylal. Xincuy li yoꞌlec ut cuan nak ma̱cꞌaꞌ intzacae̱mk. Xincuy intzꞌocajic ut xincuy inchaki el. Xincuy li que chi incꞌaꞌ tzꞌakal li cuakꞌ.

1 Corintios 7:5

Cui li be̱lomej naraj cua̱nc riqꞌuin li rixakil, li ixakilbej incꞌaꞌ naru tixye incꞌaꞌ. Ut cui li ixakilbej naraj cua̱nc riqꞌuin lix be̱lom, li be̱lomej incꞌaꞌ naru tixye incꞌaꞌ. Naru teꞌxcꞌu̱b chi ribileb rib nak teꞌx-oxlokꞌi rib chi ribileb rib jarubak cutan re nak teꞌxqꞌue xchꞌo̱leb chi tijoc. Abanan teꞌcua̱nk cuiꞌchic mokon chi ribileb rib re nak incꞌaꞌ teꞌa̱le̱k xban laj tza xban nak incꞌaꞌ teꞌxcuy cua̱nc xjuneseb.

Hechos 14:23

Queꞌxxakab aj cꞌamol be re li junju̱nk chꞌu̱tal chi aj pa̱banel. Queꞌxba̱nu lix ayu̱n ut queꞌtijoc saꞌ xbe̱neb re xkꞌaxtesinquileb saꞌ rukꞌ li Ka̱cuaꞌ li ac xeꞌpa̱ban.

Hechos 3:21

Abanan tento nak cua̱nk chak aran saꞌ choxa toj ta̱cuulak xkꞌehil nak ta̱tzꞌaklok ru chixjunil joꞌ queꞌxchꞌolob xya̱lal li santil profeta junxilaj joꞌ quiyeheꞌ reheb xban li Dios.

Hechos 1:9

Nak quirakeꞌ xyebal chixjunil aꞌin quicꞌameꞌ saꞌ choxa li Jesús xban li Dios. Yo̱queb chirilbal nak quichal jun li chok ut quimukun saꞌ li chok. Ut incꞌaꞌ chic queꞌril ru.

San Juan 16:28

La̱in riqꞌuin lin Yucuaꞌ xinchal chak. Ut anakcuan tincanab li ruchichꞌochꞌ ut tinxic cuiꞌchic riqꞌuin lin Yucuaꞌ, chan li Jesús.

San Juan 13:33

Ex cualal incꞌajol, incꞌaꞌ chic najt tincua̱nk e̱riqꞌuin. La̱ex tine̱sicꞌ raj chic. Abanan la̱in ma̱ anihakin chic. Ninye e̱re joꞌ quinye reheb laj judío li nequeꞌtaklan saꞌ e̱ya̱nk. Bar tinxic la̱in, la̱ex incꞌaꞌ texru̱k chi xic.

San Juan 12:8

Li nebaꞌ junelic cua̱nkeb saꞌ e̱ya̱nk. Yalak jokꞌe naru te̱tenkꞌaheb. Abanan la̱in moco cua̱nkin ta chi junelic e̱riqꞌuin, chan li Jesús.

Zacarías 13:7

Li nimajcual Dios quixye: —Tincanab chi camsi̱c laj ilol reheb li carner. Tinkꞌaxtesi re ca̱mc li natenkꞌan cue. Ta̱camsi̱k laj ilol reheb li carner ut eb li carner teꞌxchaꞌchaꞌi ribeb. Ut tincꞌut injoskꞌil chiruheb li carner.

Daniel 9:26

Ut nak acak xnumeꞌ li cuib xca̱cꞌa̱l xama̱n, ta̱camsi̱k li Mesías chi ma̱cꞌaꞌ xma̱c. Ut jun chic li rey ta̱cha̱lk ut aꞌan ta̱numta̱k saꞌ xbe̱n li tenamit Jerusalén ut tixjuqꞌui li templo ut tixsach li tenamit. Chanchan butꞌ ta̱sachok reheb nak teꞌosokꞌ. Ut toj saꞌ li rosoꞌjic ta̱cua̱nk li ple̱t ut ta̱cꞌulma̱nk li ac yebil xban li Dios.

Isaías 22:12

Saꞌ li cutan aꞌan li Ka̱cuaꞌ li nimajcual Dios quixye e̱re nak texya̱bak ut te̱yotꞌ e̱chꞌo̱l. Te̱qꞌue li kꞌes ru tꞌicr che̱rix ut te̱bes le̱ jolom.

San Mateo 9:15

Ut li Jesús quichakꞌoc ut quixye reheb li tijleb aꞌin: —¿Ma naru ta biꞌ nak rahak saꞌ xchꞌo̱leb li nequeꞌbokeꞌ riqꞌuin sumla̱c nak toj cuan li be̱lomej saꞌ xya̱nkeb? La̱in joꞌ jun li be̱lomej. Ta̱cuulak xkꞌehil nak tin-isi̱k saꞌ xya̱nkeb tojoꞌnak teꞌxba̱nu x-ayu̱n eb lin tzolom, chan.

San Marcos 2:20

Ut joꞌcan ajcuiꞌ lin tzolom. Ta̱cuulak xkꞌehil nak tin-isi̱k saꞌ xya̱nkeb. Toj saꞌ li cutan aꞌan teꞌxba̱nu x-ayu̱n, chan reheb.

San Lucas 5:34

Tojoꞌnak quichakꞌoc li Jesús ut quixye reheb: —La̱in joꞌ jun be̱lomej nak cuanquin. ¿Ma naru teꞌayunik li nequeꞌxic riqꞌuin sumla̱c nak cuan li be̱lomej riqꞌuineb? Nak toj cuan li be̱lomej riqꞌuineb incꞌaꞌ naru nequeꞌxba̱nu x-ayu̱n.

San Lucas 5:36

Ut li Jesús quixye cuiꞌchic reheb li jaljo̱quil ru a̱tin aꞌin: —Ma̱ ani naxxi̱ti junak kꞌel tꞌicr riqꞌuin acꞌ tꞌicr. Cui ut naxxi̱ti riqꞌuin acꞌ tꞌicr, naxnimobresi xpejelal li kꞌel tꞌicr. Ut incꞌaꞌ naxcꞌam rib li acꞌ tꞌicr riqꞌuin li kꞌel.