San Lucas 5:33 - Li Santil hu

³³ Ut queꞌxye cuiꞌchic re li Jesús: —Eb lix tzolom laj Juan rajlal nequeꞌxba̱nu x-ayu̱n ut rajlal nequeꞌtijoc. Joꞌcan ajcuiꞌ nequeꞌxba̱nu lix tzolomeb laj fariseo. Ut eb la̱ tzolom la̱at, ¿cꞌaꞌut nak incꞌaꞌ nequeꞌxba̱nu chi joꞌcan? Eb aꞌan nequeꞌcuaꞌac nequeꞌucꞌac chi ma̱cꞌaꞌeb xcꞌaꞌux, chanqueb.

Q'eqchi Bible

³³ Ut eb' a'an ke'xye re li Jesus: —Eb' li xtzolom laj Jwan k'iila sut neke'ayuunik ut neke'tijok, jo'kaneb' ajwi' eb' li xtzolom laj Pariseey; ut eb' laatzolom laa'at neke'wa'ak neke'uk'ak.

San Lucas 5:33 ပူးပေါင်းရင်းမြစ်များ

San Lucas 20:47

Ut nequeꞌxmakꞌ li cꞌaꞌru cuan reheb li xma̱lcaꞌan. Ut najt rok lix tijeb nequeꞌxba̱nu nak nequeꞌtijoc chiruheb li tenamit re xmukbal li ma̱usilal li nequeꞌxba̱nu. Eb aꞌan kꞌaxal ra teꞌxtoj cuiꞌ li ma̱c nequeꞌxba̱nu, chan li Jesús.

San Lucas 18:12

Caꞌ sut ninba̱nu in-ayu̱n chiru li jun xama̱n. Ut rajlal ninqꞌue li junju̱nk saꞌ xlaje̱tkil re chixjunil li joꞌ qꞌuial li nincꞌul,” chan laj fariseo saꞌ lix tij.

Hechos 9:11

Ut li Ka̱cuaꞌ quixye re: —La̱in tinye a̱cue, ayu saꞌ rochoch laj Judas li cuan saꞌ li nim be li Ti̱c nequeꞌxye re. Aran ta̱sicꞌ jun li cui̱nk li xchal chak Tarso. Aj Saulo xcꞌabaꞌ. Aꞌan yo̱ chi tijoc aran.

San Juan 3:25

Queꞌoc chixcuechꞌinquil ribeb lix tzolom laj Juan riqꞌuineb laj judío. Queꞌxcuechꞌi ribeb chirix li cubi haꞌ li yo̱queb chixba̱nunquil.

San Juan 1:35

Joꞌ cuulajak chic laj Juan cuan cuiꞌchic chire li nimaꞌ Jordán rochben cuibeb lix tzolom.

San Lucas 11:1

Saꞌ jun li cutan yo̱ chi tijoc li Jesús. Ut nak quirakeꞌ chi tijoc, jun reheb lix tzolom quixye re: —Ka̱cuaꞌ, cꞌut chiku li tijoc joꞌ nak laj Juan quixcꞌut li tijoc chiruheb lix tzolom, chan.

San Marcos 12:40

Nequeꞌxmakꞌ li cꞌaꞌru cuan reheb li xma̱lcaꞌan ut re xmukbal li ma̱usilal nequeꞌxba̱nu, najt rok nequeꞌtijoc chiruheb li tenamit. Ut xban aꞌan kꞌaxal ra cuiꞌchic teꞌxtoj cuiꞌ li ma̱c nequeꞌxba̱nu.—

San Mateo 23:13

Ra cha̱lel saꞌ e̱be̱n, la̱ex aj tzꞌi̱b ut la̱ex aj fariseo, ex aj caꞌ pacꞌal u. Incꞌaꞌ nequecꞌut lix ya̱lal chiruheb li tenamit ut nequeram chiruheb lix cuanquil li Dios. La̱ex incꞌaꞌ nequeraj xkꞌaxtesinquil e̱rib rubel xcuanquil li nimajcual Dios ut incꞌaꞌ ajcuiꞌ nequecanabeb chixkꞌaxtesinquileb rib li ani nequeꞌraj.

Zacarías 7:6

¿Ma ma̱cuaꞌ ta biꞌ chokꞌ e̱re ajcuiꞌ la̱ex nak xexcuaꞌac ut xex-ucꞌac?

Isaías 1:15

Incꞌaꞌ chic nacuaj rilbal nak te̱taksi le̱ rukꞌ chi tijoc. Usta qꞌuila sut nequextijoc, abanan la̱in incꞌaꞌ chic tincuabi xban nak la̱ex aj camsinel.

Proverbios 28:9

Li ani incꞌaꞌ naraj rabinquil lix chakꞌrab li Dios, li Dios naxtzꞌekta̱na ajcuiꞌ lix tij aꞌan nak ta̱tijok.

San Lucas 2:37

Ac cuan chic ca̱hib roꞌcꞌa̱l chihab (84) xcanajic xjunes. Aꞌan cuan junelic saꞌ li templo. Yo̱ chi cꞌanjelac chiru li Ka̱cuaꞌ chi kꞌek chi cutan. Junelic yo̱ chi tijoc ut yo̱ chixba̱nunquil x-ayu̱n.

San Lucas 5:32

Joꞌcan nak la̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l ut teꞌxjal xcꞌaꞌuxeb, chan li Jesús.

San Lucas 5:34

Tojoꞌnak quichakꞌoc li Jesús ut quixye reheb: —La̱in joꞌ jun be̱lomej nak cuanquin. ¿Ma naru teꞌayunik li nequeꞌxic riqꞌuin sumla̱c nak cuan li be̱lomej riqꞌuineb? Nak toj cuan li be̱lomej riqꞌuineb incꞌaꞌ naru nequeꞌxba̱nu x-ayu̱n.