San Lucas 5:32 - Li Santil hu

³² Joꞌcan nak la̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l ut teꞌxjal xcꞌaꞌuxeb, chan li Jesús.

Q'eqchi Bible

³² Ink'a' xinchalk chi xb'oqb'aleb' li tiikeb' xch'ool, a'eb' b'an laj maak re naq te'xyot' xch'ool te'xjal xk'a'uxl.

San Lucas 5:32 ပူးပေါင်းရင်းမြစ်များ

San Lucas 19:10

La̱in li Cꞌajolbej xincꞌulun chixsicꞌbal ut chixcolbal li sachenakeb, chan li Jesús.

San Lucas 15:10

La̱in ninye e̱re nak joꞌcan ajcuiꞌ eb lix ángel li Dios teꞌsahokꞌ saꞌ xchꞌo̱leb nak junak aj ma̱c ta̱yotꞌekꞌ xchꞌo̱l ut tixjal xcꞌaꞌux.—

San Lucas 15:7

La̱in tinye e̱re nak joꞌcan ajcuiꞌ saꞌ choxa. Ta̱cua̱nk nimla sahil chꞌo̱lej nak junak aj ma̱c tixyotꞌ xchꞌo̱l tixjal xcꞌaꞌux chiruheb bele̱laju roꞌcꞌa̱l chi cristian li ac xeꞌpa̱ban ut ti̱queb chic xchꞌo̱leb.

Hechos 3:19

Joꞌcan ut nak yotꞌomak e̱chꞌo̱l ut jalomak e̱cꞌaꞌux ut sicꞌomak li Ka̱cuaꞌ re nak aꞌan tixcuy tixsach le̱ ma̱c. Ut li Ka̱cuaꞌ tixqꞌue xcacuilal ut xsaylal e̱chꞌo̱l.

San Lucas 24:47

Tzꞌi̱banbil ajcuiꞌ retalil nak ta̱julticama̱nk chiruheb chixjunileb li tenamit nak tento teꞌxyotꞌ xchꞌo̱leb ut teꞌxjal xcꞌaꞌuxeb re ta̱cuyma̱nk ta̱sachma̱nk lix ma̱queb saꞌ xcꞌabaꞌ aꞌan. Ta̱ticla̱k xchꞌolobanquil arin Jerusalén.

Hechos 17:30

Li Dios incꞌaꞌ quixqꞌue saꞌ xbe̱neb li tenamit lix ma̱queb saꞌ eb li cutan nak incꞌaꞌ queꞌxtau ru lix ya̱lal. Abanan anakcuan naxjultica chiruheb chixjunileb li tenamit nak teꞌxyotꞌ xchꞌo̱l teꞌxjal xcꞌaꞌux.

2 Pedro 3:9

Cuan li nequeꞌxye nak li Ka̱cuaꞌ Jesucristo xbay chak chi cha̱lc. Incꞌaꞌ ajcuiꞌ xcꞌulun joꞌ quixye, chanqueb. Abanan incꞌaꞌ yo̱ chak chi ba̱yc. Toj ma̱jiꞌ nacꞌulun xban nak nim lix cuyum e̱riqꞌuin la̱ex. Incꞌaꞌ naraj nak ta̱sachk junak. Naraj ban nak teꞌyotꞌekꞌ xchꞌo̱l ut teꞌxjal xcꞌaꞌux.

Hechos 2:38

Laj Pedro quichakꞌoc ut quixye reheb: —Chiyotꞌekꞌ e̱chꞌo̱l ut jalomak e̱cꞌaꞌux ut ta̱cubsi̱k e̱haꞌ chi junju̱nkalex saꞌ xcꞌabaꞌ li Jesucristo re nak tixcuy e̱ma̱c li Dios ut tixqꞌue e̱re li Santil Musikꞌej.

Hechos 20:21

Yo̱quin chixjulticanquil chiruheb laj judío ut chiruheb li ma̱cuaꞌeb aj judío, nak teꞌxyotꞌ xchꞌo̱l ut teꞌxjal xcꞌaꞌux chiru li Dios ut teꞌpa̱ba̱nk saꞌ xcꞌabaꞌ li Ka̱cuaꞌ Jesucristo.

Hechos 3:26

Nak li Dios quixtakla chak li ralal, quixtakla xbe̱n cua e̱riqꞌuin la̱ex aj judío re e̱rosobtesinquil re nak che̱junju̱nkalex te̱yotꞌ e̱chꞌo̱l ut te̱jal e̱cꞌaꞌux ut te̱canab xba̱nunquil li ma̱usilal.—

San Mateo 18:10

La̱in ninye e̱re cheqꞌuehak retal me̱tzꞌekta̱na junak reheb li kꞌuneb xchꞌo̱l saꞌ lix pa̱ba̱l xban nak eb aꞌan cꞌacꞌalenbileb xbaneb li ángel, li cuanqueb riqꞌuin lin Yucuaꞌ cuan saꞌ choxa.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

San Marcos 15:10

Laj Pilato naxnau nak xban xcakaleb xchꞌo̱l lix be̱nil aj tij nak queꞌxkꞌaxtesi li Jesús saꞌ rakleb a̱tin.

Isaías 57:15

Quixye ajcuiꞌ li santil Dios li nim xcuanquil ut yoꞌyo chi junelic: —La̱in nincuan saꞌ jun li Santil Naꞌajej li cuan takecꞌ. Ut nincuan ajcuiꞌ riqꞌuineb li tu̱laneb ut eb li nequeꞌxcubsi ribeb. La̱in ninqꞌue xcacuilal xchꞌo̱leb li nequeꞌxcubsi ribeb ut ninqꞌue ajcuiꞌ xcacuilal xchꞌo̱leb li nequeꞌyotꞌeꞌ xchꞌo̱l.

San Marcos 15:7

Jun li cui̱nk aj Barrabás xcꞌabaꞌ cuan saꞌ tzꞌalam rochbeneb lix comon xban li camsi̱nc queꞌxba̱nu nak yo̱queb chi pletic chirix li acuabej.

San Mateo 9:13

Cheqꞌuehak biꞌ e̱chꞌo̱l chixtaubal ru lix ya̱lal li a̱tin aꞌin: “li kꞌaxal lokꞌ chicuu, aꞌan li uxta̱na̱nc u ut ma̱cuaꞌ li mayejac xul”. La̱in incꞌaꞌ xinchal chixsicꞌbal li ti̱queb xchꞌo̱l. Xinchal ban chixsicꞌbaleb laj ma̱c re nak teꞌyotꞌekꞌ xchꞌo̱l teꞌxjal xcꞌaꞌux, chan li Jesús.

San Marcos 2:17

Li Jesús quirabi li queꞌxpatzꞌ ut quixye reheb: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li nequeꞌraj banecꞌ. Joꞌcan nak la̱in incꞌaꞌ xinchal chixsicꞌbaleb li ti̱queb xchꞌo̱l. Xinchal ban chixsicꞌbaleb laj ma̱c, chan li Jesús.

San Lucas 5:31

Li Jesús quixye reheb: —Li cauheb ma̱cꞌaꞌ na-oc cuiꞌ aj banonel reheb. Aban li yajeb, aꞌaneb li teꞌraj banecꞌ.

San Lucas 5:33

Ut queꞌxye cuiꞌchic re li Jesús: —Eb lix tzolom laj Juan rajlal nequeꞌxba̱nu x-ayu̱n ut rajlal nequeꞌtijoc. Joꞌcan ajcuiꞌ nequeꞌxba̱nu lix tzolomeb laj fariseo. Ut eb la̱ tzolom la̱at, ¿cꞌaꞌut nak incꞌaꞌ nequeꞌxba̱nu chi joꞌcan? Eb aꞌan nequeꞌcuaꞌac nequeꞌucꞌac chi ma̱cꞌaꞌeb xcꞌaꞌux, chanqueb.