San Lucas 5:29 - Li Santil hu

²⁹ Quixba̱nu jun li nimla ninkꞌe laj Leví chokꞌ re li Jesús. Cuanqueb nabaleb xcomoneb laj titzꞌol toj ut cuanqueb ajcuiꞌ nabaleb jalan chic chi cuaꞌac saꞌ li me̱x rochbeneb.

Q'eqchi Bible

²⁹ Naq laj Leví kixb'aanu jun nimla ninq'e sa' rochoch sa' xk'ab'a' li Jesus, wankeb' aran naab'aleb' aj titz'ol toj ut jalaneb' chik li yookeb' chi hilank sa' meex rochb'eeneb'.

San Lucas 5:29 ပူးပေါင်းရင်းမြစ်များ

San Lucas 15:1

Nabaleb laj titzꞌol toj ut eb laj ma̱c queꞌcuulac chirabinquil li cꞌaꞌru yo̱ chixyebal li Jesús.

1 Corintios 10:27

Cui junak ma̱cuaꞌ aj pa̱banel tatxbok chi cuaꞌac riqꞌuin ut cui naxcꞌul a̱chꞌo̱l xic riqꞌuin, li cꞌaꞌru tixqꞌue chatzaca, chacꞌul. Abanan incꞌaꞌ ta̱patzꞌ ma mayejanbil li tzacae̱mk aꞌan re nak ma̱cꞌaꞌak a̱cꞌaꞌux nak ta̱tzaca.

San Juan 12:2

Queꞌxcauresi xtzacae̱mk li Jesús. Laj Lázaro cuan saꞌ xya̱nkeb li cꞌojcꞌo̱queb saꞌ me̱x rochben li Jesús. Ut lix Marta yo̱ chixqꞌuebal li tzacae̱mk saꞌ li me̱x.

San Marcos 2:15

Ut chirix aꞌan li Jesús co̱ saꞌ li rochoch laj Leví chi cuaꞌac. Nabaleb laj titzꞌol toj ut nabaleb ajcuiꞌ laj ma̱c cuanqueb saꞌ li me̱x bar cuan cuiꞌ li Jesús rochbeneb lix tzolom. Nabaleb xban nak nabal queꞌta̱ken re li Jesús.

San Mateo 9:10

Ut chirix aꞌan li Jesús co̱ saꞌ li rochoch laj Mateo chi cuaꞌac. Cꞌojcꞌo saꞌ me̱x rochbeneb lix tzolom nak queꞌcuulac nabaleb laj titzꞌol toj rochbeneb nabaleb chic li rech aj ma̱quil. Ut queꞌcꞌojla saꞌ me̱x chi cuaꞌac rochben li Jesús.

San Mateo 5:46

Cui caꞌaj cuiꞌ li nequeꞌrahoc e̱re nequera, ¿cꞌaꞌru le̱ kꞌajca̱munquil te̱cꞌul? ¿Ma incꞌaꞌ ta biꞌ joꞌcan ajcuiꞌ nequeꞌxba̱nu eb laj titzꞌol toj, li nequeꞌbalakꞌin?

San Mateo 9:9

Ut li Jesús qui-el aran Capernaum ut quinumeꞌ saꞌ li naꞌajej bar nequeꞌcꞌuluc cuiꞌ toj. Quiril jun li cui̱nk aj Mateo xcꞌabaꞌ. Cꞌojcꞌo aran xban nak aꞌan aj titzꞌol toj. Ut li Jesús quixye re: —China̱ta̱ke.— Ut laj Mateo quicuacli ut quixta̱ke.

San Mateo 11:19

Ut nak xincꞌulun la̱in li Cꞌajolbej, nincuaꞌac ut nin-ucꞌac, ut incꞌaꞌ ajcuiꞌ quineꞌxcꞌul saꞌ xya̱lal. Eb li tenamit nequeꞌxye chicuix, “Li jun cuan arin, junes cuaꞌac ut junes ucꞌac vino naxba̱nu. Aꞌan rami̱gueb laj ma̱c ut eb laj titzꞌol toj”, chanqueb. Aꞌut li naꞌleb li qꞌuebil xban li Dios, xakxo xcuanquil riqꞌuin li xba̱nu laj Juan ut li cꞌaꞌru xinba̱nu la̱in.