San Lucas 5:24 - Li Santil hu

²⁴ La̱in tincꞌut che̱ru nak la̱in li Cristo li Cꞌajolbej ut cuan incuanquil saꞌ ruchichꞌochꞌ chixcuybal xsachbal li ma̱c, chan reheb. Tojoꞌnak li Jesús quixye re li yaj, —At cui̱nk, la̱in tinye a̱cue, cuaclin, cꞌam la̱ cuarib ut ayu saꞌ la̱ cuochoch, chan.

Q'eqchi Bible

²⁴ Ab'anan re teenaw naq li K'ajolb'ej wank xwankil sa' ruuchich'och' re kuyuk sachok maak -kixye re li sik: Aawe ninye, waklin, xok laach'ina ch'aat ut ayu sa' laawochoch.

San Lucas 5:24 ပူးပေါင်းရင်းမြစ်များ

Apocalipsis 1:13

Ut saꞌ xya̱nkeb li candelero xakxo li Cꞌajolbej. Chanchan na-iloc jun cui̱nk nak quicuil. Toj chi rok nacuulac xnimal rok li rakꞌ. Cuan jun cꞌa̱mal saꞌ yi̱banbil riqꞌuin oro chire xchꞌo̱l.

Isaías 53:11

Nabal li raylal quixcꞌul nak toj yoꞌyo saꞌ ruchichꞌochꞌ. Abanan ta̱qꞌuehekꞌ cuiꞌchic lix sahil xchꞌo̱l ut tixnau nak cuan rajbal nak quixcꞌul li raylal. Laj cꞌanjel chiru li Dios ti̱c xchꞌo̱l ut aꞌan tixtoj rix lix ma̱queb nabal ut saꞌ xcꞌabaꞌ aꞌan li Dios tixcuy tixsacheb lix ma̱queb.

Hechos 14:10

Joꞌcan nak laj Pablo quixye re chi cau xya̱b xcux: —Cuaclin. Xaklin chi us, chan. Ac ta̱cuacli̱k ut qui-oc chi be̱c li cui̱nk.

Hechos 9:40

Laj Pedro quirisiheb chirix cab. Quixcuikꞌib rib ut qui-oc chi tijoc. Ut quiril li camenak ut quixye re: —Tabita, cuaclin, chan. Ut li ixk quixte li xnakꞌ ru, ut nak quiril ru laj Pedro, quicꞌojla.

Hechos 9:34

Ut laj Pedro quixye re: —At Eneas, li Ka̱cuaꞌ Jesucristo tatxqꞌuirtesi anakcuan. Xaklin ut xoc la̱ cuarib, chan. Ut saꞌ junpa̱t quixakli li cui̱nk.

Hechos 5:31

Li Jesús, aꞌan li quiqꞌueheꞌ xlokꞌal xban li Dios ut quiqꞌueheꞌ chi cꞌojla̱c saꞌ xnim ukꞌ ut quiqꞌueheꞌ xcuanquil chi takla̱nc ut chi coloc, re nak laj Israel naru teꞌyotꞌekꞌ xchꞌo̱leb teꞌxjal xcꞌaꞌux ut teꞌcuyekꞌ xma̱queb.

San Juan 17:2

La̱at xatqꞌuehoc incuanquil saꞌ xbe̱n chixjunil re nak tinqꞌue li junelic yuꞌam reheb li xakꞌaxtesiheb cue.

San Juan 11:43

Nak quirakeꞌ chi tijoc, li Jesús quixye chi cau xya̱b xcux: —At Lázaro, cuaclin chak ut quim arin, chan.

San Juan 5:27

Ut quixqꞌue ajcuiꞌ incuanquil chi rakoc a̱tin xban nak la̱in li Cꞌajolbej. Taklanbilin chak xban li Dios.

San Juan 3:13

Ma̱ ani quicuulac saꞌ choxa. Caꞌaj cuiꞌ la̱in li Cꞌajolbej. La̱in xinchal chak saꞌ choxa.

San Lucas 8:54

Abanan li Jesús quixchap chi rukꞌ li xkaꞌal, ut quixye re: —At chꞌina xkaꞌal, cuaclin, chan.

San Lucas 7:14

Li Jesús quinachꞌoc riqꞌuineb ut quixchꞌeꞌ li tusbil cheꞌ li yo̱queb chixpakonquil cuiꞌ li camenak. Ut eb li yo̱queb chi cꞌamoc re li camenak queꞌxakli ut li Jesús quixye re li camenak: —At sa̱j cui̱nk, la̱in tinye a̱cue, cuaclin, chan.

San Lucas 5:13

Li Jesús quixchꞌeꞌ li cui̱nk riqꞌuin rukꞌ ut quixye re: —La̱in tincuaj nak tatqꞌuira̱k. Anakcuan tatinqꞌuirtesi, chan. Ut saꞌ ajcuiꞌ li ho̱nal aꞌan quiqꞌuira li cui̱nk.

San Mateo 28:18

Li Jesús quinachꞌoc riqꞌuineb ut quixye reheb: —Chixjunil li cuanquil qꞌuebil cue xban li Dios, joꞌ saꞌ choxa joꞌ saꞌ ruchichꞌochꞌ.

San Mateo 26:64

Ut li Jesús quixye re: —Ya̱l li xaye la̱at. Ut tinye ajcuiꞌ e̱re nak chalen anakcuan tine̱ril la̱in li Cꞌajolbej nak cꞌojcꞌo̱kin saꞌ xnim ukꞌ li nimajcual Dios ut tine̱ril ajcuiꞌ nak yo̱kin chak chi cha̱lc cuiꞌchic saꞌ li chok saꞌ choxa, chan.

San Mateo 25:31

Nak tincha̱lk la̱in li Cꞌajolbej riqꞌuin xnimal inlokꞌal cuochbenakeb chak chixjunileb li ángel, tojoꞌnak toxincꞌojla̱k saꞌ lin cꞌojariba̱l retalil xnimal incuanquil chi rakoc a̱tin.

San Mateo 16:13

Chirix chic aꞌan li Jesús co̱ rochbeneb lix tzolom saꞌ li naꞌajej Cesarea re Filipo. Nak yo̱queb chi xic, quixpatzꞌ reheb lix tzolom: —¿Anihin la̱in nak nequeꞌxye li tenamit?—

San Mateo 9:6

La̱in tincꞌut che̱ru nak la̱in li Cristo li Cꞌajolbej ut cuan incuanquil saꞌ ruchichꞌochꞌ chixcuybal xsachbal li ma̱c, chan. Joꞌcan nak quixye re li yaj: —Cuaclin, cꞌam la̱ chꞌa̱t ut ayu saꞌ la̱ cuochoch, chan.

Daniel 7:13

Ut saꞌ ajcuiꞌ li kꞌojyi̱n aꞌan quicuil saꞌ lin matcꞌ nak yo̱ chak chi cha̱lc saꞌ li chok li Cꞌajolbej. Ut quijiloc riqꞌuin li Ti̱xil Cui̱nk li cuan chi junelic.

San Mateo 4:24

Quicuulac resil saꞌ chixjunil li naꞌajej Siria li cꞌaꞌru yo̱ chixba̱nunquil li Jesús aran Galilea. Ut queꞌxcꞌam riqꞌuin chixjunileb li yaj. Qꞌuila pa̱y ru lix yajeleb ut lix raylaleb. Cuan li toj nakꞌehin xyajeleb. Ut cuan li cuanqueb ma̱us aj musikꞌej riqꞌuineb ut cuanqueb ajcuiꞌ li sic. Ut li Jesús naxqꞌuirtesiheb.

San Lucas 5:18

Saꞌ li ho̱nal aꞌan queꞌcuulac cuib oxib li cui̱nk ut yo̱queb chixcꞌambal jun li cui̱nk sic li rok ut sic li rukꞌ yocyo chiru lix cuarib. Ut teꞌraj rocsinquil li cui̱nk cuan cuiꞌ li Jesús.

San Lucas 5:23

¿Bar cuan li us tinye re li yaj re nak ta̱cꞌutu̱nk che̱ru nak cuan incuanquil? ¿Ma tinye re, “cuybil sachbil la̱ ma̱c” malaj ut tinye re, “tatinqꞌuirtesi”?