San Lucas 5:17 - Li Santil hu

¹⁷ Saꞌ jun li cutan nak li Jesús yo̱ chixchꞌolobanquil lix ya̱lal chiruheb li tenamit cuanqueb cuib oxib laj fariseo saꞌ xya̱nkeb. Ut cuanqueb ajcuiꞌ aj tzolol chakꞌrab. Queꞌchal chak saꞌ eb li naꞌajej Galilea, Judea ut Jerusalén. Ut li Jesús yo̱ chixqꞌuirtesinquileb li yaj riqꞌuin xcuanquil li Dios.

Q'eqchi Bible

¹⁷ Sa' jun li kutan li Jesus yo chi xtzolb'aleb' li tenamit ut wankeb' aj Pariseey ut aj nahol Chaq'rab' k'ojk'ookeb' aran, chalenaqeb' chaq sa' chixjunil li xsutam Galilea ut Judea, jo'wi' Jerusalén. Ut li xwankil li Qaawa' nak'ehok re chi k'irtasink.

San Lucas 5:17 ပူးပေါင်းရင်းမြစ်များ

San Lucas 6:19

Ut li qꞌuila tenamit teꞌraj xchꞌeꞌbal li Jesús re nak teꞌqꞌuirtesi̱k. Aꞌan naxqꞌuirtesiheb riqꞌuin lix cuanquilal.

San Lucas 8:46

Ut li Jesús quixye cuiꞌchic reheb: —La̱in ninnau nak cuan ani xchꞌeꞌoc cue xban nak xcuecꞌa nak cuan ani xqꞌuira riqꞌuin incuanquil, chan.

Hechos 19:11

Ut li Ka̱cuaꞌ Dios quixqꞌue xcuanquil laj Pablo chixba̱nunquil li sachba chꞌo̱lej.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

Hechos 4:30

Ut riqꞌuin taxak xnimal la̱ cuanquil, ta̱qꞌuirtesiheb li yaj ut chaba̱nu li sachba chꞌo̱lej ut milagro saꞌ xcꞌabaꞌ li Jesús la̱ Santil Alal, chanqueb saꞌ lix tijeb.

San Marcos 7:1

Eb laj fariseo queꞌcuulac riqꞌuin li Jesús rochbeneb cuib oxib laj tzꞌi̱b li queꞌchal chak aran Jerusalén.

San Marcos 5:30

Ut li Jesús quixnau nak cuan li quiqꞌuira xban lix cuanquil. Quixsukꞌisi rib saꞌ xya̱nkeb li qꞌuila tenamit ut quixpatzꞌ reheb: —¿Ani xchꞌeꞌoc re li cuakꞌ? chan reheb.

San Mateo 15:1

Jun chꞌol eb aj tzꞌi̱b rochbeneb laj fariseo queꞌchal chak Jerusalén. Queꞌcuulac riqꞌuin li Jesús ut queꞌxye re:

San Juan 3:21

Abanan li ani cuanqueb saꞌ ti̱quilal, nequeꞌcuulac chiru cua̱nc saꞌ xya̱lal re nak ta̱cꞌutu̱nk nak nequeꞌxba̱nu li cꞌaꞌru naraj li Dios, chan li Jesús.

San Lucas 2:46

Nak ac xnumeꞌ chic oxib cutan, queꞌxtau aran saꞌ li templo. Cꞌojcꞌo saꞌ xya̱nkeb li nequeꞌxnau chi us li cꞌaꞌru naxye saꞌ li chakꞌrab. Yo̱ chirabinquil li yo̱queb chixyebal ut yo̱ ajcuiꞌ chi patzꞌoc reheb.

San Lucas 15:2

Eb laj fariseo ut eb laj tzꞌi̱b yo̱queb chi cuechꞌi̱nc ut yo̱queb chixyebal: —Li cui̱nk aꞌin naxcꞌam rib saꞌ usilal riqꞌuineb laj ma̱c ut nacuaꞌac rochbeneb, chanqueb.

San Lucas 7:30

Abanan eb laj fariseo ut eb laj tzolol chakꞌrab queꞌxtzꞌekta̱na li rusilal li Dios li quixcꞌoxla xba̱nunquil reheb. Ut incꞌaꞌ queꞌxcꞌul li cubi haꞌ riqꞌuin laj Juan.

San Lucas 5:30

Eb laj fariseo ut eb laj tzolol chakꞌrab queꞌoc chixcuechꞌinquil rixeb lix tzolom li Jesús ut queꞌxye reheb: —¿Cꞌaꞌut nak nequexcuaꞌac ut nequex-ucꞌac rochbeneb laj titzꞌol toj ut rochbeneb laj ma̱c? chanqueb.

San Lucas 5:21

Ut eb laj fariseo ut eb laj tzolol chakꞌrab queꞌoc chixyebal chi ribileb rib: —¿Ani li cui̱nk aꞌan nak naxjuntakꞌe̱ta rib riqꞌuin li Dios nak naxye chi joꞌcan? ¿Ma aꞌan ta biꞌ li Dios? ¿Ma ma̱cuaꞌ ta biꞌ caꞌaj cuiꞌ li Dios naru nacuyuc ma̱c? chanqueb.

San Marcos 16:18

Cui teꞌxchap cꞌantiꞌ chi rukꞌeb, ma̱cꞌaꞌ teꞌxcꞌul ut cui teꞌrucꞌ li cꞌaꞌak re ru nacamsin, ma̱cꞌaꞌ teꞌxcꞌul. Cui teꞌxqꞌue li rukꞌ saꞌ xbe̱neb li yaj, teꞌqꞌuira̱k, chan li Jesús.

San Marcos 3:22

Ut eb laj tzꞌi̱b li queꞌchal chak Jerusalén yo̱queb chixyebal: —Laj tza cuan riqꞌuin li Jesús ut saꞌ xcꞌabaꞌ laj tza narisiheb li ma̱us aj musikꞌej, chanqueb.

San Marcos 1:45

Co̱ li cui̱nk ut quilajxserakꞌi reheb chixjunil chanru nak quiqꞌuira. Riqꞌuin aꞌan incꞌaꞌ chic naxqꞌue rib na-oc li Jesús saꞌ eb li tenamit xban nak li qꞌuila tenamit yo̱queb chixsicꞌbal li Jesús. Quicana ban saꞌ jun li naꞌajej bar ma̱cꞌaꞌ cuiꞌ nabal li cristian ut aran quilajeꞌcuulac riqꞌuin li nequeꞌchal chak yalak bar.

San Juan 3:10

Li Jesús quixye re: —La̱at aj tzolol reheb laj Israel ut incꞌaꞌ nacatau ru li yo̱quin chixyebal.

Hechos 5:34

Abanan saꞌ xya̱nkeb aꞌan cuan jun aj fariseo aj Gamaliel xcꞌabaꞌ. Li cui̱nk aꞌan aj tzolol chakꞌrab ut naqꞌueheꞌ xcuanquil xbaneb li tenamit. Quixakli chiruheb ut quixtakla risinquileb li apóstol junpa̱t chirix cab.