San Lucas 5:15 - Li Santil hu

¹⁵ Abanan yalak bar yo̱ chi abi̱c resil chixjunil li cꞌaꞌru yo̱ chixba̱nunquil li Jesús. Nabaleb li tenamit nequeꞌxchꞌutub ribeb chirabinquil li cꞌaꞌru naxye ut re ajcuiꞌ nak teꞌqꞌuirtesi̱k.

Q'eqchi Bible

¹⁵ Ab'anan q'axal chik kisutunk resil li Jesus, ut naab'aleb' li tenamit neke'xch'utub' rib' chi rab'inkil jo' ajwi' re naq te'k'irtasiiq li xyajeleb'.

San Lucas 5:15 ပူးပေါင်းရင်းမြစ်များ

San Lucas 12:1

Nak yo̱queb chi chꞌutla̱c li qꞌuila mil chi tenamit, yo̱queb chixtiquisinquil ribeb. Li Jesús qui-oc chi a̱tinac riqꞌuineb lix tzolom xbe̱n cua ut quixye: —Me̱ba̱nu joꞌ nequeꞌxba̱nu laj fariseo. Aꞌaneb aj caꞌ pacꞌal u.

San Marcos 1:45

Co̱ li cui̱nk ut quilajxserakꞌi reheb chixjunil chanru nak quiqꞌuira. Riqꞌuin aꞌan incꞌaꞌ chic naxqꞌue rib na-oc li Jesús saꞌ eb li tenamit xban nak li qꞌuila tenamit yo̱queb chixsicꞌbal li Jesús. Quicana ban saꞌ jun li naꞌajej bar ma̱cꞌaꞌ cuiꞌ nabal li cristian ut aran quilajeꞌcuulac riqꞌuin li nequeꞌchal chak yalak bar.

San Mateo 9:26

Ut li cꞌaꞌru quixba̱nu li Jesús, qui-el resil saꞌ chixjunil li naꞌajej aꞌan.

San Marcos 1:28

Saꞌ junpa̱t queꞌrabi resil saꞌ chixjunileb li tenamit xcue̱nt Galilea cꞌaꞌru quixba̱nu li Jesús.

San Juan 6:2

Nabaleb yo̱queb chi ta̱ke̱nc re xban nak queꞌrileb li milagro li yo̱ chixba̱nunquil nak naxqꞌuirtesiheb li yaj.

San Lucas 14:25

Nak yo̱ chi xic li Jesús nabaleb li tenamit yo̱queb chi ta̱ke̱nc re. Quixsukꞌisi rib li Jesús ut quixye reheb:

San Marcos 3:7

Ut chirix aꞌan li Jesús co̱ chire li palau Galilea rochbeneb lix tzolom. Ut li qꞌuila tenamit queꞌxta̱ke li Jesús. Queꞌchal chak Galilea joꞌ ajcuiꞌ Judea.

Proverbios 15:33

Li ani naxxucua ru li Ka̱cuaꞌ naxtau xnaꞌleb. Ut li ani ta̱raj ta̱qꞌuehekꞌ xlokꞌal tento tixcubsi rib.

1 Timoteo 5:25

Ut cuan ajcuiꞌ li nequeꞌba̱nun re li cha̱bilal. Cuan nak nacꞌutun li cha̱bilal nequeꞌxba̱nu ut cuan nak incꞌaꞌ nacꞌutun. Abanan, toj mokon chic ta̱cꞌutu̱nk li us nequeꞌxba̱nu.

San Mateo 9:31

Caꞌaj cuiꞌ tzꞌakal queꞌel aran nak queꞌoc chixserakꞌinquil resil saꞌ chixjunil li naꞌajej aꞌan li cꞌaꞌru quixba̱nu li Jesús reheb.