San Lucas 5:14 - Li Santil hu

¹⁴ Ut li Jesús quixye re: —Ma̱ ani aj e ta̱serakꞌi chanru nak xatqꞌuira. Ayu ban riqꞌuin laj tij re nak aꞌan ta̱ril nak xatqꞌuira. Ut ta̱qꞌue la̱ mayej joꞌ naxye saꞌ lix chakꞌrab laj Moisés chokꞌ retalil chiruheb chixjunileb nak xatqꞌuira, chan li Jesús.

Q'eqchi Bible

¹⁴ Li Jesus kixchaq'rab'i chi jo'ka'in: —Maa'ani aj e chaye a'in; ayu b'an, k'ut aawib' chiru laj tij ut tatmayejaq chirix laak'irajik jo' naxye li xChaq'rab' laj Moisés re naq ch'olch'ooq chiruheb', chan.

San Lucas 5:14 ပူးပေါင်းရင်းမြစ်များ

San Lucas 17:14

Nak quirileb li Jesús quixye reheb: —Ayukex riqꞌuineb laj tij ut cꞌutumak chak e̱rib chiruheb, chan reheb. Ut nak yo̱queb chi xic, queꞌqꞌuira.

San Mateo 8:4

Tojoꞌnak li Jesús quixye re: —Abi li tinye a̱cue. Ma̱ ani aj e ta̱serakꞌi li xacꞌul. Ayu ban ut cꞌut a̱cuib chiru laj tij. Ut ta̱qꞌue li mayej joꞌ naxye saꞌ lix chakꞌrab laj Moisés re xcꞌutbal chiruheb nak xatqꞌuira.— (Lev. 13:49)

San Marcos 1:44

—Abi li tinye a̱cue. Ma̱ ani aj e ta̱serakꞌi li xacꞌul. Ti̱c tatxic riqꞌuin laj tij re nak aꞌan ta̱ril nak xatqꞌuira. Ut ta̱mayeja junak li xul joꞌ naxye saꞌ lix chakꞌrab laj Moisés. Chaba̱nu aꞌan chokꞌ retalil chiruheb li tenamit nak xatqꞌuira, chan.

San Mateo 12:16

Ut li Jesús quixye reheb nak ma̱ ani aj e teꞌxye resil nak aꞌan li xqꞌuirtesin reheb.

San Mateo 9:30

Ut queꞌiloc li xnakꞌ ruheb. Ut li Jesús quixye reheb: —Cherabi chi us li cꞌaꞌru tinye e̱re. Ma̱ ani aj iqꞌuin te̱serakꞌi li cꞌaꞌru xecꞌul, chan reheb.

Levítico 13:2

—Cui junak cristian cua̱nk junak li ra chiru xtibel, malaj ut xox chirix, malaj ut ta̱si̱po̱kꞌ lix tibel, li jun aꞌan tento ta̱cꞌamekꞌ riqꞌuin laj Aarón laj tij malaj ut riqꞌuin jun li ralal xcomoneb laj tij.

San Lucas 9:5

Cui texcuulak saꞌ junak naꞌajej bar cuiꞌ incꞌaꞌ texcꞌulekꞌ, tex-e̱lk riqꞌuineb ut te̱chikꞌ li poks che̱rok joꞌ retalil li raylal teꞌxcꞌul xban nak incꞌaꞌ queꞌraj rabinquil li ra̱tin li Dios, chan li Jesús.

San Marcos 6:11

Cui texcuulak saꞌ junak naꞌajej bar cuiꞌ incꞌaꞌ texcꞌulekꞌ chi moco teꞌraj rabinquil le̱ ra̱tin, nak tex-e̱lk riqꞌuineb te̱chikꞌ li poks che̱rok joꞌ retalil li raylal teꞌxcꞌul. Relic chi ya̱l ninye e̱re nak kꞌaxal cuiꞌchic li raylal teꞌxcꞌul chiruheb laj Sodoma ut laj Gomorra saꞌ xkꞌehil li rakba a̱tin, chan.

San Mateo 10:18

Ut texcꞌamekꞌ chiruheb li acuabej ut chiruheb li rey saꞌ incꞌabaꞌ la̱in. Ut te̱chꞌolob lix ya̱lal chiruheb aꞌan, joꞌ ajcuiꞌ chiruheb li ma̱cuaꞌeb aj judío.

Levítico 13:49

cui li moꞌ cak malaj ut rax, aꞌan xcomon li moꞌ li naxbon rib ut tento nak ta̱cꞌutekꞌ chiru laj tij.

San Lucas 5:13

Li Jesús quixchꞌeꞌ li cui̱nk riqꞌuin rukꞌ ut quixye re: —La̱in tincuaj nak tatqꞌuira̱k. Anakcuan tatinqꞌuirtesi, chan. Ut saꞌ ajcuiꞌ li ho̱nal aꞌan quiqꞌuira li cui̱nk.