San Lucas 5:12 - Li Santil hu

¹² Nak cuan li Jesús saꞌ jun li tenamit, quicuulac jun li cui̱nk riqꞌuin saklep rix. Nak quiril li Jesús quixxulub rib saꞌ chꞌochꞌ, ut quixtzꞌa̱ma chiru li Jesús ut quixye re: —Ka̱cuaꞌ, la̱in ninnau nak la̱at naru tina̱qꞌuirtesi. Cui ta̱ba̱nu li usilal, china̱qꞌuirtesi, chan.

Q'eqchi Bible

¹² Naq wan chaq li Jesus sa' jun li tenamit, kiwulak aran jun li winq saqlep chixjunil li rix ut, naq kiril li Jesus, kixhupub' rib' ut kirelaji ru: —Qaawa', wi taawaj, truuq tinaak'irtasi, chan re.

San Lucas 5:12 ပူးပေါင်းရင်းမြစ်များ

Salmos 50:15

Chine̱ya̱bak nak cua̱nkex saꞌ raylal ut la̱in texincol ut la̱ex te̱qꞌue inlokꞌal, chan li Dios.

San Lucas 17:16

Quixcuikꞌib rib chiru li Jesús ut quixbantioxi chiru. Li cui̱nk aꞌan aj Samaria.

San Mateo 9:28

Nak ac x-oc li Jesús saꞌ li cab, queꞌoc ajcuiꞌ li mutzꞌ riqꞌuin ut li Jesús quixye: —¿Ma nequepa̱b nak cuan incuanquil che̱qꞌuirtesinquil? chan reheb. Ut eb aꞌan queꞌchakꞌoc ut queꞌxye: —Nakapa̱b, Ka̱cuaꞌ.—

Hebreos 7:25

Li Jesucristo aꞌan tzꞌakal ta̱colok reheb chixjunileb li nequeꞌpa̱ban re li Dios saꞌ xcꞌabaꞌ aꞌan. Li Jesucristo yoꞌyo chi junelic ut naa̱tinac chirixeb chiru li Dios.

Salmos 91:15

Nak tixtzꞌa̱ma xtenkꞌanquil cue, la̱in tinsume li cꞌaꞌru tixtzꞌa̱ma chicuu. La̱in tincua̱nk riqꞌuin ut la̱in tincolok re chiru li raylal ut tinqꞌue xlokꞌal.

San Mateo 26:6

Li Jesús cuan aran Betania saꞌ rochoch laj Simón li saklep rix.

Éxodo 4:6

Li Ka̱cuaꞌ Dios quixye cuiꞌchic re: —Chꞌic la̱ cuukꞌ rubel la̱ tel.— Laj Moisés quixchꞌic li rukꞌ rubel lix tel ut nak quiril chic saklep chic li rukꞌ. Sak sak chi us li rukꞌ.

Génesis 18:14

La̱in li Ka̱cuaꞌ Dios. Ma̱cꞌaꞌ chꞌaꞌaj chicuu. Chiru li chihab jun chic tinsukꞌi̱k chak cha̱cuilbal ut lix Sara ac cua̱nk chic jun lix cꞌulaꞌal chꞌina te̱lom, chan li Ka̱cuaꞌ Dios.

1 Crónicas 21:16

Laj David qui-iloc takecꞌ ut quiril lix ángel li Ka̱cuaꞌ xakxo saꞌ xyi li choxa ut li ruchichꞌochꞌ. Ac cauresinbil lix chꞌi̱chꞌ saꞌ rukꞌ re xsachbal ru li tenamit Jerusalén. Laj David ut eb li nequeꞌcꞌamoc be saꞌ xya̱nkeb laj Israel queꞌxhupub ribeb saꞌ chꞌochꞌ. Ut cuan li kꞌes ru tꞌicr chirixeb.

2 Reyes 5:1

Quicuan jun li cui̱nk aj Naamán xcꞌabaꞌ. Laj Naamán, aꞌan li nataklan saꞌ xbe̱neb li soldado re li tenamit Siria. Lix reyeb laj Siria quixqꞌue xlokꞌal laj Naamán xban nak saꞌ xcꞌabaꞌ aꞌan li Ka̱cuaꞌ quixqꞌueheb laj Siria chi numta̱c saꞌ xbe̱neb li xicꞌ nequeꞌiloc reheb. Laj Naamán naxnau pletic chi us ut cau rib. Abanan cuan lix yajel. Saklep rix.

1 Reyes 18:39

Chixjunileb li tenamit li cuanqueb aran queꞌril li quicꞌulman. Queꞌxhupub ribeb saꞌ chꞌochꞌ ut queꞌxye: —Li Ka̱cuaꞌ, aꞌan li tzꞌakal Dios. Li Ka̱cuaꞌ, aꞌan li nimajcual Dios, chanqueb.

Josué 5:14

Li cui̱nk quixye re: —Ma̱cuaꞌin xcomoneb la̱ soldado chi moco la̱in xcomoneb li xicꞌ nequeꞌiloc e̱re. La̱in nintaklan saꞌ xbe̱neb lix soldado li nimajcual Dios, chan. Ut laj Josué quixcuikꞌib rib chiru toj quixtochꞌ li chꞌochꞌ riqꞌuin lix jolom ut quixlokꞌoni ut quixye re: —La̱in aj cꞌanjel cha̱cuu. ¿Cꞌaꞌru ta̱cuaj tinba̱nu? chan.

Deuteronomio 24:8

Te̱ba̱nu reheb li saklep rixeb chi tzꞌakal re ru chixjunil li nequeꞌxye eb laj tij. Tento te̱ba̱nu joꞌ xinye reheb aꞌan.

Levítico 9:24

Ut li Ka̱cuaꞌ quixtakla li xam ut quixcꞌat li mayej ut li xe̱b li cuan saꞌ xbe̱n li artal. Nak eb li tenamit queꞌril li xam queꞌxhupub ribeb saꞌ chꞌochꞌ ut queꞌxlokꞌoni li Dios.

San Marcos 5:23

Ut chi anchal xchꞌo̱l quixtzꞌa̱ma chiru li Jesús ut quixye re: —At Ka̱cuaꞌ, kꞌaxal nim xyajel lin chꞌina rabin. Ca̱mc re. Ba̱nu usilal, tatxic saꞌ cuochoch. Toxa̱qꞌue la̱ cuukꞌ saꞌ xbe̱n re nak ta̱qꞌuira̱k ut incꞌaꞌ ta̱ca̱mk, chan re li Jesús.

2 Reyes 7:3

Cuanqueb ca̱hib li cui̱nk saklep rixeb chire li oqueba̱l re li tenamit. Queꞌxye chi ribileb rib: —¿Cꞌaꞌut nak cuanco arin roybeninquil kacamic?

2 Reyes 5:27

Anakcuan ta̱letz cha̱cuix lix yajel laj Naamán. Chalen anakcuan saklep chic a̱cuix joꞌ eb ajcuiꞌ la̱ cualal a̱cꞌajol saklep chic rixeb, chan. Ut nak co̱ laj Giezi, saklep chic rix. Sak sak joꞌ li ratzꞌam que.

Levítico 13:16

Cui ta̱sakokꞌ ru ut yo̱k chi qꞌuira̱c lix ra, ta̱xic riqꞌuin laj tij.

San Lucas 5:13

Li Jesús quixchꞌeꞌ li cui̱nk riqꞌuin rukꞌ ut quixye re: —La̱in tincuaj nak tatqꞌuira̱k. Anakcuan tatinqꞌuirtesi, chan. Ut saꞌ ajcuiꞌ li ho̱nal aꞌan quiqꞌuira li cui̱nk.