San Lucas 5:10 - Li Santil hu

¹⁰ Ut joꞌcan ajcuiꞌ laj Jacobo ut laj Juan, eb li ralal laj Zebedeo. Aꞌan eb li rochben laj Simón. Ut li Jesús quixye re laj Simón: —Matcꞌoxlac. Chalen anakcuan ma̱cuaꞌ chic caribc ta̱ba̱nu. A̱cuas a̱cui̱tzꞌin ban chic ta̱sicꞌ re teꞌpa̱ba̱nk, chan li Jesús.

Q'eqchi Bible

¹⁰ Jo'kan ajwi' ke'xk'ul laj Santiago ut laj Jwan, ralaleb' laj Sebedeo, rech aj karineleb' laj Simón. Ab'an li Jesus kixye re laj Simón: —Matxiwak. Chalen anaqwan eb' laawas aawiitz'in chik taasik' cho'q ruuchil li kar.

San Lucas 5:10 ပူးပေါင်းရင်းမြစ်များ

San Mateo 13:47

Joꞌcan ajcuiꞌ lix nimajcual cuanquilal li Dios, aꞌan chanchan li yoy li quiqꞌueman saꞌ li palau ut qꞌuila pa̱y chi car quirisi chak.

San Mateo 4:19

Li Jesús quixye reheb: —Chine̱ta̱ke. Ma̱cuaꞌ chic caribc te̱ba̱nu. E̱ras e̱ri̱tzꞌin ban chic te̱sicꞌ re teꞌpa̱ba̱nk, chan reheb.

San Marcos 1:17

Li Jesús quixye reheb, —Chine̱ta̱ke. Ma̱cuaꞌ chic caribc te̱ba̱nu. E̱ras e̱ri̱tzꞌin ban chic te̱sicꞌ re teꞌpa̱ba̱nk, chan reheb.

San Lucas 5:7

Ut queꞌxcꞌut rukꞌeb chiruheb li rochben li cuanqueb saꞌ li jucub jun chic re xbokbaleb re nak teꞌcha̱lk chixtenkꞌanquil. Ut eb aꞌan queꞌchal ut queꞌxnujtesi xcabichal li jucub ut caꞌchꞌin chic ma̱ nasubun saꞌ li haꞌ xban xqꞌuial li car.

2 Corintios 8:23

Cui ani teꞌpatzꞌok chirix laj Tito, te̱ye reheb nak aꞌan cuech aj cꞌanjelil. Cuochben che̱tenkꞌanquil. Ut eb li cuib chic chi herma̱n, aꞌan taklanbileb xbaneb laj pa̱banel. Xban nak ti̱queb xchꞌo̱l saꞌ lix pa̱ba̱l, nequeꞌxqꞌue xlokꞌal li Cristo.

Hechos 2:4

Queꞌxcꞌul li xcuanquilal li Santil Musikꞌej, ut queꞌoc chi a̱tinac saꞌ jalan a̱tinoba̱l aꞌ yal chanru quicꞌuteꞌ chiruheb xban li Santil Musikꞌej.

San Lucas 6:14

laj Simón li quixqꞌue ajcuiꞌ Pedro chokꞌ xcꞌabaꞌ; laj Andrés li ri̱tzꞌin laj Pedro; laj Jacobo; laj Juan; laj Felipe; laj Bartolomé;

San Mateo 20:20

Laj Jacobo ut laj Juan, aꞌaneb li ralal laj Zebedeo. Queꞌcuulac riqꞌuin li Jesús rochben lix naꞌeb. Ut li naꞌbej quixcuikꞌib rib chiru li Jesús chixtzꞌa̱manquil jun usilal chiru.

San Mateo 14:27

Aꞌut li Jesús ticto quira̱tinaheb ut quixye reheb: —Mexxucuac. La̱in li yo̱quex chicuilbal. Cacuubresihomak e̱chꞌo̱l, chan reheb.

San Mateo 4:21

Junpa̱t na chic quibe̱c li Jesús nak quixtauheb cuiꞌchic cuibeb li cui̱nk ri̱tzꞌineb rib. Aꞌaneb laj Jacobo ut laj Juan. Cuanqueb saꞌ lix jucub rochben laj Zebedeo lix yucuaꞌeb. Yo̱queb chixxitinquil lix yoy. Ut li Jesús quixbokeb re nak teꞌxic chirix.

San Lucas 5:9

Ut quisach xchꞌo̱l laj Simón joꞌqueb ajcuiꞌ li cuanqueb rochben xban nak kꞌaxal cuiꞌchic nabal li car queꞌxchap.

San Juan 21:2

Chꞌutchꞌu̱queb laj Simón Pedro ut laj Tomás li nayeheꞌ lut re, ut laj Natanael, Caná xtenamit li cuan saꞌ xcue̱nt Galilea. Cuanqueb ajcuiꞌ aran li ralal laj Zebedeo ut cuibeb chic lix tzolom li Jesús.

2 Timoteo 2:26

Ut teꞌrisi rib saꞌ rukꞌ laj tza li yo̱ chi a̱le̱nc reheb re nak incꞌaꞌ chic teꞌxba̱nu li cꞌaꞌru naraj aꞌan. Ut teꞌsukꞌi̱k taxak saꞌ li tzꞌakal xya̱lal.