San Lucas 4:40 - Li Santil hu

⁴⁰ Nak ac yo̱ chi ecuu̱c, chixjunileb li cuanqueb xyaj, aꞌ yal cꞌaꞌru xyajeleb, quilajeꞌxcꞌam chak riqꞌuin li Jesús. Ut aꞌan quixqꞌue li rukꞌ saꞌ xbe̱neb ut quixqꞌuirtesiheb.

Q'eqchi Bible

⁴⁰ Naq ok re li saq'e, chixjunileb' li wankeb' xyaj, a' yaal k'aru xyajeleb', kilaje'xk'am rik'in li Jesus ut a'an kixk'e li ruq' sa' xb'eeneb' chixjunqaleb', ut kixk'irtasiheb'.

San Lucas 4:40 ပူးပေါင်းရင်းမြစ်များ

San Marcos 5:23

Ut chi anchal xchꞌo̱l quixtzꞌa̱ma chiru li Jesús ut quixye re: —At Ka̱cuaꞌ, kꞌaxal nim xyajel lin chꞌina rabin. Ca̱mc re. Ba̱nu usilal, tatxic saꞌ cuochoch. Toxa̱qꞌue la̱ cuukꞌ saꞌ xbe̱n re nak ta̱qꞌuira̱k ut incꞌaꞌ ta̱ca̱mk, chan re li Jesús.

Hechos 19:12

Usta caꞌaj cuiꞌ lix tꞌicr ut lix sut laj Pablo nequeꞌxqꞌue saꞌ xbe̱neb li yaj, nequeꞌqꞌuira. Ut nequeꞌel li ma̱us aj musikꞌej riqꞌuineb.

Hechos 5:15

Ut nabaleb li queꞌxcꞌam chak lix yajeb ut queꞌxyocob saꞌ lix cuarib malaj chiru lix po̱p chire be. Queꞌraj nak laj Pedro tixqꞌuirtesiheb. Eb aꞌan queꞌxcꞌoxla nak usta yal ta̱numekꞌ chiruheb, teꞌqꞌuira̱k.

San Marcos 3:10

Xban nak nabal ac xqꞌuirtesi, joꞌcan nak li qꞌuila tenamit yo̱queb chixtiquisinquil ribeb. Teꞌraj teꞌxchꞌeꞌ li Jesús re nak teꞌqꞌuira̱k.

San Mateo 14:13

Nak quirabi resil li quicꞌulman, li Jesús qui-el aran. Qui-oc saꞌ jun li jucub ut co̱ saꞌ jun naꞌajej cuan xjunes. Ut nak queꞌxqꞌue retal li tenamit nak co̱, queꞌel chak saꞌ lix tenamiteb ut queꞌco̱eb chi rokeb saꞌ a̱nil bar co̱ cuiꞌ li Jesús.

San Mateo 11:5

Yehomak re nak eb li mutzꞌ nequeꞌiloc chic; eb li ye̱k rok nequeꞌbe̱c chic; eb li saklep rix xeꞌqꞌuirtesi̱c; eb li tzꞌap xic nequeꞌabin chic; eb li camenak nequeꞌcuaclesi̱c cuiꞌchic chi yoꞌyo; ut eb li nebaꞌ yo̱queb chirabinquil resil li usilal, chaꞌkex re.

San Marcos 6:5

Ut incꞌaꞌ quiru quixba̱nu li milagro saꞌ lix tenamit xban nak incꞌaꞌ queꞌxpa̱b nak cuan xcuanquil. Cuib oxib ajcuiꞌ li yaj quixqꞌue li rukꞌ saꞌ xbe̱neb re nak teꞌqꞌuira̱k.