San Lucas 4:27 - Li Santil hu

²⁷ Joꞌcan ajcuiꞌ saꞌ eb li cutan nak cua̱nk chokꞌ profeta laj Eliseo, nabaleb li saklep rixeb aran Israel. Abanan ma̱ jun reheb laj judío quiqꞌuirtesi̱c. Caꞌaj cuiꞌ jun li cui̱nk li ma̱cuaꞌ aj judío. Li cui̱nk aꞌan aj Naamán xcꞌabaꞌ. Siria xtenamit, chan li Jesús.

Q'eqchi Bible

²⁷ Jo'kan ajwi' naab'aleb' li saqlep rix ke'wank Israel naq kiwank li propeet Eliseo; ab'an maajun reheb' a'an kik'iraak: ka'ajwi' laj Nahamán aj Siria.

San Lucas 4:27 ပူးပေါင်းရင်းမြစ်များ

San Juan 17:12

Nak cuanquin saꞌ xya̱nkeb, riqꞌuin xnimal la̱ cuanquil xincuileb lin tzolom li xakꞌaxtesiheb cue ut ma̱ jun xsach chicuu. Caꞌaj cuiꞌ li jun xsach li ac qꞌuebil chak re sachc. Aꞌin xcꞌulman re nak ta̱tzꞌaklok ru li tzꞌi̱banbil saꞌ li Santil Hu.

San Mateo 12:4

Qui-oc saꞌ li cab bar nequeꞌxlokꞌoni cuiꞌ li Dios ut cuan aran li mayejanbil caxlan cua. Ma̱cuaꞌ raj re laj David xcuaꞌbal li caxlan cua aꞌan, chi moco reheb li rochben. Juneseb laj tij naru nequeꞌxcuaꞌ li mayejanbil caxlan cua. Abanan laj David quixcuaꞌ.

Daniel 4:35

Chixjunileb li cuanqueb saꞌ ruchichꞌochꞌ ma̱cꞌaꞌeb xcuanquil chiru aꞌan. Li Ka̱cuaꞌ kꞌaxal nim xcuanquil saꞌ xbe̱neb li cuanqueb saꞌ choxa joꞌ ajcuiꞌ saꞌ ruchichꞌochꞌ. Naxba̱nu li cꞌaꞌru naraj aꞌan ut ma̱ ani naru naa̱tinac chirix.

Li xHu LAJ JOB 36:23

Ma̱ ani ta̱yehok re cꞌaꞌru tixba̱nu, ut ma̱ ani naru ta̱yehok re nak incꞌaꞌ us naxba̱nu.

Li xHu LAJ JOB 33:13

¿Cꞌaꞌut nak yo̱cat chixcuechꞌbal rix li Dios? ¿Cꞌaꞌut nak nacaye nak incꞌaꞌ naxsume li cꞌaꞌru nacatzꞌa̱ma chiru?

Li xHu LAJ JOB 21:22

¿Ma cuan ta biꞌ junak ta̱ru̱k ta̱yehok re li Dios li cꞌaꞌru tixba̱nu? ¿Ma ma̱cuaꞌ ta biꞌ aꞌan narakoc a̱tin saꞌ xbe̱neb li cuanqueb xcuanquil?

San Mateo 8:3

Li Jesús quixyeꞌ li rukꞌ, quixchꞌeꞌ li cui̱nk ut quixye re: —Nacuaj a̱qꞌuirtesinquil. Anakcuan tatinqꞌuirtesi, chan. Ut saꞌ junpa̱t quiqꞌuira li saklep rix.

San Lucas 4:28

Nak queꞌrabi li a̱tin aꞌin chixjunileb li chꞌutchꞌu̱queb aran, cꞌajoꞌ nak queꞌjoskꞌoꞌ.