San Lucas 4:23 - Li Santil hu

²³ Ut li Jesús quixye reheb: —Ma̱re te̱ye cue jun li a̱tin li naxye: “At aj banonel, ban a̱cuib a̱junes. La̱o xkabi resil nak nabal li cꞌaꞌak re ru xaba̱nu Capernaum. ¿Cꞌaꞌut nak incꞌaꞌ ta̱ba̱nu aꞌan arin saꞌ la̱ tenamit?” ma̱re chaꞌkex cue.

Q'eqchi Bible

²³ Kixye li Jesus reheb': —Ch'olch'o naq teeye we li aatin a'in: «At aj b'anonel, b'an wan aawib'. Chixjunil li xqab'i naq xk'ulmank aran Kafarnaúm, b'aanu ajwi' arin sa' laatenamit».

San Lucas 4:23 ပူးပေါင်းရင်းမြစ်များ

San Marcos 6:1

Li Jesús qui-el saꞌ li naꞌajej aꞌan ut co̱ saꞌ lix tenamit rochbeneb lix tzolom.

San Mateo 4:13

Qui-el Nazaret ut co̱ Capernaum. Ut aran quicana. Li tenamit aꞌan cuan chire li palau saꞌ xchꞌochꞌeb laj Zabulón ut eb aj Neftalí.

2 Corintios 5:16

Incꞌaꞌ chic nakaqꞌue retal chanru nak cuanqueb li junju̱nk saꞌ ruchichꞌochꞌ. Anakcuan la̱o chic aj pa̱banel ut jalan chic li kanaꞌleb. Junxil nak toj ma̱jiꞌ nocopa̱ban incꞌaꞌ xkaqꞌue xcuanquil li Cristo xban nak xkacꞌoxla nak yal cui̱nk. Abanan anakcuan nakanau chic lix ya̱lal.

San Juan 4:28

Li ixk quixcanab lix cuc aran ut co̱ saꞌ li tenamit ut quixye reheb li cuanqueb aran:

San Lucas 6:42

¿Chanru nak ta̱ye re la̱ cuas a̱cui̱tzꞌin, “Cuisihak li cꞌaj cheꞌ saꞌ xnakꞌ a̱cuu”, nak toj cuan li tzꞌamba saꞌ xnakꞌ a̱cuu la̱at? At aj caꞌ pacꞌal u, xbe̱n cua isi li tzꞌamba cuan saꞌ li xnakꞌ a̱cuu la̱at, re nak tat-ilok chi tzꞌakal re risinquil li cꞌaj cheꞌ cuan saꞌ xnakꞌ ru la̱ cuas a̱cui̱tzꞌin.

San Lucas 4:16

Saꞌ jun li cutan quicuulac li Jesús saꞌ li tenamit Nazaret li quiqꞌui cuiꞌ. Saꞌ li hiloba̱l cutan co̱ saꞌ li cab li nequeꞌxchꞌutub cuiꞌ ribeb laj judío joꞌ cꞌaynak xba̱nunquil. Ut quixakli chiruheb re ta̱ril xsaꞌ li Santil Hu.

San Mateo 13:54

Ut nak quicuulac saꞌ lix tenamit Nazaret, quixtzoleb saꞌ li cab li nequeꞌxchꞌutub cuiꞌ ribeb laj judío. Ut eb aꞌan queꞌsach xchꞌo̱leb chirabinquil li quixye li Jesús, ut queꞌxye chi ribileb rib: —¿Bar naxtau lix naꞌleb li cui̱nk aꞌin? ¿Chanru nak naru xba̱nunquil li milagro aꞌin li nalajxba̱nu?

San Mateo 4:23

Ut li Jesús quixbeni chixjunil li naꞌajej Galilea. Yo̱ chixcꞌutbal lix ya̱lal saꞌ eb li cab li nequeꞌxchꞌutub cuiꞌ ribeb laj judío. Quixchꞌolob xya̱lal li cha̱bil esilal chirix lix cuanquilal li Dios. Ut yo̱ chixqꞌuirtesinquil chixjunil li qꞌuila pa̱y ru chi yajel ut li raylal.

San Lucas 2:39

Nak ac queꞌxba̱nu chixjunil li naxye saꞌ li chakꞌrab li quixqꞌue li Ka̱cuaꞌ, laj José ut lix María queꞌsukꞌi saꞌ li tenamit Nazaret li cuan saꞌ xcue̱nt Galilea.

San Lucas 2:51

Li Jesús quisukꞌi Jerusalén rochbeneb lix naꞌ xyucuaꞌ ut na-abin chiruheb. Ut lix naꞌ quixcꞌu̱la saꞌ xchꞌo̱l chixjunil li quicꞌulman.

San Lucas 4:31

Li Jesús co̱ saꞌ li tenamit Capernaum li cuan saꞌ xcue̱nt Galilea. Yo̱ chixchꞌolobanquil lix ya̱lal chiruheb li tenamit saꞌ eb li hiloba̱l cutan saꞌ li cab li nequeꞌxchꞌutub cuiꞌ ribeb laj judío.

San Lucas 4:35

Abanan li Jesús quixkꞌus li ma̱us aj musikꞌej ut quixye re: —La̱at ma̱us aj musikꞌej, matchokin. Elen riqꞌuin li cui̱nk aꞌin, chan li Jesús. Ut li ma̱us aj musikꞌej quixtꞌan li cui̱nk chiruheb aꞌan, ut qui-el riqꞌuin ut ma̱cꞌaꞌ quixba̱nu re.