San Lucas 4:2 - Li Santil hu

² Ut aran quicuan caꞌcꞌa̱l cutan. Ut laj tza quixyal ra̱lenquil. Abanan incꞌaꞌ quixqꞌue rib chi a̱le̱c. Chiruheb li cutan aꞌan ma̱cꞌaꞌ naxtzaca ut saꞌ xrakic li caꞌcꞌa̱l cutan quichal xtzꞌocajic.

Q'eqchi Bible

² Aran chiru ka'k'aal kutan ki'aaleek xb'aan laj tza. Maak'a' kixtzeka chiruheb' li kutan a'an, ut sa' xraqik kitz'okaak.

San Lucas 4:2 ပူးပေါင်းရင်းမြစ်များ

1 Reyes 19:8

Quicuacli laj Elías, quicuaꞌac ut qui-ucꞌac. Riqꞌuin lix tzacae̱mk li quixtzaca, cau chic rib re ta̱be̱k chiru caꞌcꞌa̱l cutan ut caꞌcꞌa̱l kꞌojyi̱n toj ta̱cuulak saꞌ li tzu̱l Horeb li nequeꞌxlokꞌoni cuiꞌ li Ka̱cuaꞌ.

Éxodo 34:28

Caꞌcꞌa̱l cutan (40) ut caꞌcꞌa̱l kꞌojyi̱n quicana aran laj Moisés riqꞌuin li Dios. Incꞌaꞌ quicuaꞌac ut incꞌaꞌ qui-ucꞌac. Ut quixtzꞌi̱ba li contrato chiru li cuib chi pec. Aꞌaneb li laje̱b chi chakꞌrab.

Hebreos 4:15

Li Jesucristo aꞌan xyucuaꞌil aj tij chokꞌ ke la̱o. Naxtokꞌoba ku xban nak naxnau nak moco kꞌaxal cau ta li kachꞌo̱l. Nak quicuan arin saꞌ ruchichꞌochꞌ, li Jesucristo quiyaleꞌ ra̱lenquil joꞌ nak nayaleꞌ ka̱lenquil la̱o. Aban li Jesucristo incꞌaꞌ quima̱cob.

Hebreos 2:18

Li Ka̱cuaꞌ Jesucristo quixcꞌul li raylal ut quiyaleꞌ ra̱lenquil. Aban, incꞌaꞌ quixqꞌue rib chi a̱le̱c. Joꞌcan nak nim xcuanquil chixtenkꞌanquileb li nequeꞌyaleꞌ ra̱lenquil.

Deuteronomio 9:9

Nak la̱in quintakeꞌ saꞌ xbe̱n li tzu̱l chixcꞌulbal li perpo̱quil pec li tzꞌi̱banbil cuiꞌ lix contrato li Dios, quincana saꞌ li tzu̱l caꞌcꞌa̱l cutan ut caꞌcꞌa̱l kꞌojyi̱n. Incꞌaꞌ quincuaꞌac chi moco quin-ucꞌac.

San Juan 4:6

Ut aran cuan jun li becbil haꞌ li quixtakla xbecbal laj Jacob najter. Cuaꞌleb na chic quicuulac aran li Jesús. Quicꞌojla chire li becbil haꞌ chi hila̱nc xban nak quilub chi be̱c.

Deuteronomio 9:18

Ut quincut cuib saꞌ chꞌochꞌ chiru li Ka̱cuaꞌ joꞌ quinba̱nu junxil. Ut chiru caꞌcꞌa̱l cutan ut caꞌcꞌa̱l kꞌojyi̱n incꞌaꞌ quincuaꞌac chi moco quin-ucꞌac xban chixjunil li ma̱c li queba̱nu. Queba̱nu li ma̱usilal chiru li Ka̱cuaꞌ ut quechikꞌ xjoskꞌil.

San Mateo 21:18

Ut ekꞌela nak yo̱ cuiꞌchic chi xic Jerusalén, quichal xtzꞌocajic li Jesús.

San Mateo 4:2

Nak ac xba̱nu x-ayu̱n caꞌcꞌa̱l cutan caꞌcꞌa̱l kꞌojyi̱n quitzꞌoca.

Jonás 3:7

Chirix aꞌan li rey, rochbeneb li nequeꞌcꞌanjelac chiru, queꞌxqꞌue jun li chakꞌrab. Li chakꞌrab li queꞌxqꞌue, aꞌan nak li cristian incꞌaꞌ teꞌcuaꞌak chi moco teꞌucꞌak. Chi moco li queto̱mk teꞌqꞌuehekꞌ xcua rucꞌa, chi moco li bo̱yx, chi moco li carner.

Ester 4:16

—Tatxic ut ta̱chꞌutubeb chixjunileb laj judío li cuanqueb Susa. Ye reheb nak teꞌayunik ut teꞌtijok chicuix. Incꞌaꞌ teꞌucꞌak chi moco teꞌcuaꞌak chiru oxib cutan ut oxib kꞌojyi̱n. Ut joꞌcan ajcuiꞌ tinba̱nu la̱in cuochbeneb li ixk li nequeꞌcꞌanjelac chicuu. Chirix aꞌan la̱in tinxic chi a̱tinac riqꞌuin li rey, usta tinkꞌet li chakꞌrab. Ut cui tincamsi̱k, chincamsi̱k, chan lix Ester.

1 Samuel 17:16

Rajlal ekꞌela ut rajlal ecuu naxic laj Goliat chixchikꞌbal xjoskꞌileb laj Israel. Caꞌcꞌa̱l cutan quixba̱nu chi joꞌcan.

Deuteronomio 9:25

Joꞌcan nak la̱in quincut cuib saꞌ chꞌochꞌ chi tijoc chiru li Ka̱cuaꞌ chiru caꞌcꞌa̱l cutan ut caꞌcꞌa̱l kꞌojyi̱n xban nak li Ka̱cuaꞌ quixye nak tixsach e̱ru.

Éxodo 24:18

Tojoꞌnak laj Moisés mas cuiꞌchic quitakeꞌ chiru li tzu̱l ut qui-oc saꞌ li chok. Ut caꞌcꞌa̱l (40) cutan ut caꞌcꞌa̱l kꞌojyi̱n quicuan aran.

Génesis 3:15

Li Dios quixye ajcuiꞌ re li cꞌantiꞌ: —La̱in tinqꞌue raylal saꞌ e̱ya̱nk re nak xicꞌ chic te̱ril e̱rib la̱at ut li ixk. Xicꞌ teꞌril rib la̱ cualal a̱cꞌajol riqꞌuineb li ralal xcꞌajol li ixk. Saꞌ junak cutan la̱at ta̱rahobtesi li rit rok junak reheb li ralal xcꞌajol li ixk, ut aꞌan tixpuqꞌui la̱ jolom.

San Lucas 4:3

Laj tza quixye re: —Cui tzꞌakal ya̱l nak la̱at Ralal li Dios, sukꞌisi chokꞌ caxlan cua li pec aꞌin, chan.