San Lucas 3:2 - Li Santil hu

² Ut cuanqueb chokꞌ xbe̱nil aj tij laj Anás ut laj Caifás. Saꞌ eb li cutan aꞌan laj Juan li ralal laj Zacarías quia̱tina̱c xban li Dios nak cuan chak saꞌ li chaki chꞌochꞌ.

Q'eqchi Bible

² Laj Anás ut laj Kaifás wankeb' chaq cho'q xyuwa'il aj tij. Sa'eb' li kutan a'an kichalk li Raatin li Yos rik'in laj Jwan, ralal laj Sakarías, naq wan chaq sa' li chaqich'och'.

San Lucas 3:2 ပူးပေါင်းရင်းမြစ်များ

Hechos 4:6

Cuanqueb ajcuiꞌ aran laj Anás li xyucuaꞌil laj tij, ut laj Caifás, ut laj Juan, ut laj Alejandro joꞌqueb ajcuiꞌ li jun chꞌol chic lix comoneb li xyucuaꞌil aj tij.

San Juan 18:24

Ut laj Anás quixtakla li Jesús chi bacꞌbo riqꞌuin laj Caifás li xyucuaꞌil aj tij.

San Lucas 1:80

Ut li cꞌulaꞌal yo̱ chi qꞌui̱c ut yo̱ chi cacuu̱c saꞌ xpa̱ba̱l. Ut quicuan saꞌ li chaki chꞌochꞌ bar incꞌaꞌ qꞌuiheb li tenamit toj quicuulac xkꞌehil nak quixtiquib xchꞌolobanquil lix ya̱lal chiruheb laj Israel.

Jonás 1:1

Joꞌcaꞌin quixye li Ka̱cuaꞌ re laj Jonás li ralal laj Amitai:

San Juan 1:23

Quixye laj Juan: —La̱in li yo̱quin chixchꞌolobanquil lix ya̱lal chiruheb li cristian chi cau xya̱b incux saꞌ li chaki chꞌochꞌ ut ninye resil li quixye li profeta Isaías: Yi̱bomak le̱ yuꞌam ut yoꞌon cua̱nkex chixcꞌulbal li Ka̱cuaꞌ joꞌ nak nequeꞌxyi̱b li be re xcꞌulbal junak li nim xcuanquil.— (Isa. 40:3)

San Mateo 26:3

Ut eb lix be̱nil aj tij ut eb laj tzꞌi̱b ut eb li nequeꞌcꞌamoc be saꞌ xya̱nkeb laj judío queꞌxchꞌutub ribeb chiru neba̱l re li rochoch lix yucuaꞌileb laj tij, Caifás xcꞌabaꞌ.

Isaías 40:3

Quicuabi jun xya̱b cux quixye cue chi joꞌcaꞌin: —Yi̱bomak ru li be saꞌ li chaki chꞌochꞌ chiru li Ka̱cuaꞌ. Ti̱cobresihomak li be chiru li kaDios.

San Mateo 11:7

Ut nak queꞌel eb aꞌan, qui-oc chi a̱tinac li Jesús riqꞌuineb li tenamit chirix laj Juan ut quixye chi joꞌcaꞌin: —¿Cꞌaꞌru coxe̱ril chak saꞌ li chaki chꞌochꞌ? ¿Ma junak cui̱nk nacuiban xchꞌo̱l chanchan li caxlan aj yo̱ recꞌasinquil xban ikꞌ coxe̱ril chak?

Sofonías 1:1

Aꞌan aꞌin li a̱tin li quixye li Ka̱cuaꞌ re laj Sofonías saꞌ eb li cutan nak laj Josías li ralal laj Amón cuan chokꞌ rey aran Judá. Laj Sofonías aꞌan ralal laj Cusi. Ut laj Cusi, aꞌan ralal laj Gedalías. Ut laj Gedalías, aꞌan ralal laj Amarías. Ut laj Amarías, aꞌan ralal laj Ezequías.

Miqueas 1:1

Li Ka̱cuaꞌ quia̱tinac riqꞌuin laj Miqueas aj Moreset ut quixcꞌutbesi chiru cꞌaꞌru teꞌxcꞌul eb li tenamit Samaria ut Jerusalén. Aꞌin quicꞌulman saꞌ eb li cutan nak queꞌcuan chokꞌ xreyeb laj Judá laj Jotam ut laj Acaz ut laj Ezequías.

Jeremías 2:1

Quia̱tinac cuiqꞌuin li nimajcual Dios ut quixye cue:

Jeremías 1:2

Yo̱ oxlaju chihab roquic chi cꞌanjelac laj Josías ralal laj Amón chokꞌ xreyeb laj Judá nak li Ka̱cuaꞌ Dios quia̱tinac riqꞌuin laj Jeremías.

Ezequiel 1:3

Saꞌ li chihab aꞌan, saꞌ li roꞌ xbe li xca̱ po nak cuanquin saꞌ xchꞌochꞌeb laj Babilonia chire li nimaꞌ Quebar quicuabi nak li Ka̱cuaꞌ quia̱tinac cuiqꞌuin la̱in li ralal laj Buzi. Chanchan nak quixqꞌue li rukꞌ saꞌ inbe̱n nak quicuecꞌa lix cuanquil.

San Marcos 1:2

Li profeta Isaías quixtzꞌi̱ba li a̱tin li quixye li Dios re li Ralal: Xbe̱n cua tintakla junak lin takl. Aꞌan ta̱yehok resil la̱ cꞌulunic re nak teꞌxcauresi rib li tenamit re a̱cꞌulbal.